Dalam biak rilo kadha caik veik di Thủ tướng Võ Văn Kiệt, hu kadha biak praong biak dalam di ong haong gah điện, haong dom sang mac thủy điện saong abih di nyu lac haong danak dak jalan talei 500kV ba điện meng gah Brak tame gah Meraong negar. Bruk khang hatai saong bruk kak kajap di ong haong dom danak điện dalam angan Thủ tướng Rajaei tuk nan, hu rik daong praong dalam bruk padang ngak sa jalan điện yasa dalam taneh ia, langyah bruk kurang điện di gah Meraong, jhul patagok sản xuất, cakrok kinh tế. Kadha vak di Minh Hạnh, urang vak di rayo sap ndom Viet Nam daok di ban raya HCM hu khan ka bruk ini:

Dom menuac ngak bruk lavik thun dalam gah điện jeng daok kanal hadar bruk kurang điện di gah Meraong negar dahlau saong tuk ong Võ Văn Kiệt daok ngak Thủ tướng (meng thun 1992 tal thun 1997). Dalam dom jalan ngak piah duah điện ka gah Meraong, Rajaei, bo urang dang akaok lac Thủ tướng Võ Văn Kiệt hu pilih ruah jalan padang ngak jalan talei “siêu cao áp” ba điện haong talei điện 500kV, atah jaik 1.500km meng gah Barak nao tapa 14 tỉnh ban piah ba điện tame gah Meraong. Harei 5/4/1992, Thủ tướng Võ Văn Kiệt brei peih bruk padang ngak jalan talei ba điện 500kV Brak – Meraong, khang hatai ngak salah dalam 2 thun.

Tukvak nan, amuk Phan Hiếu Dân, anek kumei di Thủ tướng Võ Văn Kiệt hu sa Cty ngak pandap saong pablei tapa Japon. Dom gah blei pandap di Japon tuk nan mbaoh tangin tame harak pambuak bruk haong Cty amuk jeng caik hatai sangka tal bruk điện ka ngak pandap piah khik njauk tukvak jao pandap. Amuk Hiếu Dân hadar veik: " Điện piah pandar tuk nan jeng biak kurang. Tuk nan kol dahlak peih bruk ngak kinh tế saong pilih ruah ngak mbang haong Japon. Panuac camereip gah Japon jeng sua tangi lac: sa adit hu dom harei cúp điện, kayua urang Japon biak iek praong bruk jao pandap njauk harei sanya. Nan ye suh sah di kol dahlak jeng lac bruk suh sah di ong, lac bruk oh hu điện".

Dalam tukvak ngak jalan talei ba điện Brak- Meraong, Thủ tướng Võ Văn Kiệt gam gam hu mbaok di dom jalan, dom labik padang ngak kan kandah, pachreih ba dom urang ngak bruk var klaak rup drei saong bol bhap rahra pachreih tui bruk “giải phóng mặt bằng”, brei ka danak dak samar ba mai kein laba. Kỹ sư Nguyễn Bá Mẫn, tuk nan ngak Yam ndok mBan Khik ramik dom Danak dak Thuỷ điện mangaok kraong Đồng Nai, hadar miat ka jalan tacei ba biak lamin, sami samar, njuan njac min biak khang hatai di Thủ tướng: "Tuk nan mbang camereip abih kol drei hu phun jien ODA saong sa-ai Sáu lac Thủ tướng hu caik brei ka Hàm Thuận - Đa Mi, thuỷ điện camereip abih saong duy nhất pandar phun jien ini, haong yaom phun jien biak praong lac 650 triệu USD. Nan ye, sa-ai Sáu Dân haong gah điện lac tuk halei jeng biak caik hatai sangka, bhian hu mbaok di labik ngak, kuhria gam harei adit."

Tui Kỹ sư Hồ Thị Bích Phượng, dahlau daih ngak Yam ndok Cty Truyền tải Điện 4, takik hu sa Thủ tướng halei abih hatung hatian haong gah điện yau Thủ tướng Võ Văn Kiệt. Meng tuk camereip ong mboh lac, dalam bruk patagok di taneh ia, gah điện biak praong biak hu yaom glaong, njauk ba akaok nao dahlau dalam gah ngak kong, oh hu điện ye oh tagok hu dom gah karei. Ong hu tacei pato dom gah, dom tỉnh, ban pambuak gauk, daong ka gah điện cakrok, patagok:  "Ong tacei pato gah điện biak cambaih laih, meng bruk sản xuất tal vận hành, ba điện. Dahlak hu rilo mbang nao haong ong tal labik daong padang ngak, mboh hu hatai khang di ong. Kol dahlak hu sanya haong ong lac khang hatai khik kajap  jalan điện, abih di nyu lac dalam tuk gah Meraong daok kurang điện, yaok kW điện lac sa bruk iek praong. Meng hatai khang di ong, jalan điện negar hu mai haong gah Meraong."

Meng hatai sahneng hadah krah, kuhria mboh dahlau, pambuak bruk samar drah dalam tacei ba, dom danak dak điện hu brei buh jien tame padang ngak samar, siam, caik veik kadha kak kajap haong angan je Thủ tướng Võ Văn Kiệt. Ong miat miat lac sa “Thủ tướng điện”, sa “tổng tư lệnh ngành”, sa urang pan akaok peih tabiak jalan saong hu dom rik daong praong ka 1 jalan điện yasa dalam taneh ia, pabak bruk cakrok saong mbeik drei yam tame bruk ngak mbang, kinh tế yau harei ini./.