Dalam dom harei bilan 7 ini, Sở Lao động - Thương binh saong Xã hội rilo tinh, ban dalam taneh ia hu padang dom Kapul lambaok dom urang buh prein ka cach mang, lac dom Amaik Việt Nam anh hùng, dom thương binh, bệnh binh saong gauk gar urang buh prein ka taneh ia mai rivang Ban ine Hà Nội, tame Lăng rivang zirah Chủ tịch Hồ Chí Minh. Ngan haong rilo urang dahlau deih ngak bol lin, ini lac bruk thau dhar phol, hu makna saong biak drut drui bo kanja, jabat chuc nang dom tinh ban hu caik brei ka sang sarak kanja, urang hu prein ka cach mang. Sa urang thuong binh daok pak tỉnh Trà Vinh brei thau:

"Ini lac mbang camriep kol dahlak hu nao rivang iek Ban ine Hà Nội. Tuk tal Hà Nội kol dahlak hu tame Lăng rivang Wa, kol dahlak biak uan tabuan – kayua pabak hu hatai caong lac hu sa mbang nao rivang Wa praong uranam. Dom thương binh, bệnh binh, gauk gar liệt sĩ biak drut drui anak bruk sangka saong hatai anit ranam bo urang pan akaok Ndang, Kanja saong yaok menuac urang brei ka kol dahlak."

 Thun ini, Kapul daong baoh sang liệt sĩ Việt Nam hu peih dom bruk “manyum ia hadar halau ia”, “thau dhar phol”, dom danak dak pahadar, thau dhar phol dom liệt sĩ pambuak haong bruk jak ba pachreih tui Danak dak “Nhắn tin thau dhar phol liệt sĩ -2024” ngan haong asal kadha “ieu angan dom baoh patuk di taneh ia”. Kapul jeng meda pambuak haong Công ty cak rok patagok pathau khan ilamo Việt Nam saong Tạp chí Lao động xã hội peih ngak danak dak “diuk miat haong palei negar”. Peih bruk cuh gilau di dom nghia trang liệt sĩ, alin sang anit ranam, alin pandap hadaih, alin sổ patak pataom ka urang hu prein haong cách mạng saong gauk gar dom urang nan. Trung tướng Hoàng Khánh Hưng, Akaok Kapul daong baoh sang liệt sĩ Việt Nam brei thau:

 "Dahlak caong lac danak dak thun ini meda pataom mek hu meng 4 tal 5 tỷ đồng piah daong ka rilo gauk gar sang liệt sĩ ka oh hu labik daok, ka oh hu labik kakuh. Kol dahlak jeng caong lac meda daong ngak brei trun manieng dom baoh kubo gió, trun manieng angan 530 rabau liệt sĩ ka oh thau angan saong kham marat duah veik 180 rabau liệt sĩ urak ini daok ndih veik di dom mblang mesuh".

Tukvak ini, dom bruk ngak praong hu peih ngak yau ye cuh gilau, hadar dom urang anh hùng liệt sĩ di labik pahadar dom anh hùng liệt sĩ saong rivang zirah Chủ tịch Hồ Chí Minh; peih bruk cuh gilau saong truac dhil pahadar dom anh hùng liệt sĩ di dom nghia trang liệt sĩ dalam taneh ia; peih bruk taom mbaok 77 urang lambaok dom anh hùng bol pan phao kraong bhap bini, anh hùng lao động dalam zaman mesuh metal hu rilo rik daong ka bruk ngak di cách mạng, gauk gar liệt sĩ hu rilo prein buh brei ka cách mạng, mesuh pacang, khik caga saong dak padang taneh ia; peih nyaom biai pok mayaom dom urang hu buh prein ka cach mang pakat negar  thun 2024 saong jao harak chung nhan AND ka lambaok sang liệt sĩ... Thứ trưởng Mintri LĐ-TB và XH Nguyễn Bá Hoan brei thau:

 "Pahadar 77 thun Harei Thương binh - Liệt sĩ ye Mintri hu pathau khan haong Rajaei, jao ka dom puk palei peih dom bruk sangka ndung bak hatai anit ranam, oh lac ngak meng ngak. Ngan haong urang hu buh prein ka cach mang jeng hu pok mayaom, caik hatai sangka. Saong urang pan akaok Ndang, Kanja meda nao rivang dom Pasak, dom puk palei thau dhar phol dom urang hu buh prein ka cach mang. Thun ini, Mintri LĐTBXH meda peih bruk pok mayaom urang hu prein ka taneh ia hu angan je di abih, meda pilih ruah dalam taneh ia 77 urang hu prein haong cach mang piah pok mayaom". 

       Bruk nao ravang, alin hadiah pandap ka urang hu buh prein saong gauk gar di urang buh prein ka cach mang di dom tinh, ban saong dom pasak raong ba, iek glang urang hu buh prein ka cach mang jeng daok hu peih ngak, brei mboh jalan diukrai “manyum ia thau halau ia”, “thau dhar phol” di dom rai harei ini tal dom anh hùng liệt sĩ, urang hu buh prein ka cách mạng./.