Rilo puk palei mek hu angan palei pala bahrau 

Bruk rahtabiak dak harei dak hu rilo dom danak dak ilamo angan je di Đồng Nai oh lac daong padang ka jalan diukrai siam makre, ilamo, bo daok rik tame bruk pambuak di talei rohim di rah ra di palei negar, paglaong raidiuk ka rahra.

Meng akaok thun 2022, dalam tỉnh hu 932/932 puk palei tut angan tame bruk padang ngak saong khik kajap angan puk palei hu ilamo, mek hu 100%. Danak dak taong abih gauk xã hội hóa ngak jalan mbak puk palei mek hu rilo siam lagaih, pachreih hu rilo rai rahra hu mbaok tame padang ngak saong khik caga dom danak dak jalan mbak di dalam palei. Ngan saong kadha lac Kanja saong rahra gam ngak, Mbang jak ba dom puk palei hu pachreih ba rahra gam rik tame labaih 37,8 tỷ đồng; labaih 8,6 ribau harei ngak di urang ngak piah ngak bahrau, ngak pasiam veik saong paglaong yaok rituh km jalan mbak, truac hadah, puh rami ramik rilo gah jalan.

Tui Ủy ban MT negar Việt Nam tỉnh Đồng Nai, akaok di danak dak 1 ka bruk padang ngak puk palei ilamo, meng danak dak hu pachreih dom puk palei peih ngak dom bruk xã hội hóa, padang ngak saong pabak dom bruk thiết chế ilamo. Tapa danak dak, bruk brei tut angan padang ngak sang ilamo, puk palei ilamo, xã, phường, ban sit ngak siam bruk pacang caga dom kol tệ nạn mại dâm, ma túy; labik bhap bini daok hu brei adat, peih ngak raidiuk siam makre, ilamo dalam bruk tok diuk, tok pasang, ngak ngak ndam, harei roya mek hu 100%. Tapa nan, khik caga an ninh trật tự puk palei, klaak dom adat cambat oh daok lagaih dalam tuk lễ, Tết, rik tame bruk kaduan likuk dom bruk kanjak jhak di dalam rahra.

Danak dak padang sang ilamo saong dalam rahra pahat rup pabhap ngak tui kreih camin di  Wa Hồ praong glaong kayua Sở Ilamo-TTDL dang ngak mek hu rilo siam lagaih. Dalam nan, Sở hu peih 8 tal pato pasram tui online brei pato ka bruk dalam sang ka 11 huyện, ban saong rilo mblang ma-in, harei pacacah ngan saong rilo rahra dalam sang ilamo hu mbaok tame. Hu 684.580/684.825 baoh sang kaga tut angan tame mek hu tanut ilamo di thun 2022. Danak dak pasram pahat rup pabhap hu peih praong di dalam tỉnh. Yaom angan glaong abih di nyu ieu lac, Sở patui buh jien tame blei pandap panda piah pahat rup, ba kein lagaih ka bhap bini hu mbaok tame pahat rup di labik mlang hu rilo manuac.

Tui Sở Pato magru, dang akaok danak dak 11 ka bruk padang bruk bac magru, tukvak tapa, Sở hu peih bruk pasang iek bruk pato magru saong bruk xóa mù chữ di dom huyện, ban. Bruk pato magru ngan saong urang praong thun, bac magru di dalam rahra di dom Pasak Ilamo thể thao saong bruk bac magru dalam rah rah di pakat xã hu peih ngak. Thun bac 2021-2022, kayua njauk kan kandah di jit ruak Covid-19 nan ye bruk pasang iek caong urang bac, nyaom dom asal kadha hu rilo bruk daok patakik dut saong dom thun dahlau. Taong abih tih dom urang hu mbaok tame bac magru di dom pasak meng akaok thun tal urak ini lac labaih 80 ribau urang.

Meng danak dak, yaok ribau bruk ngak ilamo angan je hu peih ngak saong hu peih praong. Urak ini, dalam tỉnh hu 112 bruk ngak di labik bhap bini eng drei khik ramik alam môi trường saong pacang caga saong bruk biến đổi khí hậu. Dom bruk ngak di Gah jalan hadah hadai – hijao – siam makre saong an ninh; harei sanecar hijao – hacih saat saong siam makre; Harei adit hijao; Xoong bu anit ranam; bruk raong pabui haluk, baba, pabe, pabo, bruk saiy salai gam bac magru… pachreih hu rilo rahra hu mbaok tame meng tỉnh tal cơ sở.

Di dalam gah khik ramik kajap karo an ninh trật tự, pacang caga saong kol tội phạm, tệ nạn xã hội, rilo bruk ngak hu padang ngak saong rilo danak dak jeng hu peih ngak siam lagaih. Pagap yau bruk ngak di kapul kapul hoàn lương; Kapul nduac radaih kuan hu mbaok tame khik caga an ninh di taneh ia; kapul dân phòng kumei bhum bhap bini bangsa takik; kapul dam dara halain hatain kruac hadah hatai jia; labik sang tro ka urang ngak salamat – siam makre oh hu kol tội phạm saong tệ nạn xã hội; Yavwa kaing an ninh; bruk ngak gah jalan eng drei khik iek ka salamat jalan mbak nao mai. Taeng di bruk ngak camera an ninh hu peih praong di 11/11 huyện, ban.

Yam ndok Sở Ilamo-TTDLamuk Lê Thị Ngọc Loan, Phó akaok mbang Pato tacei jalan danak dak rahra jum pataom gauk padang ngak diukria ilamo di tỉnh brei thau, meng urak ini tal puac thun meda patui veik peih ngak dom harak pato tacei di Trung ương ka bruk peih ngak danak dak. Kapul dom tal pasram ka danak dak kapul urang jakar cơ sở, peih praong dom bruk ngak, jhul samar bruk ngak, paglaong chất lượng di danak dak. Kham marat tal puac thun 2022, dalam tỉnh mek hu dom jalan bo Sarak di Tỉnh ủy ba tabiak./.

Urang lang: Jasamad Hẳn -18/9