Sang sa-ai Đặng Minh Trường daok di ấp Tân Trung, xã Long Bình raong ada xiêm pablei ralow meng rilo thun tapa

Sang sa-ai Nguyễn Thị Chi, daok di ấp Tân Bình, xã Long Bình, ban sit Ngã Năm dahlau diah lac sang kathaot, bruk ngak mbang gaok rilo kan kandah. Tuk camereip sa-ai Chi hu brei mesre 5 triệu đồng meng phun jien mesre brei ka baoh sang kathaot piah blei pabui mai raong, tal thun 2018, sa-ai likau tagok yaom jien mesre 30 triệu đồng. Urak ini, sa-ai Chi daok hu mesre gac 50 triệu đồng meng danak dak brei mesre langyah bruk ngak piah ngak dịch vụ radaih pajeng ba tuai damuai. Sa-ai Chi brei thau: “Dahlau diah sang dahlak biak kan kandah. Meng phun jien mesre di gilang pariak sarak karja dahlak meng ngak mbang hu saong cak rok patagok. Urak ini kinh tế sang dahlak jeng hu grap tanat.”

Daok sang sa-ai Đặng Minh Trường daok di ấp Tân Trung, xã Long Bình,  raong ada xiêm pablei ralow meng rilo thun tapa, dalam mbang jit prong Covid-19 meng blaoh, bruk raong glang gaok kan kandah, ngak brei kinh tế sang jeng kan kandah tui. Meng hu mesre 50 triệu đồng meng phun jien mesre di sarak karja, sa-ai blei mac ngak pandap mbang saong ngak veik bruk raong ada xiêm pablei ralaow. Meng 500 drei ada xiêm ralaow daok raong, meyah mek pablei, sa-ai laba hu jaik 50 triệu đồng. “Jit ruak, mikva ngak tabiak hu, min oh pablei hu nan ye gaok kan kandah. Meng harei hu gilang pariak sarak karja daong brei mesraiy phun jien, drei blei hu mac ép cám viên nan ye patak pataom hu 30% jien blei pandap mbang ka ada”

Tal urak ini, ban sit Ngã Năm hu 56.905 baoh sang kathaot saong dom urang mbang tui sarak karja mesre hu phun jien di gilang pariak sarak karja. Piah phun jien mesre patgaok hu kein laba, dom baoh sang mesre phun jien hu pato, pasram ba brei ilamu học kỹ thuật, jalan raong glang, pala drak, ngak mbang palei salih… tapa nan, hu daong ka rilo sang yam tagok tabiak truh kathaot, tani tanat rai diuk.  

Ong Vũ Anh Đức, Yam ndok dhar Gilang pariak sarak karja ban sit Ngã Năm, khan lac ngan haong jalan ngak “Duh pak di sang, peih jien di xã” phun jien mesre sarak karja hu mai tal taong abih xã, phường dalam ban sit, palagaih ka urang kathaot saong dom urang mbang tui sarak karja caong hu mesraiy phun jien, jeng hu mesraiy mbuan lagaih, tui jalan brei mesre ủy thác tapa dom kapul nyaom chính trị - xã hội, tapa nan, rik daong tame peih ngak bruk patrun kathaot khang kajap, ba bruk ngak, padang ngak palei pala bahrau, khik kajap an sinh xã hội di puk palei: “Anak tal, khaol dahlak daok pataom dom pren khang pieh ngak ka nyu siam dom danak dak brei mesre phun jien sarak karja tui njauk jalan ba di Raja-ei, di tỉnh Sóc Trăng ala bruk dang akaok, tacei pato di Thường trực thị ủy, di UBND ban sit Ngã Năm tui yaok tukvak, piah khik hu tani tanat, peih ngak siam jang bruk patrun kathaot khang kajap di puk palei”.

Meng phun jien mesre sarak karja, rilo bhap bani hu salih jalan ngak mbang, dalam nan hu rilo sang tabiak truh kathaot, yam tagok ngak kaya meda, urak ini baoh sang kathaot di ban sit Ngã Năm trun daok 5,5%, rilo urang ngak hu bruk ngak tani tanat, rik daong haong karja palei peih ngak bruk patrun kathaot khang kajap saong padang ngak palei pala bahrau./.

Urang lang: Jasi – 08/08