Hu panuac lac, piah ka gah raong glang tani tanat bruk ngak mbang, pablei hu rilo dalam tukvak anak tal lac bruk oh mbuan duah hu jalan langyah. Kadha vak “talaih kan kandah ka bruk raong, pablei pandap raong glang” di kapul urang vak hu ba tagok mbao Nhân dân. Daa mikva saong taong abih gauk tui pang.

Ong Dương Anh Tuấn, Taong yam ndok Công ty TNHH raong glang Bình Minh (Đồng Nai) brei thau, meng akaok thun tal ini, yaom manuk patih pablei tabiak trun tagok meng 20 ribau tal 23 ribau dong sa kg, dalam tuk nan, yaom phun glaong jang labaih 10 ribau đồng/kg. Makna lac kayua yaom pandap mbang raong glang tagok kayua pambak tame bruk blei meng negar langiu, ngak ka yaom nyu tagok tagok glaong, kayua jien blei pandap mbang nyu meblah meng 60 tal 75% dalam yaom phun raong glang.

Tui ong Nguyễn Hưng Thỉnh (HTX ngak tabiak saong pablei salih pandap panda kaya nong Phúc Thọ, Hà Nội), yaom pandap mbang raong glang tagok glaong, yaom pandap raong urak ini bier jang yaom phun jien buh tame,  ngak ka rilo sang khat lahik, min urak ini, khat jeng brei pablei kayua dak raong dak khat, bruk pablei tabiak jeng gaok kan kandah.

Gam haong nan, urak ini tapon pabui hu labaih 24 triệu drei, tapon manuk ada hu labaih 530 triệu drei, min bruk blei dom janih pandap ini nyu trun kayua kinh te gaok kan kandah, urang blei mbang patak pataom veik cai pandar. Pagap yau di darak praong pablei manuk ada di Hà Nam (tỉnh Hà Nam), jaik di ini, dom drei pabui ralaow yaok harei pablei salih tapa darak tui kuhria meng 1.000 tal 1.800 drei, trun labaih 40% dut saong tukvak ini dahlau di Tết Nguyên đán 2023.

Langiu di nan, kayua bruk chế biến oh ka khang; darak pablei pandap raong glang daok gaok rilo kan kandah dalam bruk pambuak raong glang saong darak pasa, labik pablei salih ka oh hu cak rok samu gauk,  rilo darak pasa khut, mbaih mbaoh ba tal kan kandah dalam bruk duh ka urang blei mbang...

Piah jhul gah raong glang cak rok tani tanat, tui dom chuyên gia, njauk patui veik jhuk khang bruk raong glang tui jalan pambuak gauk, pacang sir; patagok labik dang di dom doanh nghiệp, hiệp hội piah tacei ba bruk ngak, lagaih jang haong darak pasa. Dom Mintri, dom gah pambuak tal njauk padang sa kapul hu mbaok dom chuyên gia thau cambaih ka bruk trun tagok di darak pasa pandap panda raong glang, kuhria mboh dahlau bruk di darak pasa, padang dom jalan ngak piah pacang caga tuk yaom trun.

Patui bruk hu sarak daong dom doanh nghiệp blei meng negar langiu pandap mbang raong glang, salih dom mblang taneh takik kein laba tapa pala tangei, bei blom piah ngak pandap mbang raong glang, samar drah cak rok patagok dom bhum pandap panda salih bahrau, pandar taong abih dom kaya pandap mbang  saong pandap klaak, labaih meng bruk ngak nong dalam taneh ia.

Tui Thứ trưởng Mintri Ngak nong saong patagok palei pala Phùng Đức Tiến, urak ini Mintri daok pato tacei ngak biak catang bruk patagok bhum pandap tamo ngak panda mbang raong glang yau ye tangei, bei, bei blom… di Tây Nguyên piah trun manieng bruk pagam pambak tame bruk blei pandap mbang raong glang meng negar langiu. Cục raong glang hu likau Mintri ngak nong saong patagok palei pala pok tagok rajaei, Thủ tướng Rajaei trun jien je piah daong ka dom baoh sang urang nong, dom doanh nghiệp raong glang, patagok bruk pambuak gauk cung cầu, jhul khang bruk ngak, pasang iek trun jien je blei tame ngan haong haleik ratak mai di tanut 0%.

Suai lavik, njauk taong yaom veik prein khang, rami ramik veik gah pandap raong glang, tapon pabui, tapon manuk ada dalam tukvak anak tal ka nyu lagaih ngan haong bruk quy hoạch raong glang, peih bruk raong glang piah meng nan meda pasamu veik bruk cung cầu. Njauk hu bruk pambuak di Kanja, doanh nghiệp saong urang raong glang piah padang ngak veik labik, bhum raong glang salamat jit ruak, abih di nyu nan lac bhum raong glang pandap panda praong. Dom hợp tác xã, var ro njauk ba công nghệ glaong tame bruk raong glang, ngak pandap panda raong glang piah patagok prein maraik gauk di darak pasa.

Dom tinh, ban njauk padang jalan raong gilac veik tapon, raong glang tui bruk di darak pasa, plaih di bruk cung tapa cầu ngak trun yaom, ngak kan kandah tal dom baoh sang raong glang. Hu jalan ngak daong urang raong dalam bruk pambuak gauk, pambuak haong doanh nghiệp, hợp tác xã meng bruk raong glang tal bruk pablei tabiak./.