Tukvak jaik di ini, di ban sit Ngã Năm hu padang rilo hợp tác xã (HTX) peih praong bruk ngak, pablei salih, pandap panda mek hu yaom kinh te glaong, daong ka menuac sia dalam palei hu jien mek tame tani tanat, paglaong raidiuk. Di xã Mỹ Quới, hu HTX pak pandap Hương Liên (hu padang tagok di bilan 1/2023 meng dom kapul pambuak gauk di urang kumei dalam xa), hu 21 urang, ngak dom pandap thủ công mỹ nghệ meng njam baok.

Urak ini, HTX hu ba bruk ngak ka 328 urang ngak pak di labik, taduan ngak blah lauk meng njam baok, chậu bingu, kadung teik, pa-op, kadung tuh hareik, thảm... haong jien mek tame meng 2 - 4 triệu đồng sa urang sa bilan. Piah peih praong bruk pak pandap, HTX bhian peih dom tal pato bruk ngak atau nao tal dom xã, palei jaik taphia pato tacei mikva halei caong khin bac bruk pak pandap. Taphia di nan, HTX daok hu ba pandap tamo nao tal sang, hadei di tuk urang ngak jeng pandap blaoh ye pataom mek saong biyar jien ngak.

Saai Nguyễn Kim Liên, Yam ndok HTX pak pandap Hương Liên brei thau: “Yaok adit, HTX ngak hu meng 4.000 - 4.500 pandap, pablei tapa Nhật Bản, Hàn Quốc saong châu Âu. Meng nan, dom urang dalam HTX peih praong bruk ngak, pabak hu hatai caong blei di doanh nghiệp pablei tabiak negar langiu, paglaong jien mek tame ka urang ngak. Tui pandap praong atau sit, yaom jien ngak meng 8.000 – 20.000 đồng sa pandap, urang ngak naih ye ngak hu 20 baoh pandap sa harei, urang praong thun ye ngak hu labaih 10 pandap sa harei.

Hadei di tuk hu mbaok tame tal pato bruk pak kadung teik meng njam baok, saai Trần Kim Thùy daok di puk Mỹ Tân, xã Mỹ Bình hu veik bruk ngak dom tuk lahaiy, jien mek tame tui kuhria lac 3 triệu đồng sa bilan. Saai Thùy brei thau: “langiu di tukvak sangka mblang hamu, danao ikan saong dom janih njam patam, baoh karaoh, saai taduan mek njam baok mai sang pak kadung dom tuk lahaiy. Tui kuria yaok harei saai pak hu meng 6 - 8 kadung, jien mek tame meng 100.000 - 120.000 đồng piah cai pandar dalam sang yau ye jien brah, jien điện…”.

Piah daong ka urang kumei dalam xã hu jien mek tame tuk lahaiy, thun 2020, Kapul urang kumei xã Vĩnh Quới (ban sit Ngã Năm) pambuak haong Sở Công Thương, doanh nghiệp peih sa tal pato bruk ngak ka labaih 20 urang ngak lac urang kumei daok lahaiy (pak njam baok) saong jak ba adei saai padang Kapul urang kumei pak njam baok ấp Vĩnh Hòa, xã Vĩnh Quới, tapa nan dui pachreih hu rilo adei saai hu mbaok tame.

Saai Huỳnh Thị Miển, Akaok kapul urang kumei palei, akaok kapul urang kumei pak njam baohk ấp Vĩnh Hòa brei thau: “urak ini ấp hu labaih 70 adei saai kumei dalam kapul hu taduan saong ba njam baok mai sang piah ngak. Bruk ngak tuk lahaiy min hu jien mek tame labaih 100 ribau dong sa urang sa harei, daong ka adei saai hu jien cai pandar dalam sang”.

Amuk Lê Thị Thúy Kiều, Phó akaok Kapul urang kumei ban sit Ngã Năm brei thau: “piah daong ka urang kumei paglaong jien mek tame, yaok thun, Kapul hu pambuak bruk haong dom gah pambuak tal, peih tal pato bruk ngak, ba brei ilamo - kỹ thuật, ngak tabiak pandap siam, hu chất lượng. Kham merat duah labik blei, pambuak haong dom doanh nghiệp piah duah jalan pablei pandap, patagok bruk ngak di kinh te kapul nyaom, HTX, daong gauk dalam bruk ngak mbang, pablei salih”.

Urak ini, rilo pandap thủ công mỹ nghệ meng phun njam baok saong hareik laok di HTX pak pandap Hương Liên saong dom Kapul urang kumei pak njam baok kayua urang kumei khik ramik hu pok brei angan pandap OCOP. Bruk ngak hu urang pan akaok Trung ương Kapul urang kumei Việt Nam saong Kapul Urang kumei dom pakat mai rivang iek piah pambak praong bruk ngak./.