Sap ndom Viet Nam nao sa jalan haong bangsa 

Hadei meng jayah di bruk Tổng khởi nghĩa jak jeng di Hà Nội (19-8-1945), Chủ tịch Hồ Chí Minh meng An toàn khu Việt Bắc mai veik Hà Nội. Dalam tuk bruk hit daok jar var, caga tabiak mbaok Rajaei Lâm thời, Chủ tịch Hồ Chí Minh hu tacei brei padang chip Rayo papar sap pakat negar piah duh ka Cách mạng. Tuk taneh ia daok biak kan kathaot saong bruk khau tin biak klak oh daok lagaih, yau nan bo dalam 5 harei hadei di tuk Wa Hồ puac harak Tuyên ngôn Độc lập brei angan ka taneh ia, kol drei padang hu sa Rayo papar sap, pok sap khang kadang, cambaih laih, yaom lac labik ngak, jamriak, pandap panda oh hu hagait. 11tuk meteh harei 7/9/1945 hu jeng tukvak sajarah oh lac ka dom rai urang jakar, urang vak, biên tập viên, nghệ sĩ, kỹ thuật viên di Rayo. Panuac puac “Ini lac Sap ndom Việt Nam papar sap meng Hà Nội, Ban ine negar Việt Nam dân chủ Cộng hòa” hu yava tagok bak kiêu hãnh, bak tự hào. Meda ndom lac, nan sa jak jeng, sa kadha praong, sa hadah hadai di dom urang ngak báo, oh ta-eng di VOV bo di abih gah báo chí cách mạng Việt Nam.

Rah tapa 2 mbang mesruh metak suai lavik glaih glar rambah rambup taong kol thực dân Pháp saong đế quốc Mỹ meblah taneh ia, gam mesruh khik caga yaok cagam taneh ginreih di taneh ia, gam dak padang chủ nghĩa xã hội, VOV hu jeng ayut sahabat anit ranam, abih hatai jia tame di yaok baoh sang, yaok menuac urang, ba sap ndom di Đảng, di Karja tal dom bhum atah bayah di abih saong yam tabiak dunya. Dalam tukvak mesruh taong Prang, taong Mỹ, rayo papar sap dreih yau jabat báo chí duy nhất hu prein pambak tabiak dalam raidiuk bhap bini, pamedeih tagok hatai anit ranam taneh ia, ngak jeng prein khang jayah kol khamang, yam tal peih paha gah meraong negar, yasa taneh ia, nao tagok chủ nghĩa xã hội. Dalam tukvak salih bahrau, VOV jeng hu rik daong sa binah oh sit tame bruk salih bahrau, ba drei tame kinh tế dunya... Meda ndom lac, 77 thun tapa, dom rai urang jakar, urang vak, nghệ sĩ, kỹ thuật viên di VOV tuk halei jeng mboh hadah mbaok meta kayua VOV tuk halei jeng nao sa jalan haong dom tukvak sajarah di taneh ia; hadah mbaok meta kayua VOV hu menek tabiak tok hadei di karja Việt Nam Dân chủ Cộng hòa 5 harei. 

77 thun tapa, kol drei tự hào kayua VOV hu Đảng saong Karja pok brei dom angan praong glaong: Huân chương Sao Vàng, Anh hùng tapon nyaom bol pan phao kraong, Anh hùng Lao động, Huân chương Hồ Chí Minh, Huân chương Độc lập hạng Nhất, Huân chương Lao động hạng Nhất... saong biak rilo angan praong glaong karei di dom gah di Rayo. Nan lac bruk hadah mbaok meta praong bo oh lac jabat báo chí halei jeng hu yau nan.

Hadei di Nyaom roya Đảng bộ VOV vaktu 2021-2025, VOV pamaong tal bruk peih ngak Danak dak padang ngak VOV jeng jabat truyền thông rilo janih, rilo jalan saong khang kajap abih gah. Hu jeng sa jabat báo chí khang kadang abih gah jeng hu makna lac kol drei tuk halei jeng sahneng tal bruk meblah mek hu abih urang pang, urang maong iek lac bruk biak praong. Kadha báo chí di kol drei hu chất lượng, urang pang Rayo, iek Tivi atau báo điện tử di VOV meda mai haong kol drei rilo jang. Meng nan ngak jeng prein pambak praong saong hatai jia di urang pang, urang maong iek. Langiu di nan, sa jabat báo chí truyền thông rilo janih, rilo jalan jeng hu makna lac kol drei brei ngak tabiak hu dom tòa soạn pataom gauk, pambuak pagam tài nguyên piah ka dom janih báo chí meda ba pandar saong duh ka urang pang, urang maong iek, kayua urang pang, urang maong iek.

Meng bruk hadah mbaok meta ka jalan nao hadah hadai dalam 77 thun tapa, kol drei thau jang ka bruk di drei dalam tuk yau urak ini, nan lac brei padang sa kapul nyaom khang kajap, abih gah, jum pataom, sa hatung hatian haong gauk rik prein tame padang sa jabat báo chí praong, khang, dak harei dak hu labik dang dalam hatai urang pang, urang maong iek dalam taneh ia saong mangaok dunya, ba Sap ndom Việt Nam yam tame praong dalam haong dunya./.

Urang lang: M. Phuong – 07/09