Labaih 15 thun dahlau, Phú Mỹ lac sa dalam dom xã biak kan kandah di huyện Mỹ Tú. Sa dalam dom makna ngak brei palei ini ka oh tagok hu, lac kayua hạ tầng jalan mbak ka oh siam. Meng tuk danak dak bruk ngak negar padang ngak palei pala bahrau saong rilo bruk ngak karei di Trung ương saong di tỉnh, di puk palei hu peih ngak, bhum palei pala di Phú Mỹ hu salih bahrau mbaok mata.

Langiu di pala 10 kong padai, sang sa-ai Lý Đương daok di palei Bưng Cóc daok pala njam patam ba nao pablei ka urang pablei salih di darak pasak ban Sóc Trăng. Sa-ai Đương chreih chrai khan lac, urak ini, jalan xã jeng hu padang ngak laneing, praong, nan ye radaih ô tô, radaih patuh tame hu tal bein piah mek njam patam baoh kraoh. Tangin gam buh dom baoh tamun ia bahrau paik tame kadung piah pajeng ka tuai di langiu darak, sa-ai Lý Đương gam khan lac: "Bruk sangka di Đảng, karja samar lang talaih, ngak jalan ka drei mbuan pajeng pandap panda, kaya nong drei blei blaoh ba tagok radaih pajeng nao biak lagaih".

Lac xã hu rilo urang bangsa takik daok di huyện Mỹ Tú, meblah labaih 92% menuac sia dalam xã, tapa tukvak padang ngak dom danak dak bruk ngak negar, Phú Mỹ oh padeih kham merat jhul khang bruk buh jien padang ngak jalan mbak, hạ tầng palei pala praong siam. Yau ye sang bac Tiểu học Phú Mỹ B, daok di palei Bưng Cóc, hadei di tuk hu buh jien tame padang ngak saong hu ba tame pato meng 3 thun dahlau, hu ba bui sambai chreih chrai mai ka dom adei anek saih saong bhap bini dalam palei. Ong Đồ Thanh Hoàng, sa urang daok di palei Bưng Cóc, xã Phú Mỹ, khan lac: "Uan ka anek kamuan dalam palei hu labik bac ta-a siam mekre, bruk sangka di Đảng, Karja hu padang brei sa baoh sang bac praong, siam".

Urak ini taong abih 4 baoh sang bac di xã Phú Mỹ jeng mek hu tanut chuẩn negar ka labik pato pakat 1, tapa nan, dak harei dak paglaong bruk bac ta-a di dom anek saih dalam phum sóc. Gru Trần Minh Thái, Hiệu trưởng sang bac Tiểu học Phú Mỹ B brei thau, ini lac bruk sangka biak praong di Đảng, Karja saong puk palei ngan saong anek kamuan urang bangsa takik daok di Phú Mỹ.

" Hadei di tuk hu bruk sangka buh jien tame ngak yau nan di dom pakat, mikva di Phú Mỹ biak chreih chrai, kayua hu sa baoh sang bac praong siam ka dom adei bac ta-a, dreih yau kol drei tui jalan ngak lac: oh klaak veik sa adei halei di gah likuk oh hu nao bac. Labik bac yau nan, rahra di xã Phú Mỹ biak uan tabuan".

Meng dom danak dak, sarak bangsa peih ngak samar drah hu daong ka raidiuk bhap bini di Phú Mỹ yam tagok, hadah hadai. Ini jeng lac prein khang daong ka mikva pakacah gauk ngak mbang, pala drak, sang kan kathaot yam tagok tani tanat raidiuk.

Sang sa-ai Danh Thị Sóc Kha daok di palei Sóc Xoài lac sang kan kandah, tuk hu palei pilih ruah daong brei baoh sang haong yau lamo menek meng danak dak bruk ngak negar, sa-ai uan tabuan lô kayua hu jalan ngak mbang duah jien pasiam raidiuk. Bahrau ini sang sa-ai jeng hu daong pandap padang ia pandar … Sa-ai  Sóc Kha khan lac: "Hu karja daong padang sang brei, 2 diuk pasang uan tabuan lô, oh daok duh hatai yau dahlau daih. Dom thun dahlau, hajan ye pasah abih, glaih glar lô, urak ini oh daok duh hatai tra".

Phum sóc salih bahrau hu daong ka Phú Mỹ mek hu angan palei pala bahrau di akaok thun ini. Langiu di hạ tầng hu padang ngak siam mekre, mikva di pak ini jeng padang hu rilo bruk ba mai kein laba glaong, yau ye bruk ngak padai siam, bhum pala njam patam di takai hamu, raong lamo ralow, lamo ia tasau,... meng nan hu daong paglaong jien mek tame, kuhria tui akaok menuac hu jaik 57 triệu đồng sa urang sa thun. Kuhria tal abih thun bloh, dom sang kan kathaot di xã Phú Mỹ tok daok 0,14%, sang jaik si kan kathaot daok 3,52%. Ong Bành Đức Quang - Phaok akaok UB bhap bini xã Phú Mỹ, ndom lac: " Hu buh jien brei padang ngak dom danak dak bruk ngak negar, daong ka rahra, sang kan kandah padang ngak sang, danak dak raong lamo, meng nan hu daong ka raidiuk bhap bini yam tagok, sang kathaot trun daok takik jang duk haong dom thun dahlau".

Bruk salih bahrau dalam bhum urang bangsa takik, bhum palei pala, bhum atah bayah di tỉnh Sóc Trăng harei ini, brei mboh bruk sangka di Đảng saong Karja palei ka bruk trei sir di bhap bini, di bol bhap rahra./.