Tây Ninh dok pataom prein tame piah patagok dom danak dak jalan mbak nao mai

Tui urang pal akaok Sở jalan mbak pajeng ba tỉnh Tây Ninh, meng akaok thun 2022, tỉnh hu pataom rilo prein ka dom danak dak jalan mbak prong, song phun jien tal quý 2-2022 lac jiak 995 tỷ đồng (dalam nan, phun jien trung ương labaih 565 tỷ đồng), phun jien peih brei tal puac bilan 6-2022 lac jiak 390 tỷ đồng, mek hu 39,2% bruk batabiak, lac sa dalam dom tỉnh hu bruk peih brei phun jien prong di abih dalam bhum Đông Nam bộ.

Dom jalan radaih hong rilo jalan prong nao mai dalam tỉnh dok hu ngak pasiam song dom danak dak yau: peih prong jalan ĐT 782-ĐT 784, hu ngak salah bloh dom labik, tui kuhria hu ba tame pandar di bilan 9-2022; jalan Đất Sét - Bến Củi; jalan ĐT 794, labik meng canah klau Kà Tum tal tatua Sài Gòn (tuk vak ka 2); peih prong jalan ĐT 795. Abih di nyu nan lac, dom jalan pambuak pagam bhum yau N8-787B-789, hu parabha jeng rilo danak dak sit , piah jhul samar bruk ngak harak gar đầu tư, peih ngak dom labik hu peih taneh bloh.

Dalam tuk vak 2021-2025, tỉnh Tây Ninh pataom pren tame ngak 15 danakdak, ngan song yaom jien buh tabiak ngak abih tih lac 5.223 tỷ đồng, taeng thun 2022 dok ngak 12 danak dak, dalam nan hu: 3 danak dak caga buh jien tabiak ngak; 9 danak dak peih bruk đầu tư. Urak ni, gah chức năng tỉnh Tây Ninh hu brei radaih nduac iek mangaok jalan Trần Phú (labik meng pabah mbang ka 7 nội ô Tòa thánh tal jalan QL22B); tatua An Hòa; jalan ĐT 793-ĐT 792 song dok jhul samar bruk peih ngak dom danak dak, piah ba tame pandar yau: peih prong jalan ĐT 782 - ĐT 784 labik meng jalan plaih QL22 tal canah pak Tân Bình; jalan Đất Sét - Bến Củi. Urak ni, tỉnh jeng dok pataom pren pambuak gauk peih ngak 2 danak dak jalan nduac samar camereip abih dalam tỉnh, lac jalan nduac samar TPHCM - Mộc Bài, abih tih phun jien buh tabiak ngak labaih 15.900 tỷ đồng, dalam nan, labik tapa tỉnh Tây Ninh atah 26,3km; jalan nduac samar Gò Dầu - Xa Mát atah 65km, urak ni, Sở jalan mbak pajeng ba tỉnh Tây Ninh peih bruk padang ngak, roh duah dahlau bruk meda ngak hu danak dak tuk vak ka 1 song peih ngak dom jalan patui di nan tui bruk batabiak..

Tui urang pal akaok Sở jalan mbak pajeng ba tỉnh Tây Ninh, bruk jhul samar padang ngak dom danak dak jalan mbak prong, piah ka nyu samu gauk hong dom jalan dalam tỉnh daok gaok dom kan kandah; dalam nan bruk bayar jien, peih taneh lac bruk kan kandah praong ngak brei danak dak dui atah tuk vak padang ngak, pambak tal bruk ngak salah danak dak.Taphia di nan, yaom xăng menyek tagok khang jhul yaom pandap panda padang ngak tagok tui, dalam tuk dom harak pambuak bruk padang ngak tui yaom cố định, kayua yau nan ye, nhà thầu gaok kan kandah ka jien ndo, ba tal bruk peih ngak dom danak dak suai lavik. Langiu di nan, bruk pabak taneh san lấp, randaih bhong dalam tỉnh dok kurangk, oh pabak ginup bruk peih ngak dom danak dak, piah khik ka bruk padang ngak, nhà thầu hu blei taneh, randaih bhong meng gah langiu tỉnh tui yaom di urak ni, bhian glong jang yaom ba tabiak di 2 Sở padang ngak - Sở jien padai.

Tui ong Nguyễn Tấn Tài, Yam ndoc Sở jalan mbak pajeng ba tỉnh Tây Ninh, piah jhul samar bruk padang ngak, song samar ngak salah bloh jalan mbak nao mai dalam tỉnh, meng bhum ni tapa bhum deih, sở hu panuac ieu UBND dom huyện, ban sit, ban prong dalam tỉnh samar peih bruk bayar jien, peih taneh, jao ka jabat peih ngak njauk tui bruk batabiak, piah ba tame pandar, pambuak pagam haong dom jalan hu nghiệm thu bloh. Gam song nan, tỉnh brei hu panuac likau Rajaei hu jalan ngak piah samar tani tanat yaom xăng menyek, dong dui patrun yaom pandap panda, abih di nyu lac pasei , thép… piah jhul pasamar bruk padang ngak dom danak dak./.

Urang lang: Hani Pha – 11/07