Hadei di tuk padeih ngak di Cty mai sang ngak bruk tui hatai, piah caga hu tukvak ba pasang nao nduac than, saai Hoàng Hồng Hoa, umo 47 thun, daok di khu phố 3, phường Hiệp Bình Chánh, ban Thủ Đức, TP.HCM njauk cakak thẻ BHYT. Thẻ abih tukvak bo oh thau, tal tuk nao iek ruak, saai meng thau saong brei padeih bruk taong ruak kayua oh hu jien piah biyar jien taong ruak. Yaok bilan buh tabiak 3,5 triệu đồng brei ka pasang nduac thận (hadei di tuk hu kaoh jien BHYT), saai Hoa oh thau duah halei jien piah blei thẻ BHYT ka drei. Khan brei thau dom kan kandah haong Kapul Chữ thập đỏ phường, saai Hoa hu daong blei thẻ BHYT:

Sau khi nghỉ ở công ty về làm công việc tự do, để chủ động thời gian đưa chồng đi chạy thận định kỳ, chị Hoàng Hồng Hoa, 47 tuổi, ngụ khu phố 3, phường Hiệp Bình Chánh, thành phố Thủ Đức, TP.HCM bị cắt thẻ BHYT. Thẻ hết hạn mà không hay, đến khi vào bệnh viện khám bệnh, chị đành phải tạm 

 “BHYT ngan haong rahra hu kein biak rilo kayua ngak BHYT ye patak pataom hu rilo jien. Kayua tuk njauk ruak tame sang iek ruak abih biak rilo jien, drei oh hu jien ye oh nduac truh, mayah hu thẻ bảo hiểm ye hu daong prein ka drei”.

Tui amuk Nguyễn Trương Ngọc Mai, Akaok Kapul Chữ thập đỏ phường Hiệp Bình Chánh, ban Thủ Đức, di dalam ban hu rilo urang sang kan kandah, urang ngak bruk tui hatai oh hu jien blei thẻ BHYT. Kapul saong dom khu phố jak ba dom urang ngak pahla, alin hadiah thẻ BHYT ka rahra. Taeng 5 bilan akaok thun 2024 tal urak ini, Kapul hu jak ba, daong hu abih tih 32 thẻ BHYT:   

 “Akaok thun, kapul hu sa danak dak praong ka sangka prein yava, sangka raidiuk ka rahra, pasang iek, mayah hu urang kan kandah ka BHYT, oh ginup jien piah blei atau kurang harak gar hagait, pathau khan tapak tal Kapul piah daong. Meyah hu urang kan kandah ieu daong chip, kol dahlak tangi sua khu pho sa mbang tra piah ngak cambaih lac urang nan njauk lac kan kandah halei oh saong hu mbaok daok pak labik nan halei oh, meyah biak, ye kol dahlak daong blei, rahra oh buh jien hagait”.

Daok di Sang iek ruak Lê Văn Thịnh, ban Thủ Đức TP.HCM hu rik daong ka bruk pabak BHYT ka abih rahra meng bruk alin thẻ BHYT ka rahra gaok kandah piah urang hu iek ruak ginup abih bo oh daok duh hatai ka naong trak jien ndo. Thun 2023, Sang iek ruak hu peih bruk nduac thận nhân tạo di huyện Cần Giờ, daong ka rahra oh daok nao atah tame pasak ban piah nduac thận, abih di nyu nan lac rahra daok pak xã đảo Thạnh An. Sang iek ruak hu alin 42 thẻ BHYT brei saoh ka dom urang nduac thận gaok kan kandah. Langiu di nan, jeng jao alin thẻ BHYT ka sang kathaot, urang nao ngak mbang atah, peih ngak rilo jalan daong ka rahra nao iek ruak, taong ruak BHYT hu mbuan lagaih. Ong Trần Quang Châu, Akaok Jabat ngak bruk xa hoi di sang iek ruak brei thau:

“Jabat ngak bruk xa hoi hu gah daong ka the bao hiem ka urang ruak. Dom urang ruak di ban Thủ Đức tuk nao iek ruak di sang iek ruak Lê Văn Thịnh thẻ abih tukvak, kol dahlak hu daong ka mikva gia hạn pak di sang iek ruak, piah palagaih di abih ka mikva mai taong ruak. Daok dom urang ruak daok atah ye kol dahlak taom gaok palei piah daong”.

Lime bilan akaok thun 2024, TP.HCM hu jaik 8 trieu urang hu mbaok tame BHYT, mek hu jaik 90% dut saong jalan ba tabiak. Ong Nguyễn Minh Châu, Phaok yam ndok Bảo hiểm xã hội TP.HCM brei thau, BHYT saong BHXH lac dua sarak praong, nan ye BHXH TP.HCM biak caik hatai sangka, iek praong. Gah BH hu pandar rilo jalan ngak piah khan brei thau, pilih ruah dom asal kadha mbuan jang saong pambuak jaik jang haong raidiuk di rahra piah pathau khan ka kein laba, yaom jien blei saong urang hu mbaok tame, piah hu mbang tui dom sarak pambuak tal. Ong Nguyễn Minh Châu ndem lac:   

“Meng ini tal puac thun, kol dahlak jeng daok patagok saong jhul khang bruk pathau khan saong abih di nyu nan lac dom jalan pathau khan jak ba rahra thau ka sarak BHXH, BHYT piah eng drei hu mbaok tame, tani tanat kein lagaih ka drei. Dom tuk gaok ruak kik, atau umo thun taha oh hu jien mek tame”.

Urak ini BHXH TP.HCM hu peih ngak bruk định danh manuac urang/CCCD di jaik 8 trieu urang hu mbaok tame, mek hu labaih 95%. Gam haong nan, hu peih ngak iek bruk pandar CCCD pagam chíp dalam bruk iek ruak taong ruak BHYT, abih tih dom labik iek ruak, taong ruak hu pandar CCCD piah iek ruak, taong ruak. Bruk salih so dalam iek ruak, taong ruak jeng hu rik tame daong ka urang hu mbang tui dom sarak BHYT hu iek ruak, taong ruak hu mbuan lagaih jang, meng nan halain hatain hu mbaok tame BHYT./.