Rija akaok thun ceik Bà Đen thun sak anek girai 2024 hu rilo bruk ilamu, daoh tamia, duh ka bruk ma-in sambai Tết, bruk agama di bhap bini saong tuai damuai ngan saong dom yaom glaong inem mek ilamu di labik ravang ma-in pambuak haong pathau khan, yaih khan pandap yu lit bahrau di tỉnh Tây Ninh jeng yau di ceik Bà Đen.

Adat peih Rija akaok thun Ceik Bà Đen hu ngak di mon 6 biar harei 13/02/2024 – lac harei 4 bingun Tết, di labik mblang bein anak mbaok Nhà ga cáp treo Bà Đen. Danak dak peih mbaok Rija akaok thun hu rilo bruk ilamu meng kan pambuak haong saman bahrau ini, yau ye: parang me-in Lân Sư Rồng; taong hagar peih mbaok Rija akaok thun; danak dak daoh tamia chuyên nghiệp haong dom janih daoh ragu bhap bini pambuak haong ragu daoh bahrau, danak dak cuh  phao bingu salam uan thun bahrau. Adat peih mbaok hu papar sap, papar binguk tapak di manaok rayak Roya papar sap saong papar binguk Tây Ninh.

Tapa rija piah pathau khan dom bruk chính trị praong di taneh ia, di tỉnh Tây Ninh, abih di nyu lac salam uan bruk ngak hu tui Sarak Nyaom roya pakat negar mbang ka XIII di Đảng; Sarak nyaom roya mbang ka XI tỉnh Đảng bộ Tây Ninh, gam haong nan, ba bui sambai, chreih chrai di tuk salam uan 94 thun Harei padang Đảng Cộng sản Việt Nam (03/02/1930 – 03/02/2024) saong uan raok Tết Nguyên đán di bangsa, yaih khan angan yu lit di tỉnh, rik daong tame bruk ba labik yu lit pakat negar Ceik Bà Đen jeng labik yu lit pakat glaong hu angan je dalam bhum saong dalam taneh ia.

Meng harei 15/02/2024 tal harei 09/3/2024, lac meng harei 6 tal harei 29 bilan 1 thun sak anek girai 2024, mBan peih ngak Rija akaok thun ceik Bà Đen meda peih ngak dom bruk ilamu, daoh tamia, thể dục, thể thao di labik anak mbaok Nhà ga cáp treo Bà Đen saong labik tabung ceik Bà Đen haong rilo bruk biak chreih chrai, yau ye: Haei pataom ma-in Lân Sư Rồng, parang iek võ thuật, võ nhạc, đồng diễn Thể dục dưỡng sinh, chat tamia, ngak iek inem krung ilamu, parang iek harak gar, thaot binguk ceik Bà Đen saman dahlau saong harei ini, dom bruk agama…

Harei pataom thun ini daok hu pok meyaom dom ilamu meng kan hadah krah di bhum Nam Bộ haong dom kadha parang me-in ilamu meng kan yau ye daoh ragu daoh bhap bini, tamia salao talam meh, ginang Xà Dăm, tamia Tây Ninh… Gam haong nan, lac dom ragu chat chreih chrai atau dom kadha daoh rap bui sambai. Abih di nyu lac adat peih Rija akaok thun ceik Bà Đen hu cuh phao hoa biak praong saong mekre mata.

Rija akaok thun ceik Bà Đen lac bruk hu menuac sia Tây Ninh saong rilo tuai yu lit cang, maong abih dalam thun. Langiu dom adat cambat brei mboh hatai iek praong anak Linh Sơn Thánh Mẫu ginreih, ini daok lac labik bhap bini mai pok kakuh, likau ka sa thun bahrau siam mekre, trei sir, sron mbon, saong jeng lac tuk piah ka tuai atah jaik maong iek labik ndung bak thun bahrau hadah krah di ceik Bà Đen, hu ba drei tame bruk bui sambai di rija, ba rup tame bruk tâm linh di menuac sia dalam bhum.

Rija akaok thun Ceik Bà Đen Tây Ninh lac sa rija praong dalam thun di bhap bini Tây Ninh dui atah abih bilan 1 saka ia bulan. Ini lac sa bruk hadah krah dalam ilamu di menuac sia Nam Bộ bo kol drei njauk khik ramik, patagok saong patoa veik tal rairah harei hadei./.