Dom pandap di sang bac Dục Thanh meng kan diah jeng daok khik tamo

Ngan haong anai gru Nguyễn Hoài Thu, Sang bac THCS Sơn Lâm, huyện Bắc Bình, tỉnh Bình Thuận, yaom lac hu rilo mbang mai Sang bac Dục Thanh, min yaok mbang mai nan lac sa drut drui karei di gauk. Anai Hoài Thu brei thau, yaom lac daok ngak bruk di bhum ceik huyện Bắc Bình min tuk hu trun tal gah ala ye anai saong ayut sahabat vaih tame rivang Sang bac Dục Thanh, labik Wa Hồ hu daok veik pato bac. Anai gru Hoài Thu drut droi khan lac: “Khol kamuan biak thau prein yava, bruk ngak praong prang di Wa…” 

  Sang bac Dục Thanh hu padang ngak di thun 1907 angaok taneh di sang thờ họ Nguyễn di palei Thành Đức (harei ini lac labik sang 39 jalan Trưng Nhị, phường Đức Nghĩa, ban Phan Thiết, tỉnh Bình Thuận), taphia kraong Cà Ty. Thun 1910, angaok jalan nao duah  duah jalan daong taneh aia, gru pato Nguyễn Tất Thành (hadei di ini lac chủ tịch Hồ Chí Minh) hu padeih takai pato di Sang bac Dục Thanh. Gru Nguyễn Tất Thành pato akhar Quốc ngữ saong Hán văn saong pato gam môn thể dục. Di pak ini, gru  Nguyễn Tất Thành hu tacei pato ka anek saih oh njauk lac ilamo bo daok pato tacei hatung hatian ranam taneh aia, anit ranam anek manuac.

Bilan 2/1911, gru Nguyễn Tất Thành likau la sang bac Dục Thanh nao tame Bei Gon. Blaoh hadei di nan, harei 5/6/1911, meng Pabah lamnge Nhà Rồng, Wa hu nao tagok gilai duah jalan daong taneh aia. Rah tapa rilo kadha praong di sajarah, tal thun 1978 - 1980 Sang bac Dục Thanh hu padang ngak veik, pasiam veik yau tuk gru Thành pato bac di ini.

Tal urak ini, hu labaih 110 thun harei Wa tabiak truh sang bac ini min dom pandap di sang bac Dục Thanh meng kan diah, ini lac Labik inem mek Dục Thanh jeng daok khik tamo. Langiu di tal bac ngan haong tabung sang kiak bhong hu pambuak pagam meng 4 daning sang hu ngak meng kayau, urak ini Labik inem mek Dục Thanh daok khik biak rilo  pandap biak hu yaom ka Wa yau: baoh kanpan kik Wa daok la lang yah tacei pato, bộ trường kỷ Wa daok, kapan Wa ngak bruk, labik piah ka Wa mbang huak, ndih daok…

   Mai tal labik inem mek Dục Thanh, meda lac thei jeng mboh drut drui saong mboh uan hadar tal Wa. Saong tuk hu mong mboh, hu pang meyaih khan kal dom inem mek, dom pandap panda pandar yaok harei, khaol drei hu thau jang ka jalan diuk rai mbuan mbiah di cei gru Nguyễn Tất Thành. Anai gru Thông Thị Nhàn, Sang bac Tiểu học Lâm Giang, huyện Hàm Thuận Bắc hu dom mbang ba dom anek saih mai rivang labik inem mek Dục Thanh brei thau:“Mai pak ini, nai gru haong anek saih Sang bac Lâm Giang…”

Tui Muyim Hồ Chí Minh dhan Bình Thuận, yaok thun Labik inem mek Dục Thanh taduan raok biak rilo sang bac, dom jabat hu peih bruk am cuh gilau, pathau khan tagok Wa dom bruk ngak hu, abih di nyu lac dom harei lễ prong di bangsa.

Sa-ai Trần Minh Khoa – Akaok Jabat nghiệp vụ thuyết minh – Muyim Hồ Chí Minh dhar Bình Thuận brei thau: “Tukvak pahadar 132 thun Harei menek di Wa, di jabat ini jeng hu dom bruk ngak piah salam uan di jabat. Tukvak ini, jeng hu taduan raok rilo kapul njaom mai tal Labik inem mek Dục thanh piah rivang sirah Wa. Abih di nyu, jabat hu pambuak bruk haong Báo điện tử Đảng CSVN padang Muyim tương tác ảo 3D ngan haong Muyim HCM dhan Bình Thuận piah ba tagok blah thong tin điện tử HCM.”

Dalam dom harei bilan 5 sajarah ini, tuai damuai mai rivang Labik inem mek Dục Thanh yau rilo jang. Dom urang ini mai piah pahadar, thau dhar phol, bac megru saong ngak tui panuac pato catei di Chủ tịch prong uranam di bangsa Việt Nam./.

Urang lang: Jasi – 15/05