Yaok danak dak hu brei mboh bruk gheih ghang, khang hatai padang mbang ngui meng 2 plak tangin saoh di dam dara zaman 4.0. tapa nan, rilo dam dara duah hu jien tỷ di umo dua pluh. Kadha vak di urang vak Hồng Phương brei thau ka danak dak padang mbang ngui mek hu jien tỷ di dam dara gah meraong.

Bruk pakacah “Danak dak padang mbang ngui dam dara puk palei” thun 2023 hadei di labaih 4 bilan peih ngak taduan hu 446 hồ sơ meng 63 tỉnh, thành Đoàn dalam taneh ia. Bhum gah Meraong njauk ndom tal di abih haong dom danak dak gah ngak nong hacih, năng lượng tái tạo. Dom danak dak oh lac ba mai kein laba glaong bo daok rik daong paglaong jien mek tame ka bhap bini puk palei. Pagap yau “Danak dak pah veik dom bein kruac bung” di HTX kruac bung kanduh hijao Hắc Dịch, ban sit Phú Mỹ, tỉnh Bà Rịa - Vũng Tàu. Hu thau, meng puac thun 2021, baoh kruac bung pablei hu takik  saong kurang baoh siam, hu chất lượng glaong. Mboh damen kayua taneh klaak saoh biak rilo, nan ye HTX kruac bung kanduh hijao Hắc Dịch brei peih ngak “Danak dak pah veik dom bein kruac bung” piah daong ka urang nong pala kruac bung kanduh hijao khik bruk, ba jien tame glaong jang.

Sa-ai Nguyễn Thị Thùy Dung, lambaok ka HTX brei thau, HTX sanya blei veik abih kruac bung di dom urang dalam HTX, khik kajap salamat meng tuk pala tal tuk tal tangin urang blei mbang. Tal urak ini, yaok bilan baoh kruac bung HTX laba hu 200 triệu đồng sa thun sa bein ka jaik 30 tấn kruac bung saong bhap bini jeng hu bayar jien pah njauk haong prein buh tabiak: “Kol dahlak hu mbuan lagaih dalam bruk pablei tabiak kayua pablei hu ka dom siêu thị dalam palei saong dom bhum jaik taphia. Kol dahlak jeng hu pablei lẻ di darak pasar nan ye meda plaik mối di dom darak pasar praong. Dom baoh kruac bung oh siam, kol dahlak daoh roh duah piah ngak menyek, gam haong nan, daok ngak danak dak kruac bung sấy dẻo saong ngak bu yamen kruac bung, kol dahlak oh klaak hagait tabiak meng baoh kruac bung. Kol dahlak daok pala kruac bung tui tanut chuẩn VietGap, GlobalGap saong daok ngak mã bhum pala piah eng drei pablei tapa negar langiu”.

Yaom lac gaok rilo kan kandah, min meng hatai oh huac salih bahrau angaok jalan padang mbang ngui, meng sa kỹ sư điện tử, sa-ai Ngô Xuân Điền, daok di ban Cần Thơ padang mbang ngui hu jak jeng haong bruk raong đông trùng hạ thảo. Hadei di sa tukvak oh padeih roh duah piah ngak tabiak đông trùng hạ thảo siam di abih, tal urak ini, Cty di sa-ai Ðiền meda ngak hu 50.000 hộp sa thun, lac 150kg sa thun, haong 5 janih pandap praong lac  bimao đông trùng hạ thảo that, bimao đông trùng hạ thảo sấy thăng hoa, ia hani đông trùng hạ thảo, menyek ngin đông trùng hạ thảo, dalam nan hu 2 janih mek hu angan OCOP 4 patuk. Sa-ai Ngô Xuân Điền khan lac, meng 9m2 tuk camereip, urak ini xưởng di sa-ai hu taneh praong 500m2, hu rilo jamriak mac moc bahrau piah ngak đông trùng hạ thảo.

“Anak tal, kol dahlak brei tabiak rilo janih pandap jang, brei duk iek piah mek hu chứng nhận dalam taneh ia saong dunya yau ye: ISO, Hasat, OCOP piah pablei hu pandap dalam taneh ia saong langiu negar, jien mek tame dak harei dak glaong jang saong ba jien tame tanai tanat ka rilo urang ngak”.

Meng tuk peih ngak Sarak Nyaom roya Kapul dam dara pakat negar vaktu 2017-2022, dom pakat kapul dam dara hu peih ngak labaih 1.450 bruk pakacah sahneng duah jalan padang mbang ngui, dui pachreih hu labaih 223 rabau mbang dam dara hu mbaok tame. Dom bruk pakacah hu daong halang tabiak dom danak dak, dom hatai sahneng padang mbang ngui hu chất lượng, lagaih ba tame ngak. Amuk Nguyễn Thị Thu Vân, akaok mBan dam dara palei pala, kapul dam dara pakat negar ndom lac, bruk pakacah ngak brei salih bharau khang - siam jalan sahneng, jalan ngak di dam dara saong lac prein pabak pamedeih tagok hatai sahneng padang mbang ngui dalam dam dara:

  “Biak caong khin dom ayut mboh lac bruk pakacah oh lac pakacah saoh bo kol drei daok hu mbaok tame mblang me-in haong gauk saong kol drei hu sa labik haong gauk. Caong lac dom Danak dak hu bruk pambuak gauk, hu bruk daong saong kol drei meda padang hu dom chuỗi sản xuất meng dom kaya pandap di danak dak hu mbaok tame bruk pakacah mbang ini. Gam haong nan, dom ayut meda pambuak bruk hu, saong hu pabak prein khang cakrok bruk ngak mbang pablei salih dalam dom danak dak di drei”.

Khang hatai buh jien tame ngak mbang gah kan ngak, oh huac khat lahik, oh huac kan kandah, hu ngak jeng dom urang ngak po daok ranaih, umo thun dua pluh hu bruk padang mbang ngui, peih bruk ngak mbang jak jeng, kein laba mek hu yaok thun meng sa rituh triệu tagok. Meng nan, patagok bruk ngak, labik dang di dam dara dalam cakrok kinh tế, hu mbaok tame rami ramik veik gah ngak nong dalam zaman công nghệ số saong mbeik drei yam tame dunya./.