Rilo urang kathaot taduan hu sang dok 

  Ong Sơn Che, ong nội di 2 taco anek raok umo 13 thun lac Sơn Thị Yến Nhi haong Sơn Thị Yến Ngân daok di ấp An Trạch, xã An Hiệp khan lac, dahlau daih, ame di 2 taco nao ngak pah di Bình Dương oh patuah njauk bala blaoh metai, daok amaik jeng klaak nao, caik veik 2 taco ka ong muk raong. Oh daok amaik ame, baoh sang klak jeng taik tahak, oh hu jien piah ramik veik, urak ini hu karja palei daong padang brei baoh sang siam, 2 taco hu labik daok tani tanat saong bac da-a hu siam jang. Ong Sơn Che brei thau:

(Sang biak kan kandah, hu sangka padang brei baoh sang siam, takai sang hu pok glaong, ia oh dauk tra, dom taco ndih bingi. Đảng haong Karja kuhria ka bhap bini yau nan, dahlak hulin biak uan tabuan)

Daok amuk Thạch thị Ús, thun ini umo 76 thun, daok di ấp Giồng Chùa A, xã An Hiệp, jeng lac sang urang bangsa Khmer daok dalam angan sang kathaot, kan kandah ka sang daok. Baoh sang dahlau daih di amuk Ús biak klak, oh daok khik hu salamat. Hu baoh sang bahrau gar 4m, atah 9m, hu ngak haong yaom jien abih tih 50 triệu đồng, bahrau hu karja palei daong brei, amuk biak chreih chrai kayua meng ini hu labik pacang pandiak, pacang hajan:

(Băng: Kayua kan kandah nan ye oh hu jien ngak sang, hu Karja daong, dahlak uan tabuan lo! Taha ye, daok ta-eng, urak ini hu baoh sang siam yau nan, dahlak uan tabuan lo, melam ndih oh hu kayua uan tabuan)

Dalam thun 2021, huyện Châu Thành, tỉnh Sóc Trăng hu brei bruk padang sang daok ka urang kan kathaot mbang ka 1 lac 130 baoh, min palei padang hu tal 145 baoh. Thun 2022 ini, huyện daok hu brei bruk padang sang daok ka urang kan kathaot lac 83 baoh, tal urak ini, huyện hu padang bloh saong daok ngak 99 baoh, haong yaom jien abih tih jaik 2 tỷ đồng. Ong Lâm Văn Út, Phaok akaok UBMT negar VN huyện Châu Thành brei thau, piah ngak hu siam bruk padang sang daok ka urang kan kathaot, MT negar huyện bhian tui iek bruk padang ngak, duah thau dom urang kan kandah ka sang daok.

(Sangka sang kathaot, sang biak kan kandah lac bruk di abih hệ thống chính trị saong abih menuac sia. Thau lac, ini sa bruk biak praong saong brei ngak gam gam. UBMT negar huyện pambuak bruk haong dom tổ chức thành viên saong MT dom xã, ban sit daok ngak siam bruk pathau khan, brei thau dom jalan ngak, dom sarak di Đảng, Karja saong dom bruk anit ranam taneh ia pambuak haong bruk jak ba Kadung jien “Daong urang kathaot”, kuhria ka urang kathaot, daong palagaih ka sang kathaot yam tagok, tabiak truh kan kathaot khang kajap)

Bruk daong padang sang ka urang kan kathaot, urang kan kandah ka sang daok, abih di nyu lac mikva bangsa takik saong peih ngak siam sarak an sinh xã hội, piah brei mboh bruk anit ranam gauk meng kan mai, piah ka sang kathaot oh hu thei njauk klaak veik gah likuk. Meng jalan ngak yau nan, dom pakat ủy, karja, UBMT negar dom pakat saong tổ chức chính trị - xã hội huyện Châu Thành daok kham merat jak ba dom prein khang, patui bruk sangka, daong dom sang kan kandah hu baoh sang khang kajap, yam tagok tabiak truh kan kathaot saong tani tanat raidiuk./.

Urang lang: Mousaphuong- 25/10