Thủ tướng Rajaei Phạm Minh Chính bahrau tabiak Sarak ka 766 ka bruk patagok dom jalan ngak pacang, cakak, langyah bruk brei masaiy laba glaong. Tukvak jaik di ini, mboh hu dom jalan ngak, bruk ngak bahrau, pambak tame công nghệ glaong, mek angan doanh nghiệp peih ngak dom bruk brei masaiy, ndok sraiy suan adat hukum ngak suh sah hatai manuac sia, srau kadau tal puk palei. Makna rilo meng lac kayua dom rahra caong mesraiy phun jien oh cang padang drap ar; bruk khan brei thau ka jalan ngak, dom kan kandah di bruk masaiy laba glaong daok takik, siam lagaih oh ka glaong; bruk khik ramik di kanja daok pacadu nan ye kol kanjah jhak pambak tame piah ngak bruk.

Yaom padai daok hu urang blei salih mai blei yaom labaih 7.000đ/kg, nan ye mikva urang ngak nong di tỉnh Hậu Giang chreih chrai peih praong taneh ngak padai Thu đông. Kuhria tal tukvak ini, tui yaok pataom di gah ngak nong tỉnh Hậu Giang, urang nong dalam tỉnh trun pajaih hu labaih 25.400ha padai Thu đông, rilo jang jaik 1.000ha duk haong bruk ba tabiak. Gah ngak nong tỉnh Hậu Giang hu panuac kakei lac, di dom labik bhian trun pajaih padai Thu đông suai jang duk haong tukvak ba tabiak di tỉnh, urang nong brei salah bruk tam drak di jhung bilan 8 ini.

Meng di tuk hu adat brei ka radaih di drei tal 9 labik hu dui atah tukvak taong yaom, dom pasak đăng kiểm di TP.HCM biak joa gidang, oh daok bruk radaih dak tui taok gauk mai đăng kiểm yau dahlau deih. Dom pasak jeng brei thau lac, jien mek tame daok trun khang. Tui kuhria yaok pasak tok hu meng 40 tal 50 mbang radaih mai tal đăng kiểm yaok harei, trun labaih 50 -70% dut saong dom bilan dahlau di nan. Dom adat đăng kiểm hu ngak salah samar drah, dalam 20 - 30 minit lac po radaih meda nao sang, oh daok mbang ndih di radaih piah cang yau rilo bilan dahlau di nan.

Tổng Cty Cảng hàng không Việt Nam (ACV) bahrau ngak salah bruk pilih ruah nhà thầu padang ngak saong caik thiết bị di nhà ga tuai damuai di mblang kapal haoh dunya Long Thành, tỉnh Đồng Nai. Pok thầu padang ngak ga tuai damuai mblang kapal haoh Long Thành lac pok praong di abih, hu ilamu kan kandah di abih saong tukvak ngak atah di abih dalam dom pok thầu praong. Liên danh VIETUR lac gah njauk thầu, dang akaok lac Tập đoàn Công nghiệp saong Pablei salih Padang ngak IC Ictas. Yaom njauk thầu lac labaih 27.800 tỷ đồng saong labaih 338 triệu USD. Tukvak ngak tui harak pambuak bruk lac 39 bilan.

Pambuak tal bruk sa urang kumei khan lac urang likei bác sĩ di Sang iek ruak Ung bướu TP.HCM ndok rapeih rapai urang kumei nan meng brei jru taong ruak ung thư, Sở Y tế TP.HCM hu panuac ieu kakei langyah catang mayah mboh bruk ngak suan. Tui nan, Sở Y tế TP.HCM ieu kakei Yam ndok Sang iek ruak Ung bướu samar drah ngak cambaih laih, langyah biak catang mayah mboh bruk ngak suan pambuak tal đạo đức bruk ngak. Dahlau di nan, taduan hu harak khan di amuk N.T.K.T, Thanh tra Sở Y tế hu ngak bruk haong ong N.Q.C, lac bác sĩ khoa Y học hạt nhân, Sang iek ruak Ung bướu TP.HCM, ieu  bác sỹ ini langyah dom asal kadha dalam harak pathau. Min, ong N.Q.C oh taduan bruk rapeik rapai, ong ndem lac hu langyah saong alin brei jru tavao di sang drei.

Dalam dom bruk di nyaom biai akaok mintri jien padai saong Thống đốc Gilang pariak Trung ương ASEAN (AFMGM) mbang ka 10, harei kabroi (24/8), di ban ine Jakarta di Indonesia rah tabiak nyaom biai akaok mintri jien padai saong Y tế ASEAN. Nyaom biai hu ginum biai dom jalan ngak, dom ilamu paglaong siam lagaih bruk pambuak gauk di dom jabat jien padai, y tế bhum dalam bruk pacang caga dom cuang kandah kayua dom jit praong di harei hadei ba mai saong pasang iek dom roh duah ka bruk pacang caga (PPR) haong jit praong di bhum Đông Nam Á, dalam nan tacei tabiak bruk atah di gauk gah jien padai  dalam bruk ini di dom taneh ia ASEAN, jalan buh jien tame ngak mbang piah patagok prein di taneh ia ka pacang caga jit praong jeng yau pandar hu siam kadung jien ASEAN pacang caga jit COVID-19 saong dom ruak karei bahrau tamuh tabiak.

Thị trưởng ban New York, Eric Adams, brei thau bruk kuhria salih dom baoh sang jabat jeng 20.000 sang daok yaom kaom mbiah lap tui jalan ngak di hatai sahneng “Piah hu sang daok di ban". Jalan ngak ini hu gam bruk padang ngak 20.000 baoh sang ka 40.000 rahra New York, dalam tuk bruk sarau kadau sang danaok dak harei dak tagok glaong. Ong Adams sanya buh tabiak 24 tỉ USD piah padang ngak sang daok yaom lap. Min, jalan ngak di ong jeng daok caong hu bruk njauk gauk di dom urang padang ngak hukum piah cak rok patagok biak rilo dom sang daok yaom lap.

Hollywood saong rilo gah ngak phim praong di dunya daok jhul khang bruk pandar trí tuệ nhân tạo (AI) dalam sahneng duah jalan ngak nghệ thuật. Min nyu jeng caik veik rilo panuac sua tangi praong ka menuac ngak phim, điện ảnh, đạo đức saong ilamu di yaok urang. Trí tuệ nhân tạo daok pambak tapak tal rilo binah di gah ngak điện ảnh, ba mai mbuan lagaih gam cuang kandah, siam mekre gam kanjah jhak. Kịch bản hu labik dang biak praong dalam bruk ngak jeng sa bộ phim. Urak ini, iek tui dom bruk dalam kịch bản hu blaoh, ilamu AI meda langyah dữ liệu, bac megru, blaoh meng nan ngak tabiak dom kịch bản bahrau./.