Rilo sang bac đại học, cao đẳng hu ba tabiak danak dak pilih ruah saong tanut pilih ruah cambaih laih

Adei Hồ Lê Huy, anek saih tal 12 sang bac THPT Võ Thị Sáu (Quận Bình Thạnh) brei thau, thun ini, adei kuhria caik hatai caong 1 tame gah Logistics di sang bac ĐH Sư phạm kỹ thuật TP.HCM. Piah hu tame gah bac drei caong khin, Huy daok pambak tame dom jalan pilih ruah yau: Pakacah taong yaom prein bac di sang bac ĐH Quốc gia TP.HCM, iek tui bruk pakacah tamat  THPT saong chứng chỉ IELTS. Gam haong nan, Huy jeng sahneng kuhria tani tanat caik hatai caong dom gah biar jang piah hu rilo jang jalan tame đại học.

Tui amuk Hoàng Thị Thoa, Phaok Yam ndok Pasak pilih ruah Sang bac ĐH Công nghiệp Thực phẩm ban raya HCM, anek saih urak ini hu tut angan pilih tame rilo sang bac, rilo gah bac min tok hu bac di sa sang bac. Langiu di nan, rilo anek saih yaom lac pilih ruah meng dom jalan yau dahlau daih yau ye pilih ruah tui học bạ, pakacah taong yaom prein bac min daok cang pilih ruah iek tui điểm pakacah tamat THPT,…Yaom lac yau nan, min dom adei njauk duah thau cambaih laih tanut pilih ruah di yaok jalan ngak. Amuk Thoa brei thau:“Bruk praong abih di dom adei lac njauk duah thau rup drei takre hagait di abih, prein bac tal halei saong jien ndo di sang drei yau habar piah hu bruk pilih ruah siam di abih”.

Ong Trịnh Hữu Chung, Phaok Hiệu trưởng sang bac ĐH Gia Định brei thau, yaom lac hu jaik 20 jalan pilih ruah, min jaik abih dom jalan nan jeng hu danak dak pato pakai, tukvak pato pakai saong bằng cấp hadei di tuk bac tamat nyu yau gauk. Di ĐH Gia Định, thun ini jeng tok pilih ruah 3 jalan nan lac học bạ, điểm THPT pakat negar saong điểm taong yaom prein bac, danak dak bac, tukvak bac saong jien bac jeng yau gauk. Kayua yau nan ye, anek saih njauk duah thau taong abih dom jalan bo sang bac ĐH daok caik hatai sangka piah pasang iek prein saong bruk ba tabiak piah pilih ruah:“Piah hu tame meng mbang pilih ruah ka 1, anek saih njauk duah thau cambaih dom quy định di yaok jalan ngak, điểm chuẩn di thun dahlau saong nộp harak gar aval di abih piah patagok jalan hu pilih ruah”

Yaom lac hu rilo jalan pilih ruah min jaik abih dom anek saih jeng pilih ruah saong pambuak haong dom jalan bhian randap yau ye pilih ruah iek tui  học bạ, pilih ruah iek tui điểm tamat THPT atau iek tui bruk pakacah taong yaom prein bac kayua chỉ tiêu di dom jalan pilih ruah ini rilo jang dom jalan pilih ruah karei. Min dom anek saih tame pilih ruah njauk sahneng kuhria, duah thau cambaih laih bruk bac, gah bac, điểm chuẩn duk haong thun dahlau saong prein bac di drei piah hu lagaih jang tuk pilih ruah tame ĐH thun ini./.

Lang sap: Mousa Phương – 08/04