TS Vũ Thành Tự Anh, Yam ndok Sang bac Sarak Karja saong Khik ramik Fulbright taong yaom, maong tame kinh te di TP.HCM dalam taong abih kinh te bhum Đông Nam Bộ dut haong taneh ia ye prein meraik gauk jeng yau labik dang di Ban Raya daok lamin nao dalam 20 thun tapa, meng prein buh tame GDP, tal tỷ trọng tame kadung jien  karja saong abih di nyu nan lac pablei tabiak negar langiu.

Meyah 5 thun dahlau, tỷ trọng daong gah pablei tabiak negar langiu di bhum Đông Nam Bộ jeng hu labaih 50% pablei tabiak negar langiu di dalam taneh ia ye tal tuk ini tok daok hu 1/3, dalam tuk Bhum taneran kraong Hồng daong hu labaih 50% taong abih kim ngạch pablei tabiak negar langiu.

Abih di nyu nan lac, dalam cấu trúc kinh te urak ini di TP.HCM hu bruk laik trun di gah kong nghiep haong tỷ trọng tok hu labaih 24% GRDP. Tui TS Vũ Thành Tự Anh, ini lac bruk “langyah kong nghiep aval” saong meyah TP.HCM caong khin samar drah tabiak truh gaiy jien mek tame kuhria rah tapa, khik patagok 9 - 9,5% dalam tukvak 2021 – 2030 ye brei iek kong nghiep lac “bruk” dang akaok.

" Kol drei thei jeng mboh yit vu saong pablei salih lac hu makna praong min bruk yit vu pablei salih urak ini di Ban Raya oh ka khang kajap piah ba ban raya nao tal sa tukvak cakrok patagok bahrau, hu tanut patagok 9 - 9,5%. Nan ye dahlak jeng daok jia lac oh klaak hu kong nghiep, min lac kong nghiep halei saong kol drei ngak nyu yau habar?"

Daok tui PGS – TS Trần Hoàng Ngân, urang Quốc hội, daong bruk ka Bí thư Thành ủy TP.HCM, dom hagait bo TP.HCM daok ngak, hu samu haong bruk di anak mata. Min, bruk ngak hu ini oh ka njauk haong hatai caong. Ong  Trần Hoàng Ngân mboh lac, brei thau hu labik di TP.HCM daok di pak halei dut haong dom ban dalam bhum piah hu jalan ngak lagaih. Ban Raya daok ngak tui Sarak 98 haong rilo jalan ngak praong min jeng brei samar hu Hukum do thi dac biet. Ban Raya njuak cakrok patagok ha tang do thi saong ha tang kinh te xa hoi, patagok menuac ngak.

" Dahlak sahneng lac meng bruk ngak di Karja meyah kol drei ngak hu sa thể chế, sa pagam pambuak ha tang kinh te-xa hoi samu gauk, gam haong menuac ngak hu ilamo glaong, sangka y te, prein yava siam, ngak hu bruk siam mekre chinh tri salamat ye bruk buh jien tame ngak mbang di ban raya lac hu tagok glaong samar drah."

Akaok UBND TP Phan Văn Mãi khan lac, tukvak thun 2025-2030, TP.HCM kham merat haong tanut patagok labaih 9%. Yau nan, ban raya brei ngak rilo bruk, jak ba taong abih phun jien buh tame ka xa hoi. Caong hu yau nan, brei hu sa thể chế lagaih, cơ chế sarak piah dui pachreih urang buh jien, paglaong prein taduan phun jien buh tame tapa salih bahrau khang di bộ máy, kapul urang ngak bruk. Taphia nan lac ngak rami ramik veik nền kinh tế di ban raya tui jalan kong nghe glaong. Gam haong nan, pilih ruah bruk praong, danak dak cambaih laih piah pataom tame ngak meng ini tal puac tukvak saong ka tukvak patui di nan. Akaok UBND TP.HCM Phan Văn Mãi lac:

 "Biak kan kandah, kol drei brei kham merat chinh tri khang kadang, thau hu bruk praong, bruk pasak saong hu jalan langyah samu gauk meng hu jak jeng yau hatai caong. Dahlak jeng biak jia lac Ban Raya hu mbuan lagaih piah ngak"

Mbuan lagaih lac urak ini, TP.HCM daok taduan hu bruk sangka, pato tacei saong daong ba biak samar drah di Trung ương dalam bruk langyah kan kandah, tavak tavaiy. Sarak 98 daok hu nduac biak samar drah. Tapa nan, Ban Raya daok taok talaih dom paga pacang khang hatai nduac tagok samar. Anak meta, Ban Raya kham merat mek hu bruk patagok dalam thun 2024 meng 7,5 - 8% tui pato tacei di Thu tuong piah peih tabiak jalan nao lagaih ka dom thun hadei./.