Bahrau ini, UBND tỉnh Trà Vinh hu patabiak jalan peih ngak Danak dak pakat negar cak rok patagok bruk ngak mbang pala drak bhum urang bangsa takik saong bhum ceik thun 2022 dalam tỉnh Trà Vinh. Dalam nan, peih ngak tiểu Dự án 3: Cak rok patagok bruk ngak nong, ngak glai khang kajap, patagok pren khang di yaok labik piah ngak tabiak pandap panda tui chuỗi giá trị. Dom danak dak daong phun jien ka bhap bani, pato pathram ba brei ilamu, pandar công nghệ 4.0 tame bruk ngak mbang, pala drak, paglaong sản lượng saong chất lượng phun padai,... hu dom puk palei peih ngak samar drah tal bhap bani Khmer. Meng nan hu daong ka mikva salih bahrau jalan ngak mbang pala drak, dak harei dak ba brei bruk ngak, tani tanat rai diuk.

Dom bruk ngak mbang pala drak hu jak jeng dalam bhum urang Khmer yau: mblang hamu prong di xã Tập Ngãi (huyện Tiểu Cần), xã Châu Điền (huyện Cầu Kè), bhum ngak padai chất lượng glaong di xã Nhị Trường, Trường Thọ (huyện Cầu Ngang), … daong ngak brei paglaong prein ngak, prein pabak saong pablei pandap panda dalam bhum urang Khmer. Meng nan rai diuk di bhap bani Khmer hu salih bharau mboh di anak meta, baoh sang kathaot trun rilo tapa yaok thun. Kuhria tal puac thun 2021 baoh sang kathaot dalam bhap bani Khmer trun daok 0,08%, lac 805 baoh sang.

Sa-ai Kim Minh Lợi, daok di ấp Trà Cú B, xã Kim Sơn bui sambai khan lac: Kayua mboh pala tabau dak harei dak kan kandah nan ye sang salih tapa pala padai pambuak pagam haong raong hadang ginraong hijao, meng bac megru pandar ilamu bahrau, yaok thun bruk ngak padai gam haong raong hadang ba jien tame ka sang hu labaih 200 triệu đồng.

Taom gaok saong pandar ilamu bahrau tame bruk ngak padai hu daong ka  sang urang ngak nong angan Kiên Cơne, daok di ấp Sóc Cụt, xã Trường Thọ, huyện Cầu Ngang tani tanat rai diuk. Bilan đông – xuân thun 2021 – 2022 sang ong hu ngak padai tui jalan pandar mac tam padai piah patak pataom asal padai pajaih, pagam haong bruk pandar khak drak thong minh hu ba jien mek tame biak glaong. Năng suất padai mek hu 8 tấn/ha. Ong Kiên Cowne khan lac, dom vụ anak tal, meda jak ba dom baoh sang jaik taphia piah jak gauk ngak padai tui jalan thong minh.

Anak bruk yaom kaom vật tư ngak nong tagok glaong, bilan padai hè - thu thun ini, rilo hợp tác xã ngak nong, urang nong hu pamaong tal bruk ngak tabiak pambuak haong bruk pandar khak hóa học saong khak hữu cơ vi sinh piah trun phun jien buh tame. Gam haong nan, dom pajaih padai chất lượng glaong yau: OM5451, OM18, OM4900 saong Đài thơm 8, ST25, ST24... hu urang nong ba tame ngak piah paglaong chất lượng pamaong tal bruk pablei tabiak negar langiu.

Pagap yau bilan Đông - Xuân 2021 - 2022, Hợp tác xã ngak nong Phát Tài (xã Thanh Mỹ, huyện Châu Thành) hu ngak iek bruk pandar khak hữu cơ vi sinh dalam bruk pala drak 20ha padai, tuk camereip hu trun jaik 20% phun jien buh tabiak blei khak hóa học, bo năng suất saong sản lượng padai jeng glaong. Urak ini dalam bilan hè – thu ini, hợp tác xã kuhria lac meda hu 30ha padai pandar pambuak pagam khak hữu cơ vi sinh.  

Urak ini, rilo doanh nghiệp hu pambuak bruk haong dom hợp tác xã saong baoh sang urang nong piah ngak padai tui jalan hữu cơ. Doanh nghiệp meda pabak khak hữu cơ ka baoh sang pala ngak tui jalan tín chấp, puac vụ meng mek jien saong yaom pablei samu haong yaom sang mac jao ka đại lý pakat I. Bruk pandar khak hữu cơ ba mai rilo kein laba ka urang nong gam doanh nghiệp tuk gam pasiam veik taneh, patrun phun jien buh tabiak ngak, gam paglaong chất lượng asal brah, pabak hu bruk pablei tabiak negar langiu./.

Urang lang: Jasi