Dalam dom bruk ngak di Tổng bí thư Nguyễn Phú Trọng bo njauk ndem tal di abih lac bruk mesuh pasang tham nhung, tieu cuc atau bruk dak padang,  ngak jeng biak dom jalan ngak, dom adat dalam Ndang hu rik daong praong, langyah dom, tavak tavaiy, kan kandah abih di taneh ia dalam tukvak cak rok patagok bahrau. Urang vak di Rayo sap ndem Viet Nam hu kadha vak “Tổng bí thư Nguyễn Phú Trọng saong dom rik daong biak praong ka bruk cach mang di Ndang”. 

“Bruk am cuh ghing” hu jeng sa panuac ndem bhian randap dalam manuac sia tuk ndem tal bruk pacang caga tham nhung, tieu cuc kayua ndang drei ba tabiak saong Tổng bí thư Nguyễn Phú Trọng tacei pato tapak meng tukvak Nyaom roya mbang 11 tal urak ini.

PGS, TS Lê Văn Cường, Phó akaok Viện dak padang Ndang, Học viện Chính trị Quốc gia Hồ Chí Minh oh var hu dom tanjaoh ia mata di Tổng bí thư Nguyễn Phú Trọng dalam mbang tame Mbang nyaom baai Trung ương 6 mbang 11, harei15 bilan 10 thun 2012. Nan lac tanjaoh ia mata pandik harao di urang taduan trach nhiem chinh tri glaong abih anak Ndang, anak bhap bini tuk “sa binah oh sit dom urang jakar, urang ndang” jhak nao, biến chất. Tanjaoh ia mata nan hu jeng prein khang pataom veik, ngak jeng hatai kham marat di abih urang Ndang, abih rahra dalam bruk mesuh pacang tham nhung, tieu cuc:  “Tuk ba tabiak bruk mesuh pacang tham nhung, tieu cuc ye Tổng bí thư Nguyễn Phú Trọng drut drui, sraiy ia mata. Kayua habar yau nan? kayua Tổng bí thư ndem bloh paje, drei taong tham nhung,  lac drei eng drei taong tame drei, mboh pandik lo, oh caong mesuh haong manuac di drei, oh caong thei njauk taong phat. Ayut saabat di drei ye laik tame dom bruk ngak jhak ye drei njauk khang hatai langyah,  oh hu labik pakauk, oh hu thei lac plaih hu, oh lac urang halei.”

Dang tabiak ngak “Tổng Tư lệnh”- Akaok Mban tacei pato, Tổng Bí thư Nguyễn Phú Trọng gam haong rahra yam tame bruk mesuh pacang tham nhung haong hatai lac oh khoan nhượng, oh hu bhum pakauk, oh hu ngoại lệ. Oh lac meng dom bruk ngak di anak mata, bruk mesuh pacang tham nhung, tieu cuc daok hu Tổng bí thư Nguyễn Phú Trọng ngak jeng ly luan tapa baoh tapuk “khang hatai, kham marat mesuh pacang tham nhung, kanjak jhak, rik tame dak padang Ndang saong Kanja drei dak harei dak hacih, khang kajap”. PGS.TS Vũ Tình, Phó akaok Sang bac Đại học KHXH và Nhân văn, Đại học Quốc gia TP.HCM dahlau deih, ndom lac, baoh tapuk lac "cẩm nang" ka dom urang ngak bruk pacang caga tham nhung, kanjak jhak: “Rai ranaih njauk thau lac drei brei hu pabak ilamo,  prein khang di drei yau habar dalam tuk dom kol khamang daok duah jalan palai pajoa bruk pacang caga tham nhung, tieu cuc. Tapa baoh tapuk ini, rai ranaih meda thau cambaih jang ka bruk ngak di drei ka taneh ia, ka bangsa, njauk pasram megru, pabak prein khang yau habar piah njauk lac dom urang ngak po taneh ia harei hadei.”

Likau tamat kadha vak meng dom panuac ndom biak drut drui di Tổng bí tuk daok diuk. Yaok mbang tuk caong ndem brei thau ka hatai di drei, ong bhian ndem gilac dom panuac dalam baoh tapuk danei angan “Thép đã tôi thế đấy" di nhà văn Liên Xô Nikolai Ostrovsky. Nan lac jalan bo Tổng bí thư Nguyễn Phú Trọng nao tui luac rai di drei:  “Janih hu yaom glaong abih di anek menuac lac raidiuk saong mbaok meta angan je, kayua rai menuac tok diukrai hu di dunya ini sa mbang min.. Brei diukrai yau habar ka nyu plaih di harit harao, aih oh kayua dom thun bilan diukrai oh tabiak hagait, diukrai palai pajoa, piah plaih di melau mbaok meta kayua dom bruk ngak kanjah jhak, njauk manuac sia iek lap, piah tal tuk matai nao, kol drei meda dah mbaok meta mboh lac: Taong abih rai di drei, taong abih prein di drei, drei buh brei abih ka bruk siam mekre abih di dunya bruk mesuh peih paha bangsa, peih paha anek memuac, ba mai haniem phul ka bhap bini!"./.