Tamat Mbang nyaom ka 9, vaktu 2021 -2026 di Hoi dong Pakacah – Pok Meyom pakat negar page ini, UV Mentri Chinh trị, Thu tuong Rajaei Phạm Minh Chính, Akok Hoi dong brei panuac lac, bruk jak ba gauk pakacah saong bruk pok meyaom lac prein khang gah dalam di taneh ia nan ye  brei peih ngak  hu makna dalam, njauk bruk praong, lagaih haong raidiuk, juai ngak meng ngak. Taong yaom glong bruk ngak hu di dom bruk jak ba gauk pakacah  saong bruk peih pakacah, pok meyaom meng thun thun 2021 tal ini, Thu tuong Phạm Minh Chính, Akok Hội đồng taong yaom glong  saong pok meyaom bruk thau sahaneng ka bruk drei ngak saong rik daong biak siam di dom mentri, mban, nganh, bhum palei, kapol nyaom saong bhap bini pachreih tui, jak ba, peih ngak hu siam dom bruk pakacah.

Thượng tá Nguyễn Thăng Long, Phaok akaok jabat Tham mưu Công an TP.HCM brei thau, tuk caong khin ngak thẻ căn cước, bhap bini meda mai tal kapul Cảnh sát Khik ramik hành chính gah trật tự xã hội công an pakat huyện atau jabat Cảnh sát Khik ramik hành chính gah trật tự xã hội Công an TP.HCM. Tuk nao ngak, bhap bini tok khan brei thau angan khai sinh, laik định danh cá nhân, labik daok piah urang pasang iek dalam Cơ sở dữ liệu negar ka rahra, bo oh cang ba tabiak harak brei thau định danh cá nhân atau harak brei thau ka labik daok. 

Piah daong palagaih di abih dalam bruk bac da-a saong pato pakai thun bac birau, tỉnh Ninh Thuận hu buh tabiak 198 tỷ đồng meng kadung jien karja palei saong phun jien di 3 Danak dak pakat negar padang ngak birau 32 labik pato megru. Tui ong Nguyễn Anh Linh, Pho Yam ndoc Sở Pato megru tỉnh Ninh Thuận, urak ini tỉnh daok kurang 445 gru pato saong 485 urang ngak bruk. Piah pasiam bruk nan, dom puk palei saong sang bac daok kham peih peih bruk palih ruah pabak saong hợp đồng gru pato piah khik kajap siam mekre bruk pato saong bac.

Rilo thun tapa, gah điện tỉnh Sóc Trăng kham merat pambuak bruk haong karja palei peih ngak danak dak pabak điện ka bhum bhap bini bangsa Khmer, abih di nyu lac di dom bhum oh ka hu điện. Pagap yau xã Vĩnh Tân, ban sit Vĩnh Châu, mikva bangsa Khmer daok atah di gauk di tapen ar tasik nan ye bruk dui đien gaok rilo kan kandah saong sahui praong. Min meng jhung thun 2023, điện negar hu mai tal yaok baoh sang. Điện oh lac paglaong raidiuk bhap bini, jhul tagok kinh te xa hoi bhum bhap bini bangsa takik, bo daok daong khik kajap an sinh xã hội, khik kajap quốc phòng, sron mbon bhum biên giới tasik.

Viện Sinh thái học gah Meraong hu pambuak catang haong Mban khik iek glai pacang caga Lòng Sông - Đá Bạc di tỉnh Bình Thuận hu caik  dak thaok binguk pataom mek so lieu di labik glai pacang caga. Tapa thaot binguk, hu mboh 24 janih cim brim saong athur. Dalam nan, hu mboh dom janih biak mbuan lahik abih yau: chà vá takai juk, tê tê java, dom janih mbuan lahik abih, jaik lahik abih yau cim merak, sơn dương, kra iku pabui. Tapa nan brei  mboh, glai pacang caga Lòng Sông - Đá Bạc daok hu biak rilo janih sinh học, siam gheih karei, meda ngak hu labik rivang ma-in sinh thái, njauk brei pakhang bruk khik caga saong tui iek bruk hu ralo janih sinh học.

Tổng thống Philipin saong Tổng thống Singapo bahrau ndom veik panuac sanya langyah sron mbon salamat dom bruk meriak gauk jalan tasik di Biển Đông tui njauk adat hukum dunya. Tổng thống Philipin brei thau, lac “dom taneh ia daok jaik taphia gauk” di Đông Nam Á,  Biển Đông hu yaom praong ngan saong Philippines haong Singapore. Nan ye, Philippines caong khin brei mboh veik bruk sanya khik ramik saong jhul tagok sron mbon, salamat saong tani tanat dalam bhum, jeng yau pachreih tui khang bruk langyah siam mekre yaok bruk meriak gauk.

Triều Tiên meda brei peih pabah mbang taduan raok tuai dumuai dunya di bilan 12  hadei di labaih  4 thun kareik pabah mbang kayua jit ruak praong COVID-19. Kong ty ba tuai nao rivang ma-in Koryo Tours taduan hu panuac pambuak bruk gam tal bruk rivang main  di Samjiyon, ala takai ceik Paektu jaik tapen negar Triều Tiên haong Trung Quốc saong meda hu rilo labik karei  jeng brei ngak veik bruk taduan raok tuai negar langiu. Urang pan akaok Triều Tiên lac ong Kim Jong Un jeng bhian hu ndem lac brei taduan raok dahlau dom tuai mai meng dom taneh ia daok hu talei pambuak bruk siam mekre, dalam nan hu Nga saong Trung Quốc.

Bilan tal, Mỹ saong Anh brei klaak harak adat pablei rilo janih pandap quốc phòng tapa Australia tui adat gah pablei salih phao ndao dunya. Phó Thủ tướng, Akaok Mintri Quốc phòng Australia brei thau, bruk 3 taneh ia Australia, Mỹ haong Anh brei klaak rilo harak adat pablei tabiak negar langiu pandap quốc phòng hu daong palagaih ka bruk pambuak gauk piah pabak bruk cuang kandah bo 3 taneh ia daok dang anak./.