Di Khoa nhi, Sang iek ruak đa khoa tỉnh Bạc Liêu, dom uranaih njauk ruak SXH ba tame sang iek ruak ndih taong ruak yaok harei biak ralo. Hu tukvak  sa laneng gaiy brei ka dua uaranaih ndih taong ruak. Tui yaok pataom di Pasak  pasang iek ruak kik tỉnh Bạc Liêu, meng akaok thun tal ini dalam tỉnh hu labaih 1.200 urang njom ruak SXH, tagok dua mbang dut saong tukvak ini thun blaoh, dalam nan hu 2 urang metai. Urak ini, taong abih dom tỉnh, ban jeng hu urang njauk ruak SXH tagok glong. Sa-ai Phạm Thị Ngọc Sương, palei Vĩnh Lộc, xã Vĩnh Thịnh, huyện Hòa Bình brei thau:

  “Anek dahlak birau pandiak ye dahlak ba tame sang iek ruak dut iek darah, mboh ruak SXH brei ndih iek ruak pak ini. Rilo manuac ruak yau nan ye sang iek ruak oh daok labik ndih traong ruak. Puk gah ala jeng hu dom urang ruak. Anek dahlak oh nao halei rilo, daok di sang bo njauk ruak”.

Tui bác sĩ chuyên khoa 1 Quách Văn Lực - Akok khoa Hồi sức tích cực- Chống độc, Sang iek ruak đa khoa tỉnh Bạc Liêu, dahlau daih, ruak SXH ralo meng lac di uranaih min tukvak jaik ini urang ruak pataom tame di urang umo meng 25 tal 50 thun. Tapa tui iek, dom urang ruak rilo meng iek lap, takik caik hatai sangka, eng drei nao blei jru mai taong  ruak di sang, tuk mboh ruak trak tagok meng ba tame sang ie rauk. Ini jeng lac jalan ba tal urang ruak trak tagok samar. Meng kaok thun tal ini, Sang iek ruak đa khoa tỉnh hu taduan labaih 500 urang ruak SXH ba tame taong ruak, dalam nan hu jaik 300 urang ruak lac urang praong.

  “Anak bruk ruak SXH tagok glong, Mban yam ndoc  hu tacei pato catang dalm bruk taong ruak saong dut iek ruak SXH  jeng yau jru tavao, pamdap mac jamraih, dịch truyền, jeng yau daong ka dom sang iek ruak pakat ngaok piah taong ruak hu siam, hu urang ngak bruk hu ilamu glong ka ruak SXH piah taong ruak saong dut iek ruak ka sang iek ruak pakat tỉnh siam jang. Meng hu bruk nan daong dalam bruk ngak di pakat ala di sang iek ruak tỉnh hu njol jang.”

Di tỉnh Đồng Tháp, ruak SXH jeng daok rah tabiak sraw kadau, dom urang ruak jeng daok di tanut glong. Tukvak 2008-2021, dom urang ruak kuhria rah tapa labaih 3.200 mbang sa thun. Min thun ini, kuhria tal harei 28/8, abih tih urang ruak SXH dalam bhap bini tagok tal labaih 8.400 mbang saong hu 11 urang metai. Dom labik hu urang njauk ruak pandiak tabiak darah glong lac: ban Cao Lãnh, huyện Lấp Vò, huyện Hồng Ngự. 

Sa-ai Trần Anh Điền daok di ban Sa Đéc, tỉnh Đồng Tháp brei thau, anak bruk ruak SXH tagok  glong dalam tukvak tapa ye yaok bhap bini brei paglong jalan sahaneng brei pametai lăng quăng dalam saong vin taom dar sang yaok adit, plaih jamoh kaik brei ndih kamo saong brei caga ruak SXH.

  “Bilan ini lac bilan hajan nan ye labik pala bingu hu ia kandaong biak rilo. Drei brei puh ramik hareik harom, ramik dom labik ia kandong, drei brei ramik dahlau.”

Tui kuhria mboh dahlau, ruak SXH di Đồng Tháp daok rah tabiak sraw kadau, dom urang ruak daok glong, nan ye tỉnh daok peih ngak dom bruk pametai jamoh, lăng quăng, bọ gậy. Gam haong nan, tỉnh daok pasang iek urang ruak, brei thau urang ruak yaok harei meng dom sang iek ruak saong dom labik y tế, thau cambaih yaok sang, laik phone piah y tế langyah sruh jit ruak sumu dalam 48 tuk saong brei khik bruk pasang iek yaok bilan di dom labik  dalam tỉnh./.

Urang lang: Ai Nghiem – 14/9/2022