Tui ong Nguyễn Hoàng Năng, urang dahlau diah dang akaok Ủy ban MT negar TP.HCM, urak ini di dom labik daok hu dom kadha oh ka hu siam abih, njauk langyah ka nyu siam, ngak brei njauk hatai saong salih bahrau dalam abih hệ thống Mặt trận saong dom kapul nyaom dalam MT, ngak jeng pren khang rilo jang, prong jang dalam bruk peih ngak Sarak 98 di Quốc hội. Piah ka bruk brei panuac rik daong biak biai hu siam mekre jang, ong Năng brei thau, njauk ngak habar ka phản biện di Mặt trận tuk ndom tabiak tuk halei jeng hu bhap bani njauk hatai kayua ndom tagok hu sap ndom di drei: “Phản biện tui jalan saneng, hatai caong khin di bhap bani, ngak hu bruk ini meda mboh hu bruk ngak di Mặt trận hu yaom rilo jang, siam jang lac phản biện tui đơn đặt hàng, pabak hatai caong khin di jabat điều hành”

Tui amuk Võ Thị Ánh Hồng, Akaok Hội đồng tư vấn dân chủ pháp luật – MT negar TP.HCM, Sarak 31, sarak 98 caong khin hu pathau khan tabiak bhap bani dom danak peih ngak piah ka bhap bani thau cambaih laih, ngak jeng bruk njauk hatai, ba gauk rik prein tame. Meng nan, tuk peih ngak meda hu ralo hadah krah, hatai saneng gheih piah mek hu jalan ngak bo drei ba tabiak. Bhap bani biak caong tame bruk pasang iek phản biện. Jaik di ini, Mặt trận negar TP.HCM jeng hu paglaong bruk pasang iek, daa rilo urang hu ilamu, thau gah pasang iek. Ini lac jalan ngak bahrau, piah sap ndom di Mặt trận hu pakat ủy, karja sangka.  

Ong Lương Hùng Đức, Phaok akaok mBan Bangsa, Ủy viên Ủy ban Trung ương MT negar TP.HCM caong khin bruk pathau khan njauk pambuak pagam haong bruk jak ba piah hu ginup makna, kayua lac tuk bhap bani njauk hatai ye ngak hagait jeng hu, nan ye njauk jak ba bol bhap rahra ka nyu rilo piah hu mbaok tame peih ngak sarak 98: “Peih ngak Sarak 98 nan lac ban raya daok  ngak eik, hu dom bruk oh ka ngak mbang halei, yau nan Mặt trận hu ngak iek hagait piah peih ngak bruk ngak iek ini halei oh saong yau nan bruk salih bahrau khang di MTTQ lac hagait? Mặt trận njauk ngak iek jalan ngak bahrau salih hatai saneng klak. Pasang iek di Mặt trận pathau tacei tabiak hu bruk  ngak hu di karja saong dom gah, dom pakat, bruk hu, bruk oh ka hu, ba tabiak kadha bac megru. Dahlak saneng lac bruk pasang iek  jeng njauk salih bahrau”.

Ong Lê Mạnh Hùng, Phaok akaok Hội đồng tư vấn gah ilamu công nghệ saong Môi trường – Ủy ban MTTQ TP.HCM taong yaom: dalam peih ngak sarak 98, MTTP hu tame bruk biak catang, samar drah, peih rilo mbang taom gaok ndom biai nao mai ka dom bruk pambuak tal sarak 98, ginum biai jalan peih ngak dom sarak biak karei, ngak jeng jalan ka TP.HCM cak rok patagok samar jang, lac akaok kapal di taneh aia. Taphia bruk daong langyah dom kadha cuang kandah tavak tave daok hu mboh, MTTQ TP njauk yam takai nao gam tuk gaok cuang kandah dalam bruk peih ngak kadha bahrau, oh ka bhian hu, abih di nyu lac pambuak pagam tal adat hukum: “Ngak iek dom sarak ye kadha bahrau, oh ka hu bhian tamuh tabiak rilo kadha. Ủy ban MTTQ oh njauk lac mbaik tatua pambuak pagam sa gah tal bhap bani, bo njauk lac 2 gah, meng bhap bani tal Mặt trận saong UBND TP, mong iek dom đề xuất piah peih talaih kan kandah. Dahlak saneng lac pachreih dom urang peih ngak kadha bahrau ye njauk pacang khik dom urang nan, rilo urang oh khin ngak. Dom bruk oh ka hu dalam adat hukum, tuk rah tabiak kadha hagait ye meyah oh nao gam piah pacang khik ye meda ngak lahik nao bruk sami samar di dom urang nan”.

Sarak 98  jao ka TP.HCM dom jalan ngak biak karei piah peih ngak, Quốc hội hu peih tabiak jalan ngak iek kadha bahrau piah tabiak truh “kanduh bao”, jalan klak nao biak . Kayua yau nan ye, TP.HCM njauk ngak tabiak sa kadha hagait nan bahrau abih, pambak tamehatai sahneng duah bahrau di abih bhap bani. Dalam nan hu bruk ngak, labik dang oh kurang hu di  Ủy ban MTTQ TP dalam cak rok patagok bruk gul pataom abih bhap bani meng bruk ngak cambaih laih, hu jalan ngak bahrau, nao meng cơ sở, ba quyền lợi di bhap bani tagok mangaok di abih. Bruk ngak di MTTQ hu ngak jeng kadha bahrau, lambaok ka sap ndom di bhap bani TP.HCM meda rik tame peih ngak hu jak jeng sarak 98 di Quốc hội meng bruk gul pataom saong sa hatung hatai haong gauk./.