Tỉnh Trà Vinh daok biak sangka tal bruk khik ramik, patagok ilamo di bangsa  Khmer

Urak ini, langiu di 8 sang bac bangsa gam bac gam daok pakat 2 saong pakat 3, ngan haong labaih 2.700 anek saih tui bac yaok thun, Trà Vinh daok hu sang bac gam bac gam daok Trung cấp Pali-Khmer, hu dom sarak dreih yau dom sang bac bangsa gam bac gam daok urak ini. Baoh sang bac ini brei ka dom  tăng sinh (rilo meng lac tui hệ phái Nam tông Khmer) hu pato taong abih dom danak dak bac magru thường xuyên, bac sap Pali, akhar haroh Khmer saong hukum Phật giáo.

Meng bruk yau nan, yaok thun sang bac brei khik kajap ka tăng sinh peih ngak adat nhập hạ 3 bilan saong hu mbaok ginup tame dom adat cambat hu makna praong di Phật giáo. Yaok thun sang bac tuk halei jeng peih bruk tame bac aval jang meng 2 tal 3 adit, kayua yau nan ye yaom lac dom tăng sinh hu mbaok ginup tame dom adat cambat dalam thun yau ye Chôl chnăm thmây, Sen đôn ta, Ok om bok, tame hạ, tabiak hạ…, bo daok khik hu danak dak kayua Sở pato magru patabiak. Ong Lâm So Rone, Phó akaok Sang bac Trung cấp Pali-Khmer Trà Vinh brei thau:“Sang bac trung cấp Pali-Khmer pato dua-dua danak dak, nan lac pato magru thường xuyên saong Pali-Khmer. Sang bac tuk halei jeng brei ka tăng sinh tame bac dahlau saong yaok thun di kreih adit di bilan 7 (tui saka ia bilan) sang bac hu peih bruk brei ka tăng sinh ngak adat Nhập hạ. Meda ndom lac meng labik pato tal danak dak bac magru di sang bac jeng pabak hu yaok bruk  di gah Nam tông Khmer”

Piah palagaih ka dom công chức, urang ngak, anek saih, sinh viên bangsa Khmer hu mbaok tame taduan raok lễ, tết meng kan di bangsa drei, di dom harei padeih le praong di mikva bangsa Khmer, dom jabat, doanh nghiệp, sang bac dalam tỉnh jeng hu rami ramik piah ka dom urang jakar, công chức, urang ngak, anek saih, sinh viên bangsa Khmer hu padeih dalam 3 harei. Piah ka yaok sang bangsa Khmer hu ginup prein piah uan raok Sen Đôn ta – peih ngak adat hu ginup abih, UBND tỉnh daok hu tacei pato Mban bangsa tỉnh dang tabiak, pambuak bruk haong dom sở, dom gah dalam tỉnh hu pambuak tal saong dom puk palei peih bruk nao rivang dom sang sarak kanja, dom baha Phật giáo Nam tông Khmer praong dalam tỉnh.

Thun ini, lambaok ka urang pan akaok tỉnh brei dom kapul nao rivang, alin hadaih pandap brei ka labaih 200 sang sarak kanja, dom urang jakar padeih huu saong rivang 26 baoh baha Phật giáo Nam tông Khmer praong dalam tỉnh, ngan haong paok jien lac 550 triệu đồng; jak ba mikva bangsa Khmer patui jalan patagok ilamu anit ranam taneh ia, jumpataom bangsa, jum pataom urang tui saong oh tui agama; ngak njauk haong sarak di Đảng, hukum di kanja. Ong Thạch Chanh Srây, urang jakar padeih huu, urang hu angan je daok di xã Hiệp Hòa, huyện Cầu Ngang lac sa dalam 414 urang hu angan je lac urang bangsa Khmer brei thau:“Njauk ndem lac, Đảng, karja pak ini tuk halei jeng sangka tal mikva bangsa, tuk halei jeng palagaih ka dom sư sãi, dom urang jakar Khmer hu taom gaok, nao rivang, ndom biai ka sarak, ka bruk ngak mbang, duah jien di dalam sang….Dahlak biak chreih chrai, uan tabuan”.

Urak ini, mbaok meta puk palei urang bangsa Khmer daok di Trà Vinh’ dak harei dak hadah hadai, raidiuk oh padeih patagok, dalam tuk ilamo meng kan di bangsa, jeng yau ilamo di bangsa Khmer tuk halei jeng hu paglaong, khik ramik. Meng nan, bruk jum pataom bangsa dak halei dak kak kajap jang, ba hatai jia tame bruk par akaok di Ðảng saong bruk tacei jalan di Kanja dak harei dak hu khang, kajap./.

Urang lang: Thu Thao – 27/09