Ndem tal ragam tamia bhap bini Cam oh var hu ragam Tamia Biyen kadik atau tamia Merak. Ragam tamia Biyen kadik hu maong lac biak hu yaom glaong dalam gilang ilamu tamia bhap bini Cam. Tamia Biyen kadik lac tamia bhap bini hu meng labik rai. Meda tamia ta-eng dalam Rija atau tamia kapol nyaom  dalam dom harei roya. Urang Cam sahaneng lac cim Merak salih ka po yang ba mai dom patuah jamo, salamat, bui sambai ka anek manuac. Kadik yau panuac meyai anit ranam, tuk bui sambai kadik megei tagok, tuk druat druai kadik pajuah trun, tuk meyut meyau kadik mbliang mbliang trun tagok, tuk anit ranam, kadik yau riyak par …Tamia kadik caik ka urang kumei Cam tamia.