Rilo Y, bac sy njom covid kayua gaok urang ruak yaok harei 

Meng hadei di Tết nguyên đán tal ni, hu labaih  meteh dom y, bác sỹ di sang iek ruak Đại học Y Hà Nội njom  Covid-19, meyah thei jeng likau padeih ngak, ye meda kurang menuac iek ruak ka urang ruak. Kayua yau nan ye, yaom lac hu dut iek dương tính song  Covid-19 ngan song dom  triệu chứng hajuan, kỹ thuật viên Nguyễn Ích Thưởng halan hatain dok veik cơ sở 2 di sang iek ruak piah taong ruak ka dom urang ruak  F0 trak.

Dom urang y tế yau saai  Nguyễn Ích Thưởng, njom Covid-19 oh mboh hagait dalam rup atau mboh hanjuan , tuk iek glang ka urang ruak  F0 hu mbuan lagaih jang biak rilo dut song dom urang ngak bruk yau sa-ai, abih di nyu lac oh cuh khan aow khik rup sre abih. Bruk ini hu tong yaom bloh dalam tuk dom gru jru nao daong pacang jit di dom  tỉnh, ban gah merong. Paok Giáo sư, Tiến sĩ Nguyễn Lân Hiếu, Yam ndoc sang iek ruak  Đại học Y Hà Nội brei thau, bruk abih hatai ka bruk ngak song hatai ranam bruk di dom urang  y tế hu dong ka sang iek ruak  tuk vak tapa oh kurang menuac ngak.

"Dom gru jru hu pato pakai, pasram megru, takik hu urang halei klaak bruk. Hu biak rilo y bác sĩ di kol hulin di sang iek ruak  njauk njom Covid-19. Min, adei saai oh padeih padei, bo likau trun sang iek ruak tong ruak  Covid-19 (Hà Nội) piah iek glang urang ruak. Dom urang oh njom ruak ye tagok cơ sở 1 di Đại học Y Hà Nội ngak bruk. Hulin biak drut droi!

Jeng hu labaih  meteh dom urang jakar, urang ngak njom Covid-19 dalam labaih meteh bilan tapa, Viện Huyết học Truyền máu Trung ương gam patagok dom jalan khik kajap siam mekre salamat ka urang ruak, gam kuhria caga piah oh kurang menuac ngak bruk tong ruak. Brei thau ka bruk hu labaih 1.000 urang jakar, urang ngak, min hu tal labaih  400 urang njom  Covid-19, Tiến sĩ Bạch Quốc Khánh, Akaok Viện Huyết học Truyền máu Trung ương brei thau:

“Sang iek ruak hu panuac ieu  dom urang  F0 bo oh mboh hagait dalam rup atau mboh hajuan meda nao ngak. Jeng brei bruk ka dom ayut nan tong ruak ka F0 min”  

Anak bruk rilo sang iek ruak meda kurang menuac ngak bruk tuk rilo y, bác sĩ njom Covid-19, Paok  Giáo sư, Tiến sĩ Trần Đắc Phu, urang dahlau deih ngak Akaok Cục Y tế dự phòng, Mintri Y tế brei thau, bruk ni hu rah tabiak di rilo taneh ia angaok dunya. Dom jalan pasiam veik brei hu peih ngak sami samar tui sarak  128 di rajaei.

“Mintri Y tế hu brei adat ka dom urang y tế njom Covid-19 oh mboh hagait dalam rup hu nao ngak. Tui hulin mboh brei khik hu  3 bruk. Ka sa urang jakar y tế eng drei brei caga ruak, kayua meyah lac njom ruak song mboh trak  ye oh meda ngak bruk. Ka dua lac, meyah njauk ruak, bo dok nao ngak hu, ye brei ngak catang tui dom bruk pacang caga njom mbak, gah y tế jeng brei pabak ginup pandap pacang caga. Ka klau lac hu jalan salih gauk ngak …”

Tui hukum ngak bruk , dom urang jakar, urang y tế hu quyền padeih padei tuk njom  Covid-19, min kayua bruk ngak prong glong lac iek ruak dong menuac, rilo menuac hu paglong  y đức song kham merat biak rilo  piah gam song xã hội yam tapa jit prong. Bruk bo rilo urang pal akaok sang iek ruak cong khin di tuk ni lac, samar hu dom tacei pato cambaih laih, piah khik kajap sarak, phụ cấp ka dom gru jru  njauk njom Covid-19, abih di nyu nan lac dom urang  yaom lac njauk ruak min dok jeng dom  “urang lin” khang hatai oh huac metai lahik dih angaok mblang mesruh oh hu sap phao ni./.

Urang lang: Hanipha- 14/3