Urang Mông daok pak bhum ceik glaong Tây Bắc meng kan dadau mai hu adat lac urang metai oh buh tame kati quan tài blaoh brei ndih angaok cieu di kreih sang. Gauk But pajaih Thào urang Mông di palei Suối Chín Ván, xa Lũng Phìn, huyen Đồng Văn, tinh Hà Giang rilo thun ini mai hu ba akaok nao dahlau dalam bruk salih adat cambat ndam matai lahik, ba urang lahik tame caik di pati quan tài. Bruk ini ieu lac sa bruk ngak bahrau biak lagaih dalam bruk khik ka prein yava di rahra saong brei mboh hatai ieik praong, ieik glaong ngan haong urang matai lahik.

Saai Hoàng Thị Xiêm, Akaok Kapul urang kumei di xa Lũng Phìn brei thau: Bruk salih ini ieu lac sa bruk kham marat pambuak gauk di kanja palei saong bruk salih bahrau hatai sahaneng di urang taha thun dalam gauk gar.

“Gauk Thao di palei Suối Chín Ván urak ini hu urang matai jeng ba tame ndih dalam ao pati áo quan. Daok gauk kan mada hu dakwah brei thau min tapi jeng mboh ka oh ngak tui, urang jeng daok dakwah jeng daok jak ba pathau khan.”

Mai meng phun jien di Danak dak 8, Danak dak jalan nagar patagok kinh te xa hoi bhum urang bangsa tukik haong bhum cek yau nan ye Kapul Kumei xa padang daom kapul dakwah jammaah bhap bini di daom puk palei; blaoh di nan daong patagok glao akaok saneng jeng ye brei salih bruk ngak di bhap bini rahra.

Bruk dom janih kadha jak ba dakwah gam haong bruk ngak di mikwa urang bangsa tukik mboh hu mboh jeng mboh biak uan tabuan. Bruk ini brei mboh lac dom kapul dakwah brei thau jak ba paham thau cambaic laic hatai khin caong di bhap bini rahra, thau dom kan daman di mik wa. Ong Thào Và, Phaok Bi thu Ndang uy pakat xa Lũng Phìn taong yaom lac:

“Tui kapul urang kumei brei ka bruk dakwah jak bag auk ngak di ngaok bhum xã jeng daok ngak tui sarak nghị quyết 27 di Pakat Ndang tỉnh Hà Giang, ye Kapul Hội Kumei jeng ngak njauk gam haong bruk praong di nyu hu yah klak tanarakun adat camabat oh daok siam lagaih yau tok gauk khin gauk dalam ralo darah haong gauk tảo hôn, gah hacih saat langik tasik alam, blaoh dalam nan hu brei ka urang matai lahik buh tame ao pati. Dom janih an brei ka kapul kumei mboh praong dalam dakwah brei thau.”

Gilac gac mai palei Suối Chín Ván, abih di nyu hu 6 gauk hu gauk urang Mông ieu lac Thào, Sùng, Ly, Vàng, Mua haong gauk Giàng. Bruh salih barau di gauk urang Thào di palei oh njauk sa page sa baharei blaoh ieu lac nyu mboh praong di pakat ndang bo haong karja pakat palei; tapa dom mbang nyaom biai jeng ye jak ba dakwah, daong brei thau njauk gauk njauk hatai dalam bhap bini jammaah. Bruk ini ieu lac hu dom janih kham marat di karja palei brei payah janih chak kanjah oh siam oh lagaih meng halei mai di dalam bhap bini rahra bangsa tukik.

Tui gah gauk Thào Mí daok di palei Suối Chín Ván, bruk taong abih dom baoh sang dalam gauk hatian jeng sa hatai salih adat ieu lac sap rein khang kadang di dalam bruk yak yum jum pataom di dalam jammaah bhap bini bangsa. Ini ieu lac sa kadha bac magru dalam bruk salih adat cambat tana rakun siam makre ka bhum labik dhua karei.

Bruk ngak yang brei ka urang matai lahik ganap adat cambat tui urang bangsa hadei papaok mayat tame ao pati brei mboh lac oh njauk klak adat cambac ilamu blaoh nyu daok brei thau bruk ngak hu thau khik ramik saron mbon siam makre di ilamu rah ra bhap bini urang bangsa./.