Oh iek prong số lượng urang đảng hu ba tame bo Đảng bộ tỉnh iek prong chất lượng urang đảng, rik daong dak padang hệ thống chính trị di puk palei ka nyu khang kajap taong abih gah, peih ngak siam bruk cak rok patagok kinh tế xã hội di puk palei. Kadha vak di urang vak di Rayo sap ndom Viet Nam daok di bhum kreh negar: Thừa Thiên Huế patagok urang đảng ranaih umo bangsa takik.

Bac tamat sang bac Đại học Kinh tế Huế, Đại học Huế, Hồ Văn Thái, urang bangsa Cơ Tu daok di palei Dỗi, xã Thượng Lộ, huyện Nam Đông, tỉnh Thừa Thiên Huế gilac veik puk palei piah ngak mbang. Ngan haong ilamo bac megru hu di sang bac Đại học, Hồ Văn Thái buh jien tame ngak mbang cak rok patagok kinh tế, pasiam veik taneh mbon ceik pala kam. Gam ngak bruk di xã, dalam dom harei padeih, Thái caik tukvak tabiak piah mong iek 1 hecta keo, duah jien mek tame. Thái jeng tari tareng hu mbaok tame bruk ngak di puk palei ngan haong bruk ngak di Tổ trưởng khu dân cư ka 6, xã Thượng Lộ. Tuk hu ba  tame Đảng, Hồ Văn Thái ba abih hatung hatai di drei piah dak padang puk palei:

Băng: “Ini lac sa bruk ngak brei hadah mbaok meta urang Cơ Tu yau dahlak. Ngan haong sa urang đảng, ka sa lac peih ngak siam Điều lệ di Đảng, tuk halei jeng ba akaok nao dahlau dalam yaok bruk, ngak njauk tui jalan ba di Đảng, sarak hukum di Karja, pathau khan jak ba mikva peih ngak siam dom adat cambat, dom bruk ngak bo karja puk palei ba tabiak, jak ba mikva peih ngak siam yaok bruk ba tabiak di Đảng.”

Meng akaok nhiệm kỳ tak ini, Đảng bộ huyện Nam Đông ba tame đảng hu 160 urang. Dalam nan, 87 urang đảng lac urang bangsa takik, meblah jaik 54%. Bruk cak rok patagok urang đảng dalam bhap bani bangsa takik, abih di nyu lac urang đảng ranaih umo tukvak jaik di ini hu rilo mbuan laghaih jang. Kayua urang bangsa takik rilo meng hu dak rai sajarah chính trị cambaih laih. Kan kandah abih di urak ini dalam bruk cak rok patagok urang đảng ngan haong urang bangsa takik nan lac rilo urang bac ta-a oh ka tamat pakat tiểu học. Ong Mai Tiến Dũng, Phaok Bí thư Thường trực Huyện ủy Nam Đông, tỉnh Thừa Thiên Huế brei thau:

Băng: “Khaol dahlak gam gam brei thau cambaiht dom sarak di Trung ương, Nghị quyết di Tỉnh ủy saong Huyện ủy Nam Đông ka bruk pato pakai, pathram megru, daong ba, brei bruk urang Đảng meyaih khan ka dom kapul nyaom. Dahlau di abih lac ba tame dom kapul nyaom. Hadei di nan, dom kapul nyaom meyaih khan urang Đoàn, urang Hội naih gheih piah ba tame Đảng. Cak rok patagok bruk ngak di hệ thống chính trị meng huyện tal puk palei.”

Di huyện bhum ceik A Lưới, bruk cak rok patagok urang Đảng dalam bhap bani bangsa takik hu rilo mbuan laghaih. Bhap bani bangsa takik hu  họ Hồ di huyện A Lưới abih hatai jia tame Đảng, Wa Hồ. Yaok thun, huyện A Lưới ba tame đảng hu 120 urang bangsa takik. Ong Hồ Đàm Giang, Phaok Bí thư Thường trực Huyện ủy A Lưới, tỉnh Thừa Thiên Huế brei thau, tahpia di dom urang siam gheih di labik daok, Đảng bộ huyện daok caik hatai cak rok patagok urang đảng lac dom anek saih naih gheih daok bac tal 12:

Băng: “Khaol dahlak jeng thau lac jalan ba tame iek tui Sarak di dom xã saong dom jabat piah ba tame chỉ tiêu chung. Yaok thun rilo meng ba tame đảng di dom chi bộ puk palei, labik daok di bhap bani. Urak ini, menuac urang gah ini biak rilo. Jeng dalam thun ini lac thun ka 2 khaol dahlak peih ngak bruk ba tame Đảng dalam anek saih, abih di nyu lac anek saih tal 12 hu bac da-a naih gheih”

Meng akaok nhiệm kỳ tal ini, dom pakat ủy Đảng di 2 huyện bhum ceik  Nam Đông, A Lưới patagok bruk pato pakai chính trị, oh padeih paglaong akaok saneng ka urang jakar, urang đảng saong bhap bani urang bangsa takik. Yaok puk palei, patagok hu bruk ngak di dom kapul nyaom chính trị xã hội, taha akaok palei dalam bruk pathau  khan jak ba, duah mboh saong khan brei ka Đảng dom urang naih ghaih. Amuk Lê Thị Thu Hương, Phaok Akaok Mban Tổ chức Tỉnh ủy Thừa Thiên Huế brei thau, urak ini chất lượng urang hu ba tame Đảng oh padeih cak rok patagok  dalam taong abih Đảng bộ tỉnh, dom urang Đảng lac urang bangsa takik meblah tal 8,29% dalam abih tih urang Đảng di dalam tỉnh./.