Hadei di HĐND Banraya HCM brei tapa jalan buh phun tame dom danak dak jalan mbak yang asal di banraya HCM, dalam nan hu jalan Bình Tiên, rahra bhap bini di Quận 6 biak ottanot bui sambai. Kayua lac jalan mbak hadei di blaoh salah tantu daong brei ka bruk nao mai meng Quận 6 tapa Quận 8 tal huyện Bình Chánh jeng mbuan sanang mbiak lagaih. Ini ieu lac hatai caong takre meng lavik di bhap bini rahra ini… Saai Nguyễn Thanh Liêm, sa urang hu sang di jalan Bình Tiên lac: “Danak dak ini hu mang lavik paje, mayah karja brei ngak jalan mbak mboh biak lagaih, bhap bini rahra biak bui sambai. Mayah hu yau nan jalan mbak di Quận 6 oh pik oh katil oh gigal radiah lamo. Bhap bini rahra di ini caong khin danak ini salah blaoh brei ka awal”.

Danak dak jalan Bình Tiên meng jaln Phạm Văn Chí tal jalan Nguyễn Văn Linh atah 3,2km, gan praong meng 30 – 40m. Hadei di HĐND Banraya HCM brei adat ngak, danak dak piah ngak di tuk meng masa thun 2023 – 2028. Tui ông Lương Minh Phúc, Akaok Kapul Iek glang danak dak buh phun padang ngak dom danak dak jalan mbak Banraya HCM, ini ieu lac sa danak dak hu angan atah, pambuak mang labik ini tapa labik diah dan haong tuk salah blaoh mada daong ganap sampurna jalan mbak gah mraong Banraya HCM.

Dreih yau nan, di pabahmbang gah iar Harei tagok, danak dak peih praong Jalan nagar 13, jalan mang catua Bình Triệu tal jalan tapen tỉnh Bình Dương, Ban Thủ Đức atah 5,9km; atau danak dak paglaong papraong Jalan nagar 1 mang jalan Kinh Dương Vương tal jalan tapen tỉnh Long An; paglaong papraong jalan Barak – Maraong mang jalan Nguyễn Văn Linh tal jalan raya Bến Lức – Long Thành dan haong danak pasiam, papraong paglaong Jalan nagar 22 mang akaok jalan An Sương tal jalan Vành đai 3 jeng mada ngak di dalam masa tukwak ini mbiah tal abih thun 2028.

Tui TS Trần Quang Thắng, Akaok Insitu Ekonomi dan haong ieik glang Banraya HCM, ngan saong sa banraya yau ye Banraya HCM, bruk caong khin hu phun jien padai piah patagok jalan mbak biak praong. Bruk banraya HCM hu cara jalan taeng karei brei ngak di nagar mboh praong piah ngak dom danak dak, kayua lac hu yaok urang taeng buh hatai jai preing yawa tame ngak nyu mboh cambac lac jang. Ông Thắng pok sap ieu, habien peih ngak njauk brei hu tanut tani tanat cambac lac brei ka jien ndo jeng ilamu bruk ngak di urang buh jien phun tame piah daong danak dak nduac suai damuai: “Gam tui phun hu di banraya khol kita drei oh ganap piah brei ngak danak dak praong. Asal di Nghị quyết 98 ieu lac brei pachreih dom urang ngak mbang daok gah langiu oh njauk sa janih dom gah jaka nagar. Phun di Tanah ia nagar piah brei pachreih, brei jak ba rahra bhapbini urang ngak mbang. Yau nan meng njauk ieu lac prein yawa di ekonomi banraya HCM”.

KTS Ngô Viết Nam Sơn, juru gru padang danakdak jeng lac, Sarak Nghị quyết 98 peih tabiak ralo jalan piah patagok jalan mbak hạ tầng, takik cang paeit tame phun jien nagar. Piah ngak hu njauk salih barau akaok saneng jeng ye salih bruk pan akaok ieik glang. Bruk nan oh ieu lac ngak ka dom danak dak BOT brei ka jalan mbak hạ tầng bo daok njauk caik hatai tal dom labik tanah haluk gam gam haong jalan mbak hạ tầng. Bruk ngak ini njauk pagam pambuak dom dom jabat gah sở ngành piah jeng dom talei danak dak gam gam haong gauk. Tui ông Sơn, dalau di ini dom danak dak tui atah kayua oh peih hu mbaok taneh, oh ganap jien peih mbaok tanah… Kayua yau nan ye, Sarak Nghị quyết 98 mada daong ka banraya HCM sanang dang ngak jang: “Dalau diah drei gigal ralo mang phun jien nagar. Hu jien ye ngak, oh hu ye cang. Urak ini glo akaok saneng barau mboh hu phun jien nagar ieu lac sa janih sa bhan haja. Drei daok pambak tame sarak Nghị quyết 98 piah ngak jeng phun jien mek tame piah oh tawk tame jien gilang nagar yau mang dalau”

Sarak Nghị quyết 98 yaom oh njauk lac gai duah yang daong lang yah sap janih di banraya. Min tapi, bruk kadah mai meng cara jalan taeng drei laneng lanoi jang daong hu brei ka banraya hu jalan lang yah kadha katih kan brei ka bruk ngak jalan mbak meng vaktu masa blaoh. Masa tuk vak oh ralo. Kayua yau nan ye, Banraya HCM njauk ba abih hatai, brei ka capat ka awal samal ba danak dak praong di bah mbang tame tabiak tame pandar brei ka bhap bini rahra banraya HCM./.