Nao rah tapa “darak yaom du lịch” peih tabiak meng Cần Thơ meda mboh dom laik khuyến mãi biak chreih chrai. Dom tour du lịch dalam taneh ia meda trun rilo abih tal meteh yaom, dom tour negar langiu haong yaom meng 4 triệu tal labaih 15 triệu đồng sa tuai ... daok pachreih hu rilo tuai di abih... Tui amuk Lê Đình Minh Thy, Yam ndok Vietravel – dhar Cần Thơ, daok di tukvak halei dalam dom mbang nao ravang me-in haong gauk jeng ba bui sambai chreih chrai ka dom urang dalam sang. Bilan hè jeng lac tuk rilo amaik ame haong anek bhik nao ravang me-in, nao tal dom labik bahrau:

"Thun ini, kol dahlak jeng daok khik ka tuai hu dom quyền lợi mai meng dom gah pambuak bruk jien padai, dom gilang pariak. Pagap yau dom danak dak blei tour trả góp – yaom laba 0%; dom danak dak trun yaom bayar jien ka dom tuai pandar thẻ tín dụng jeng yau dom pandap alin hadiah mai meng dom gah pambuak bruk. Tuk dom danak dak khuyến mãi hu ba tabiak ye kol dahlak hu bruk yam takai nao gam meng Tổng cục Du lịch di dom taneh ia yau ye Thái Lan, Singapore, Hàn Quốc, Nhật Bản, bruk yam takai nao gam ini ba mai katuai rilo kein laba dalam mbang nao".

Amuk Huỳnh Thị Bích Tuyền, Yam ndok labik padeih padei Mekong Silt Ecolodge, daok di quận Cái Răng, TP. Cần Thơ brei thau, yaom lac oh hu mbaok tame danak dak trun yaom, min jeng daok dui pachreih hu tuai damuai, abih di nyu lac tuai negar langiu tapa rilo bruk bahrau, lagaih haong du lịch ngak nong hijao. Bahrau di abih lac kapul sinh viên negar langiu mai duah thau ilamu lakhah caga di miền Tây, bruk pak yot pak havei ia,…:

"Tui pasang iek ye tuai du lịch mai haong Mekong Silt takre di abih lac labik joa kandang. Tuk padeih padei pablei bruk joa kandang oh lac pablei bruk sring tanye. Patui di nan urang takre di abih lac bruk gam padeih padei, gam rik daong ka alam môi trường, hu mbaok tame dom tour ka nerak, khik caga môi trường yau: neh janih nerak, ngak ka nerak jeng jien, jeng dom pandap ba mai ngak pandap lưu niệm hu. Pagap yau meng manyek mbang klaak nao ngak jeng sabon, kanduh cam, kanduh kruac aik klaak nao ngak jeng ia rao payin jam…"

Tui hatai caong di tuai ravang me-in, HTX du lịch nông nghiệp Cồn Sơn hè ini hu ba tame ngak bruk camping piah ka tuai cắm trại tapa malam, cap mek kiuk, ghiuk pandap mbang puk palei. Bruk ngak ini mbang camereip hu dom sang ngak du lịch buh jien tame ngak, haong hatai caong lac tuai mai tal hu labik siam mekre padeih tapa malam, ndung bak ilamu puk palei, bein kayau. Amuk Lê Thị Bé Bảy, cố vấn HTX du lịch nông nghiệp Cồn Sơn brei thau:

"Gilai kayau Cồn Sơn hu 7 bilik – 14 tuai saong hu dom camping vil val mbaok danao. Kol dahlak daok ba tame ngak piah patagok yaom glaong langik tasik di Cồn Sơn. Urak ini hu rilo Cty daok caong khin pasang iek dom pandap bahrau ka tuk padeih hè. Daok blah Booking ye Cty praong kakei biak rilo, bhian kakei dahlau meng 20 harei tal 1 bilan. Du lịch daok khik veik hu, mboh lac biak siam".

Anak bruk rilo menuac nao du lịch hè, ong Trần Việt Phường, Akaok Kapul du lịch bhum ĐBSCL khan lac brei peih ngak rilo bruk yaih khan piah ka bruk bahrau bahrang di du lịch TP. Cần Thơ jeng yau di du lich bhum ĐBSCL hu rilo labik thau tal:

"Kol dahlak daok padang saong patagok pandap du lịch, abih di yu lac pandap du lịch bhum kraong ia, bein pala piah dui pachreih tuai dalam taneh ia saong langiu dunya. Kol dahlak pataom tame jhul khang bruk paglaong chất lượng bruk ngak di menuac ngak dalam gah du lịch, ngak habar piah ka yaok urang ngak hu siam “njauk hatai tuai mai, bui hatian tuai nao”.

Meda mboh lac, gah du lịch TP. Cần Thơ hu caga blaoh blai piah ngak ka bilan hè jeng tukvak chreih chrai abih di tuai dalam taneh ia saong langiu dunya...Tui jalan ngak lac “patagok njauk bruk meng hatung hatian”, doanh nghiệp ngak bruk du lịch di Cần Thơ hu ba pandap di puk palei drei nao jaik jang haong yaok urang./.