Tỉnh Sóc Trăng biak caik hatai sangka tal bruk patagok pato pakai di bhum bhap bini bangsa takik

Dalam dom thun tapa, Sang bac trung học cơ sở An Hiệp, xã An Hiệp, huyện Châu Thành tuk halei jeng hu sangka buh jien tame ngak pasiam. Ini lac sang bac daok dalam bhum hu rilo bhap bini bangsa daok. Yaok thun, sang bac hu taduan raok labaih 750 anek saih tame bac, dalam nan, jaik 80% anek saih bangsa, saong rilo meng lac anek kamuan urang bangsa Khmer… Meng hu bruk sangka buh jien tame ngak pasiam, hu daong ka sang bac mek hu tanut pakat negar, pabak siam bruk pato saong bac di gru saong saih dalam dom thun tapa.

Piah caga siam ka thun bac bahrau, huyện Châu Thành, tỉnh Sóc Trăng brei ramik ngak pasiam 12 labik pato, peih praong saong padang bahrau 2 sang bac. Sa dalam dom baoh sang bac hu padang ngak bahrau lac sang bac Tiểu học Châu Thành A, ban sit Châu Thành. Anai gru Đoàn Thị Thu Ba, Hiệu trưởng sang bac brei thau, sang bac bahrau   daok hu ngak jaik salah, ini jeng lac baoh sang bac hu tal 40% anek kamuan urang bangsa takik daok tui bac. Kayua yau nan ye, sang bac hu buh jien tame ngak siam mekre yau nan, lac bruk bui sambai di gru pato, anek saih saong amaik ame, taong abih jeng caong lac, bruk pato pakai di sang bac daok hu paglaong tagok. Brei thau ka bruk kuhria caga ka thun bac bahrau, anai gru Thu Ba lac: “Urak ini labik bac da-a di sang bac hu khang kajap, siam mekre. Sang bac ba tame pandar công nghệ thông tin. Urak ini sang bac hu 6  baoh tivi, hu máy chiếu piah duh ka bruk pato bac. Sang bac hu 19 tal bac saong hu 27 gru pato, kuhria tal tukvak ini, sang bac hu ngak njauk tui quy định.”

Tui ong Nguyễn Văn Liêm, Akaok jabat pato megru huyện Châu Thành, gam haong bruk sangka buh jien tame ngak di karja palei, dalam tukvak padeih hè, meng jien di gah pato megru, jien rik daong di dom urang ngak pahla, dom sang bac hu ramik ngak pasiam, pabak pandap pato bac, pandap me-in ka uranaih piah khik siam bruk pato bac.

Dalam tỉnh Sóc Trăng urak ini daok hu 10 sang bac phổ thông bangsa gam bac gam daok, hu labaih 3 rabau anek kamuan urang bangsa takik tui bac. Thun bac ini, tỉnh daok peih ngak sarak brei buh jien tame dahlau ka patagok pato megru bhum bangsa takik, piah ngak ka chất lượng pato pakai di bhum bangsa takik hu jaik jang haong bhum thành thị, khik hu bruk patagok pato pakai khang kajap.... Ong Châu Tuấn Hồng, Yam ndok Sở Pato megru tỉnh brei thau, sa dalam dom bruk praong lac daok brei buh jien tame ngak piah pabak bruk pato pakai phổ thông bahrau: “Tỉnh daok padang ngak gah cơ sở vật chất pabak bruk pato pakai bahrau, tui jalan sang bac chuẩn pakat negar. Kol dahlak jeng daok cang Mintri Pato megru hu danak dak di mintri piah meng nan iek tui piah pok tagok pakat angaok danak dak di tỉnh ka patagok cơ sở vật chất dalam gah pato megru. Meng danak dak nan, meyah hu brei ngak, lac jalan piah ka gah pato megru khik kajap hu labik pato megru, dak harei dak ngak brei siam tagok, pabak hu bruk pato pakai phổ thông bahrau.”

Meng hu bruk sangka di Đảng, Karja saong puk palei hu rilo sarak buh jien tame ka patagok pato pakai, abih di nyu nan lac pato pakai bhum bhap bini bangsa takik, ilamu di bhap bini Khmer daok di Sóc Trăng dak harei dak hu paglaong. Jia lac, thun bac bahrau 2022-2023 ini, meng bruk rilo labik bac, pandap pato bac daok hu pabak bahrau, bruk pato saong bac di bhum urang bangsa daok hu paglaong tagok./.

Urang lang: M. Phương – 06/09