Ini lac bruk bui sambai brei ka dom po buh jien tame padang ngak saong urang blei sang. Min jeng daok labaih 81 ribau baoh sang ka oh hu pabak sổ hồng. Kadha vak di urang vak Duy Phương daok di TPHCM hu ndem ka bruk ini.

Tui Sở Tài nguyên saong Môi trường TP.HCM, dom urang ka oh hu pabak sổ hồng hu rilo makna. Ka 1 lac dom janih sang danaok ka oh hu angan dalam dom harak quy phạm pháp luật yau ye: officetel, shophouse…. Ka 2 lac, hu 49 danak dak gam haong jaik 8.400 baoh sang daok cang urang blei pabak dom harak gar ngak salah bruk kak je. Ka 3 lac hu 39 danak dak gam haong 20.000 baoh sang ka oh hu pabak sổ hồng kayua dom makna, yau ye po buh jien padang ngak, brei ramik ngak veik dom adat tuk rami veik thiết kế, bruk padang ngak, patagok dom baoh sang, pasang iek veik bruk jien padai, bruk sang daok xã hội; ka oh nộp ginup jien pandar taneh… Hu 18 danak dak gam haong labaih 8.200 baoh sang ka oh hu pabak sổ kayua daok pasang iek, duah thau.

Tui ong Huỳnh Thanh Khiết – Phó yam ndok Sở Xây dựng TP.HCM: Nyaom tavak tavaiy pambuak tal bruk jien padai pabak tame lac tavak tavaiy praong abih. Tui nan, po buh jien tame danak dak brei ngak salah bruk jien padai ka quyen pandar taneh meng hu langyah pabak brei harak chứng nhận. Ong Khiết mboh lac, tavak tavaiy ini njauk haong bruk di nyu. Pagap yau, sa danak dak sit dom ribau m2 piah kuhria jien pandar taneh pabak biak samar. Min, mayah danak dak dom hecta atau dom piluh hecta ye oh hu jalan halei ngak salah nghĩa vụ jien padai ka taong abih danak dak praong yau nan gam sa mbang. Dalam tuk peih ngak danak dak, meyah hu ramik veik atau pabak tame, atau salih mblang taneh yaom lac dom m2 jeng njauk kuria veik bruk jien padai pabak tame. Ong Khiết ndem lac: "Dahlau deih TP.HCM hu jalan ngak biak siam lac bruk jien padai salah labik halei ye pabak harak labik nan. Min urak ini, ngan haong Sarak 148/2020 ye biak kan piah ngak."

Daok bruk jien padai pabak, ong Nguyễn Ngọc Thảo – Phó yam ndok Sở Jien padai brei thau: tapa pasang iek, dom danak dak hu tavak tavaiy jeng peih ngak suai lavik. Dalam tuk peih ngak, po buh jien tame hu panuac caong salih meng bruk quy hoạch, tal dom jalan padang ngak. Tuk dom chỉ tiêu ini salih karei ye hu tamuh tabiak bruk jien padai. Tuk hu Sarak 148/2020 ye mboh lac jaik abih dom po buh jien padang ngak ka oh ngak nghĩa vụ pabak tame: "Dom tavak tavaiy ka bruk cambaih laih yaom taneh, dalam nan ngak cambaih bruk jien padai pabak piah duh ka bruk ngak harak gar ye UBND ban raya hu tacei pato Hội đồng taong yaom taneh piah jao bruk cambaih laih ka dom sơ, dom gah hu pambuak tal".

Akaok HĐND TP.HCM Nguyễn Thị Lệ mboh lac, bruk pabak sổ hồng ka oh pabak hu hatai caong. Amuk Lệ ieu kakei dom jabat hu pambuak tal, njauk paglaong bruk thanh tra, pasang iek gam gam dom danak dak. Oh caik ka po buh jien tame padang ngak suan adat hukum, ngak salah blaoh meng peih bruk taong phat ba tal palai pajoa. Gam haong nan, njauk pasiam bruk pambuak gauk ka oh catang di dom sơ, dom gah dalam bruk pabak sổ hồng: "Ieu Jabat tut angan taneh riya brei pasang iek, yaok pataom gilac veik drei hu taduan harak gar halei oh. Mayah hu taduan blaoh, brei hu jalan ngak piah langyah samar drah. Dalam tuk ngak harak gar, mayah hu tavak tavaiy, kan kandah ye brei hu tacei pato ka po buh jien tame ngak ka nyu ginup".

Bruk suai pabak sổ hồng oh lac ngak kan kandah tal raidiuk di rahra, bo daok ngak ka ban raya lahik sa paok jien mek tame kadung jien kanja. Meng dom adat hukum di gah taneh riya biak sarau kadhau, bruk jhul samar tukvak ngak sổ hồng lac oh mbuan. Min, dom jabat hu thẩm quyền di TP.HCM njauk sami samar jang dalam bruk pambuak gauk, hu jalan ngak yau ye njauk gauk patabiak dom adat nội bộ pambuak haong gauk piah paglaong siam lagaih bruk langyah harak gar./.