Urakni, dam dara hu duah thau ka bruk Nam bo khang chien 

Melam 22 saboh mesup harei 23-9-1945, 6.000 lin Pháp pagam pambak tame labaih 10 rabau lin Anh ba gauk ngak srau kadau di Bei Gon, peih bruk meblah mek taneh ia drei mbang ka 2, haong hatai jhak khin ngak brei Nam Bộ jeng labik piah taong meblah mek abih taneh ia. Anak bruk yau nan, khik kajap panuac sanya “Độc lập atau metai”, bhap bini Bei Gon jeng yau bhap bini Nam Bộ khang hatai yam tame bruk mesruh pacang thực dân Pháp.

Anak kol lin xâm lược biak gheih, khang jang drei gah phao ndao, pandap panda jeng yau ilamu mesruh metak, drei kan ngak hu dom mbang taong praong  pametai kol khamang. Bruk Xứ ủy haong Ủy ban kháng chiến Nam  Bộ sami samar kuhria caga saong rami ramik dom tapon nyaom bol pan phao kraong ka nyu lagaih, ngak jeng thế trận taong khamang pak di dalam saong gah langiu Bei Gon, lac jalan ngak biak njauk. Ini lac bruk ngak biak khang hatai oh huac metai lahik saong samar drah, njauk tukvak, brei mboh bruk caga dahlau, hadah krah di Xứ ủy haong Ủy ban kháng chiến Nam Bộ khang hatai khik caga độc lập bangsa bahrau meblah mek hu. Meng gai tầm vông saong abih janih phao ndao hu dalam tangin, bol bala haong bhap bini Bei Gon - Chợ Lớn khang hatai taong veik kol khamang hu pabak phao ndao bahrau. Meng mesup harei 23/9/1945, dom kapul tự vệ, thanh niên xung phong peih bruk taong khang haong kol khamang di rilo labik dalam Bei Gon. 

Ngak tui jalan “dalam taong, langiu pacang”, meng jhung bilan 9 tal jhung bilan 10/1945, bol bala saong bhap bini drei gam gam taong khamang. Meng taong tập kích, phục kích sami samar, bol bala drei ngak brei kol khamang trun prein khang,, ngak tayah hatai jhak khin peih praong bruk taong meblah di khamang. Jeng dalam tuk nan, dom rairah bhap bini Bei Gon khang hatai oh pambuak bruk haong kol khamang, ngak brei kol nyu njauk pacang veik, tok kuhria khik iek dom labik praong di pasak ban. Di gah langiu ban, pagam pambak tame thế trận di yaok labik, dom tapon nyaom bol pan phao kraong di drei khang hatai mesruh, pacang cakak khamang taong tabiak bhum gah langiu, gam haong nan brei padang sa kapul loa tame gah dalam ban, samar taong tame dom labik daok di kol lin khamang, labik caik pandap panda, phao ndao, labik kinh tế di khamang, blaoh samar tabiak gah langiu, pakhang pasiam veik lực lượng, blaoh nao taong veik.

Pachreih tui panuac ieu di Đảng saong Chủ tịch Hồ Chí Minh, bruk Nam tiến rah tabiak khang, praong, grauk dom tỉnh Bắc Bộ, Trung Bộ saong dalam bhap bini urang Việt daok di taneh ia langiu, taong abih jeng pamaong mai Bei Gon saong Nam Bộ kháng chiến. Meng thau rami ramik saong kuhria caga lagaih, Chi đội 3 Giải phóng quân lac kapul meng gah barak tame daong aval abih ka Nam Bộ, samar tal pabah jalan praong tame Bei Gon, gam haong tapon nyaom bol pan phao kraong saong bhap bini pak di labik ba gauk tame mesruh. Patui di nan, dom phân đội Nam tiến hu tame dom tỉnh Nam Bộ, gam haong dom tapon nyaom bol pan phao kraong Việt kiều meng Lào, Campuchia, Thái Lan ba gauk mai tal dom tỉnh Tây Ninh, Châu Đốc, Hà Tiên saong dom tỉnh Khu 9 hadei ini, daong ngak brei khang jang prein di bol bala saong bhap bini Nam Bộ kháng chiến.

Bruk khang hatai mesruh, oh huac metai lahik di bol bala haong bhap bini Nam Bộ biak njauk haong angan hadah hadai “Thành đồng Tổ quốc” bo Chủ tịch Hồ Chí Minh alin brei di bilan 2/1946. Meng bruk di dom harei Nam Bộ kháng chiến hu brei mboh bruk pan akaok, ba jalan, tacei pato njauk, samar drah di Trung ương Đảng, Rajaei ngan saong bruk kháng chiến di Nam Bộ. Gam haong nan, hu caik veik dom ilamu biak hu yaom galong ka bruk kuhria caga dahlau, hadah krah di Xứ ủy haong Ủy ban kháng chiến Nam Bộ; ka patagok prein khang jum pataom bangsa piah peih bruk kháng chiến; ka bruk ieu pataom prein menuac, prein daong ka mblang mesruh; ka tacei pato jalan mesruh, peih bruk “chiến tranh nhân dân” khik caga Taneh ia, palei negar./.

Urang lang: Mousaphuong- 23/9