Bilan xuan ini nao tal xã Ea Hồ, huyện Krông Năng, tỉnh Đắk Lắk, meng pasak xa tal dom puk palei, urak ini mboh hu rilo baoh sang bahrau hu padang ngak gheih mekre. Dom jalan haluk gluh baok dahlau daih, urak ini hu tuh nhựa atau tuh bê tông. Sang halei jeng hu dien truac hadah. Sang bac, bilai y te hu buh jien tame padang ngak bahrau. Taha palei Y Nút Niê, xã Ea Hồ, huyện Krông Năng chreih chrai khan lac, danak dak padang ngak palei pala bahrau hu daong prein ka mikva yam tagok tabiak truh kan kathaot, kak kajap haong bhum taneh palei drei.

 “Dahlau deih ngak puh cakak kan kandah lo, ngak 2-3 ha bo oh ginup mbang. Kanja sangka ka rahra pak ini. Ilamo Kanja ba tabiak, rahra ngak tui saong ngak mbang naih joi, salih biak rilo dom janih phun pala hu yaom kinh te glaong yau ye durain,maraik kalu, anek mbik hu nao mbang bac tal labik tal dhua”.

Mai tal xã Yang Tao, huyện Lắk, tỉnh Đắk Lắk, tuai daok hu eng drei gam haong dom amuk, dom amaik mbeik dom baoh gaok, baoh buk atau dom anek athur sit gheih mekre meng gluh, lan. Ong Y Wu Sruk, Phó akaok UBND xã Yang Tao, brei thau: Bruk ngak lan meng kan di urang M’Nông ở Yang Tao biak ghieh kayua hu ngak meng tangin. Danak dak yaok xa sa pandap (OCOP) hu peih tabiak sa jalan nao bahrau daong ka palei patagok prein khang saong patagok yaom glaong, paglaong jien mek tame ka mikva meng bruk ngak lan:  Kol dahlak daok khik ramik palei ngak meng kan, jeng caong khin patagok jang saong ba tame darak pasa. Urak ini, kol dahlak hu tut angan tame pandap OCOP. Urak ini hu biak rilo tuai damuai mai tal huyện Lắk hu vaih tame palei ngak piah duah thau, maong iek dom urang ngak di anak mata. Di dalam xã jeng hu dom dam dara kuhria cak rok patagok bruk ngak du lich rahra. Tui sarak di BCH Đảng bộ huyện meda padang huyện Lắk jeng pasak du lich di tỉnh Đắk Lắk tal tukvak 2030. Dom urang ngak kham marat ngak habar piah ba dom pandap panda di palei ngak meng kan dom pandap lan nao tal abih dom palei karei thau tal pandap lan am di drei”.

Tui ong Nguyễn Hoài Dương, Yam ndok So Ngak nong saong patagok palei pala tỉnh Đắk Lắk, tal urak ini dalam tinh hu 78/151 xã mek hu tanut chuan palei pala bahrau. Dalam nan hu 5 xã mek hu tanut chuan palei pala bahrau paglaong. Tukvak anak tal, gam haong bruk sangka buh jien tame ka cơ sở hạ tầng, Đắk Lắk daok brei sangka jang tal bruk khik ramik saong patagok dom yaom glaong ilamo meng kan tui jalan khang kajap, abih gah saong rilo yaom glaong. Dalam nan, pataom prein cak rok patagok danak dak yaok sa xa sa pandap ngak jeng bruk biak karei di yaok bhum palei, yaok bangsa, saong tapa nan salih jalan sahaneng ka bruk padang mbang ngui piah patrun kan kathaot khang kajap. Ong Nguyễn Hoài Dương ndem lac:  “Ngan haong 1 tinh hu rilo pein khang gah kaya nong saong dom  ilamo Tây Nguyên, tỉnh Đắk Lắk hu dom danak dak jalan ngak tantu cambaih laih saong pieh ngak di grauk labik. Meng bruk daong di Sở Ngak nong saong patagok palei pala haong dom gah di tỉnh ye ini lac jalan ngak biak njauk piah ngak jeng dom bruk caga dahlau dalam pathau khan, mayaih khan, pambak tabiak jang, hu rilo pandap panda OCOP hu pablei tabiak tani tanat, meng nan rik tame paglaong jien mek tame ka rahra di puk palei saong jhul tagok khang palei pala bahrau”.

Sa thun bahrau daok mai tal, bilan xuan chreih chrai, bui sambai daok mai tal yaok baoh sang, tal yaok jalan puk palei. Dalam siam makre di bilan xuan, dom bhum palei pala bahrau di tỉnh Đắk Lăk yau daok hadah tagok prein diukrai bahrau. Urak ini, padang ngak palei pala bahrau oh lac bruk di dom pakat kanja, kapul nyaom bo daok jeng bruk ngak di yaok bol bhap rahra. Taong abih gauk jeng ba tangin tame daong padang ngak jeng dom bhum palei njauk daok./.