Di Kon Tum, mikwa urang bangsa Rơ Măm ralo di nyu daok di palei Le, palei tapen nagar di xã Mô Rai, huyện Sa Thầy nagn haong 177 baoh sang /617 urang. Dalau diah, raidiuk kan daman, jalan nao mai daok cuang kandah, mik wa daok pataom tui kapul, takik nao mai, takik pambuak haong dom palei pala kurei. Kinh tế ekonomi di bhap bini ieik tame ngak nông yau meng kan dalau.

Masa tuk wak mang thun 2017-2020, UBND tỉnh Kon Tum sarak brei dat jeng ye patacei brei peih Danak dak Daong patagok ekonomi bhap bini Kinh tế-Xã hội Dân tộc bangsa Rơ Măm mbiah tal thun 2025 gam haong jien 88 tỷ đồng. Mai meng sarak karja daong, buh tame hu jeng, rai diuk di bangsa Rơ Măm ralo salih bahrau tui taka palei ngak nong bahrau. Danak dak Hệ thống cơ sở hạ tầng hu buh tame ngak, jeng sa jalan asal nduac atah tui jalan tapen nagar tapa palei Le. Danak dak halam Gom Nagar dui nao tal yaok baoh sang. Jalan ia pandar, ribaong ia ngak hamu pala raong jeng hu buh jien tame ngak. Gam tui di nan, anek kamuan hu nao sang bac magru jeng ye hu ieik glang prein yawa ginap. Yaok thun, bhap bini daok hu brei daong phun pala anek raong; hu urang pachreih ngak nong di jakar, urang pachreih glai di jakar dang daong pato tacei ngak mbang.

Saai A Nhất (palei Le, xã Mô Rai) khan, tal tuk karja palei jak ba, gait khang hatai ba tanah apuh oh siam di drei tapa pala 4ha kaosu, 2ha baoh pa aok blait, jaik 1ha bei dan haong padai iai, gam haong raong anek athur, manuk ada. Mai meng nan saai duah hu meng 200-300 triệu đồng yaok thun.

Mai meng kham marat oh padeih di mikwa dan haong karja palei pala, bruk ngak mbang pala raong di mikwa di xã Mô Rai mboh tagok. Tuk kinh tế ekonomi di bhap bini dak tuk dak karo, karja palei daong urang bangsa Rơ Măm masaiy jien payeng ngak mbang piah duah hu jieng, pakaro rai diuk. Mikwa pataom pala labaih 110ha baoh pa aok blait, ngak labaih 60ha padai iair dan haong padai apuh, 5 ha phun mbang baoh, labaih 90ha phun cao su. Taong abih anek thur raong labaih 1.200 drei. Yaok urang duah hu labaih jaik 20 triệu đồng/sa urang/dalam thun.

Tui ong Rơ Chăm Lan, Phó Chủ tịch UBND huyện Sa Thầy, huyện tuk halei jeng caik hatai tal dom danak dak, sarak karja ka urang Rơ Măm ngak yau habar ka nyu njauk ka nyu lagaih ka nyu drah drah tal, daong ka mikwa hu taka ngak mbang siam makre atah dhua, kein lagaih brei pandar gom, jalan, sang bac, balai yte, piah ngak mbang, khik caga ilamu yau ye ilamu manyim, ilamu gong ciang, tamia xoang... Dom sarak karja mada daong mikwa dah jalan ngak mbang patruh ieik patrun kathaot karo kajap, daong padang jammaah palei pala siam makre. Camin Wa Hồ tuk halei jeng hu mbaok di dalam rai diuk yaok baoh sang di urang Rơ Măm. Nanlah sa janih jalan mikwa bangsa ba hatai thau dhar phol tal Đảng, Wa Hồ pacang jalan, tacei dih brei karo kajap saron mbon raidiuk, patagok kinh tế, pambuak talei rohim haong gauk, tui dil tui samu dalam rai diuk di bangsa.

Tuk rai diuk ilamu hu tagok, dom urang taha palei, urang hu angan ilamu, hu angan dalam jammaah di bangsa Rơ Măm ye ye muk Y Điết, ông A Blong hu jalan hu janih piah khik caga ilamu, papraong paglaong janih ilamu mbak karak di bangsa drei. Urang bangsa Rơ Măm mada padang hu ilamu pesa ye: Mbang Padai barau, Tame sang bahrau, Peih Ton padai dan haong pachreih main dom janih gong ciang , tamia xoang.

Gam tui di nan, MBang Bangsa tỉnh Kon Tum jang kham marat peih dom tal bac pato mayim brei ka urang kamei palei Le. Tapa bac magru nan piah daong mikwa pamadeih bruk manyim tui ilamu kan dalau, khik ramik ilamu siam gheih di bangsa.

Ông Đinh Quốc Tuấn, Akaok MBang Bangsa tỉnh Kon Tum brei thau lac, masa yang mada tal, MBang bangsa mada tui peih dom bruk tui ngak tui sarak karja paih daong urang bangsa Rơ Măm ngak mbang patagok rai diuk. Ieik glang, daong brei ka urang bangsa hu rai diuk karo, taduan hu dom dịch vụ xã hội yau ye urang bangsa karei. Mai mang nan, urang bangsa takik biak takik oh daok malau, thau taeng drei tame jalan ngak mbang, bac magru ilamu daong dak harei dak truh kathaot./.