Tui Chi cục kaya ikan Cà Mau, thun 2023 dalam tinh hu mboh 181 mbang pandar dien piah taong mek ikan suan adat hukum. Ini lac taka glaong abih, glaong jaik dua mbang thun 2016. Min biak di nyu rahra pandar dien piah taong cap kaya ikan suan adat hukum daok hu rilo jang.

Piah khik caga tapon ikan hamu, Bí Thư Tỉnh ủy, Akaok HĐND tỉnh Cà Mau Nguyễn Tiến Hải hu tacei pato lac: “Palei halei daok hu bruk rahra pandar jru hóa chất, pandar xung dien piah mek hadang, ikan,… ye urang dang akaok pakat uy saong kanja labik nan njauk taduan bruk ngak di drei”.

Dahlau di nan, rilo palei jeng ngak catang piah khik caga ikan hamu. Pagap yau di xã Khánh Thuận, huyện U Minh, Đảng ủy xã hu patabiak “Sarak khik caga tapon ikan hamu” meng jaik 2 thun ini mai. Sarak samar drah pambak tabiak saong daong ka palei khik caga tapon ikan hu siam lagaih. Dalam nan hu rilo urang taong ikan tuk mboh dom urang pandar dien piah taong cap ikan hamu ye pathau khan kanja palei piah taong phat, tui nan, urang khan brei thau jeng hu thuong saong alin harak pok mayaom. Ong Phan Thanh Trung, rahra daok di xã Khánh Thuận khan lac:  “Dahlak mboh bruk pandar dien nao taong mek ikan dut saong dahlau deih trun biak rilo, dahlau deih biak rilo. Dahlak mboh sarak tabiak rai biak njauk hatai rahra. Rahra daok pak ini kuhria raong ikan hamu min huac oh khik hu. Tuk peih ngak sarak ini, ikan rahra raong meda hu salamat, rahra jeng khang hatai palao raong angaok mblang taneh di drei”.

Dahlau di tuk khang tangin langyah dom urang ngak suan, jabat chức năng xã Khánh Thuận jeng hu pathau khan ka dom kanjak jhak di bruk taong cap ikan meng xung dien saong jak ba rahra am cuh klaak atau jao nộp xung điện. Tal akaok bilan 1 ini, rahra eng drei nao jao 5 bộ xung điện ka urangg jakar. Thiếu tá Nguyễn Chí Thống, Phó akaok Công an xã Khánh Thuận, brei thau:  “Tuk pathau khan ka kanjak jhak di xung điện, rahra ngak tui biak glaong. Rilo baoh sang eng drei nop dom xung dien dahlau deih hu pandar. Gam haong nan, tuk rahra mboh urang pandar xung dien piah taong mek ikan ye pathau khan haong Công an. Meng nan, thun 2023 hu cap mek 14 bruk, langyah 16 urang; am cuh klak, jak ba pataom mek labaih 20 mbaik xung điện”.

Xã Khánh Thuận hu labaih 2.900 baoh sang. Tuk peih ngak “Sarak khik caga ikan hamu”, Công an hu parabha tabiak labaih 350 baoh sang rahra meda  pandar xung dien piah taong mek ikan saong peih bruk brei mbaoh tangin sanya oh pandar. Dalam nan, hu 30 baoh sang mbuan ngak suan glaong, hu dom gah chức năng bhian mai tal pathau khan, kakei pahadar.

Ong Hồ Tương Lai, Phó akaok UBND xã Khánh Thuận brei thau, tukvak anak tal xã daok brei paglaong hatai sahaneng ka rahra dalam bruk peih ngak “Sarak khik caga ikan hamu”, langyah biak catang dom urang pandar xung dien piah taong ikan. Taphia di nan, xa meda jak ba jien daong di rahra piah pok mayaom samar drah, pachreih ba rahra tame bruk khik caga kaya ikan di palei.

“Kaya ikan hamu lac sa dalam dom gah kinh te praong di xã Khánh Thuận. Palei daok pathau khan, jak ba mikva cap mek, pathau khan dom urang ngak suan, xã brei pok meyaom, thưởng chip ka mikva hu hatai thau khik caga, daong pacang bruk pandar xung điện pametai ikan, mek hu siam  lagaih glaong abih".

Bhum U Minh Hạ hu angan lac labik kaya mada kaya langik tasik, dalam nan, ikan hamu lac sa kaya praong. Min, dom thun jaik di ini, “kaya langik blei” dak harei dak trun khang. Makna rilo meng lac kayua bruk taong mek ikan ka oh nao gam haong bruk khik caga, rilo meng lac taong mek abih mbong, bhian mboh di abih lac pandar xung điện. Di puac thun 2023, UBND tỉnh Cà Mau jeng hu patabiak Sarak ka bruk “Patagok khik ramik dom bruk taong mek kaya ikan abih mbong dalam tỉnh”. Dalam nan, hu ndem cambaih bruk patagok dom jalan ngak piah pacang cakak, langyah dom bruk ngak suan dalam taong cap ikan tui jalan taong mek abih mbong pandar jru hóa chất, jru patuh, xung điện./.