Moc Hoa hu brei sa bhum pala thanh long chuyen canh 

Meng thun 2017, Tiền Giang hu peih ngak Danak dak “Patgaok phun thanh long tal thun 2025” bo praong di abih lac pandar ilamu công nghệ paglaong chất lượng saong pren meriak gauk di baoh thanh long angaok darak pasar pablei tabiak negar langiu. Dalam nan gah ngak nong saong dom puk palei bhian peih dom tal tacei pato ilamu pala sa janih thanh long ka urang nong,  ba jalan ka mikva pandar dom ilamu pala thanh long tui jalan GAP pambuak haong cak rok patagok kinh tế pambuak gauk pala thanh long… Gam haong nan pandar ilamu glaong dalam bruk pala thanh long; abih di nyu lac ngak brei ka nyu tabiak baoh yaok bilan piah plaih di bruk yau Yuan lac “trúng mùa, dội chợ” hu urang nong sangka.

Ngak tui jalan GAP piah khik hacih sa-at pandap panda kaya mbang ka pren yava saong môi trường hu tỉnh caik hatai sangka, pachreih urang nong ngak tui piah patagok pren khang meriak gauk di baoh thanh long. Tal urak ini, dalam tỉnh hu labaih 2.300 ha thanh long mek hu harak chứng nhận tiêu chuẩn GAP.  Ini hu mong lac harak nao jalan biak laghaih piah ka thanh long Tiền Giang meda yam tal dom darak pasar kan tame angaok dunya.

Tui ong Nguyễn Văn Mẫn, Akaok Sở Ngak nong saong patagok palei pala tỉnh Tiền Giang, piah ka darak pasar tani tanat ye njauk patagok bruk pambuak gauk ngak, pambuak chuỗi giá trị, langyah bruk pablei tabiak pandap panda kaya nong. Tal harei ini, tỉnh padang hu 11 hợp tác xã pala, ngak saong pablei baoh thanh long. Gam haong nan hu brei 125 mã số labik pala ka phun thanh long tapa Trung Quốc, Mỹ, Nhật, Hàn Quốc, Australia….

Ong Cao Tấn Hưởng, Phaok akak UBND huyện Chợ Gạo brei thau, lac labik hu bhum pala sa janih thanh long piah pablei tabiak negar langiu prong abih di tỉnh, Chợ Gạo padang hu bhum pala thanh long VietGAP, GlobalGAP praong 2.180 ha, saong daong ka dom hợp tác xã logo thanh long Chợ Gạo, mã vạch, tem duah thau asal di nyu jeng yau meyaih khan  angan je, duah darak pasar ka thanh long. Meng hu yau nan, dalam huyện hu 15 xã hu brei mã labik pala saong 135 labik tapok baoh pablei tapa Trung Quốc.

Meng hu jalan nao njauk saong hu takai yam nao laghaih piah cak tok patagok khang kajap labik pala sa janih thanh long pablei tabiak negar langiu, tal urak ini Tiền Giang ngak jeng sa bruk salih bharau khang ilamu công nghệ dalam bruk pala thanh long. Abih di nyu lac, bein phun pala njauk  ilamu, khik hu hacih sa-at pandap panda kaya mbang. 80% sản lượng baoh kayau yaok thun hu pablei tabiak negar langiu; dalam nan, pablei tapa Trung Quốc meblaih jaik 60%, daok veik lac pablei tapa dom darak pasar karei yau: Mỹ, châu Âu, Nhật Bản, Hàn Quốc,… Yaok thun, pablei tabiak negar langiu tui jalan chính ngạch baoh thanh long mek hu 100 triệu USD; ba bruk ngak ka labaih 15.000 urang ngak di puk palei. 

Tiền Giang daok ba tabiak bruk lac tal thun 2025 hu 3.600 ha thanh long mek hu tiêu chí GAP. Tapa nan, patagok labik dang di bhum pala sa janih thanh long pablei tabiak negar langiu, rik daong biak siam tame bruk cak rok patagok kinh tế - xã hội di puk palei./.

Urang lang: Jasi -29/6