Kol hulin dahlak hu mai tal puk palei Chông Nô 3, daok di xa Hòa Tân duah taom urang ngak nong taha Thạch Sol, gait ieu lac sa dalam dom urang hu rilo thun pala phun li-u ralo saop di labik pala phun hu angan je di ini. Payak kol dahlak hulin di dalam bein li-u saop bak baoh, ong Thạch Sol brei thau lac, ka oh mboh hu yau thun halei blaoh urang pala li-u hu chreih chrai, bui sambai yau ye thun ini. Dalam dom masa meng tal ini, yaom li-u thu tuk halei jeng daok di tanut yaom glaong, tabung glaong di nyu meng 120.000-140.000 ribau daong 12 baoh; baoh hu rilo sáp yaom meng 120.000 -130.000 ribau ndong sa baoh. Daok urak ini, yaom baoh li-u thu tui kuhria meng 100.000-130.000 ribau daong 12 baoh, baoh hu sáp hu yaom meng 60-100 ribau ndaong sa baoh. Ngan haong tanut yaom ini, jaik abih dom baoh sang pala di xa Hòa Tân yaok bilan hu jien mek tame oh mala piluh trieu ndong, dalam tuk nan prein sangka iek glang biak takik dut saong phun pala karei.

Daok di sang ong Thạch Chanh di puk palei Chông Nô 2, hu labaih 600 phun li-u saaop, dalam nan hu jaik 100 phun li-u saop cấy phôi; tui kuhria, yaok thun jien mek tame sang labaih 250 triêeu dong meng baoh li-u hu ralin saong labaih 300 trieu dong meng baoh li-u thu. Ong Chanh brei thau, li-u saop pala meng phun pajaih meng kan dalau mboh jeng meng 20-30%, daok pala meng pajaih pagam phôi baoh hu mboh jeng labaih 80%, karei abih hu phun brei baoh hu sáp jaik abih. Urak ini, rilo meng lac sang bein buh jien tame pala pajaih phun li-u saop pagam phoi brei baoh hu sap dak harei dak mboh siam hu glaong, jien mek tame jeng hu tagok tui.

Di labik bhum pala li-u saop daok di dom puk palei Chông Nô 1, Chông Nô 2, Chông Nô 3 haong Sóc Ruộng, xa Hòa Tân, huyen Cầu Kè, langiu di pablei baoh li-u sap, sang bein daok peih bruk pablei pajaih phun li-u sap ka dom tuai damuai dalam saong langiu bhum palei hu hatai caong khin. Yaom phun li-u saaop pajaih di bein bhian tui kuhria labaih meng 25.000 - 30.000 đồng sa phun. Nyu jeng ieu lac sa janih gah mek jien tame oh njauk sit di dom baoh sang urang ngak bein di ini. Ong Phạm Thanh Toàn, Akaok Jabat Ngak nong huyen Cầu Kè brei thau:

“Phun li-u sap brei mek hu jien tame glaong jang meng 3 tal 4 mbang phun li-u bhian dalau, daong ka dom sang yam tagok tabiak truh kan kathaot saong ngak kaya mada. Abih di nyu nan lac rilo sang mikva bangsa Khmer urak ini hu mbang ngui tagok kaya mada”.

Urak ini, huyen Cầu Kè hu mblang taneh pala phun li-u saop praong 1.145ha, praong 92% taneh pala phun li-u sap dalam tinh Trà Vinh, baoh li-u yaok thun hu labaih 3 trieu baoh. Ngan haong yaom pablei glaong jang dut saong dom janih baoh li-u karei, ba jien mek tame biak glaong ka labaih 2 ribau baoh sang pala li-u sap di bhum palei; dalam nan hu labaih 70% lac sang mikva urang bangsa Khmer.

Trà Vinh daok pachreih urang pala peih praong taneh pala jeng pilih janih pajaih brei baoh karaoh ralo glaong. Patui di nan, tukvak masa meng thun 2021-2025, Trà Vinh hu ba tabiak rilo sarak daong ka dom baoh sang urang pala salih jalan phun pala tapa pala phun li-u saop; daong cak rok patagok ribaong kraong sit, ribaong kraong dalam mblang hamu apuh saong pruh ia patak pataom ngan haong phun li-u sap di dalam tỉnh. Ong Nguyễn Hoàng Khải, Bi thu Huyen uy Cầu Kè brei thau:

“Langiu Sarak di HĐND ba tabiak, huyen daok daong ka urang ngak nong hu sa paok jien meng Gilang paraik sarak kanja, piah peih praong taneh pala li-u di drei. Patui di nan, pandap nda meng li-u saop meda pabak hu ginup ka urang ngak mbang pablei salih ngak jeng pandap nda meng li-u saop saong pablei tabiak tal bhum labik jaik taphia”.

Tui danak dak jalan ba tabiak, tỉnh Trà Vinh meda daok peih praong taneh pala phun li-u saop ralo labaih 5.000ha saong pachreih po bein pala li-u saop pagam mô, salih bahrau brei ka phun li-u saop piah ka pandap hu yam tabiak atah di darak pasar di dalam jeng ye langiu nagar./.