Rilo urang nong ba tangin tame bruk chuyen doi so 

Atah di ni dom thun, kapan haoh oh hu menuac peih pruh jru khik caga phun pala, lac bruk oh bhian randap  song urang nong huyện Đức Linh. Min, urak ni, di dom mblang  padai  yau Vũ Hòa, Nam Chính, Võ Xu… kapan haoh oh hu menuac peih hu tabiak mbaok, salih ka urang nong ngak rilo janih dalam bruk ngak nong.

Akaok bilan 9, saai Trần Đình Thảo (daok di palei  4, xã Nam Chính, huyện Đức Linh) gam gam taduan hu dom mbang ieu kakei, sanya harei pruh jru. Urang nong ni kuhri kuhria tuk vak par, pataom dom mblang hamu nao sa jalan haong gauk, piah lagaih ka bruk pruh. Sruh kapan haoh pruh jru di saai  Thảo gam pruh  mbang pah gam pandar ka  2 ha padai di sang. Tui saai  Thảo, kein lagaih di kapan haoh pruh jru lac patak pataom  meng  20-30% jru , oh juak tagok padai song pruh samu gauk , pacang caga halak lin siam lagaih, song abih di nyu nan lac takik jhak tal pren yava di urang pruh.

Dok di dom  trang trại nho, dưa lưới, thanh long... di  Bình Thuận, hu biak rilo boh sang, hợp tác xã  song  doanh nghiệp pandar  công nghiệp số tame bruk pala drak. Trang trại Bình An (di xã Thuận Quý, huyện Hàm Thuận Nam) prong labaih  100 ha, pala thanh long, nho song  dưa lưới. Mblang taneh prong , min urang ngak oh rilo . Taphia di nan, dom khaw tin dữ liệu ka ia, khak drak, độ ẩm atau brei thau ka jit ruak jeng hu pabak tapa phần mềm. Bruk pandar  công nghệ số tame bruk sản xuất patrun hu phun jien, patagok  năng suất song chất lượng, patagok yaom pandap.

Ong Nguyễn Phú Hoàng, Akaok kapul urang nong  tỉnh Bình Thuận brei thau, chuyển đổi số dalam bruk ngak nong dok hu dom kapul, urang nong dalam tỉnh peih ngak, pandar rilo di abih dalam bruk pala ngak, rong glang, ngak tabiak. Bruk njauk caik hatai lac, gah pala drak hu pandar công nghệ IOT, duah thau asar di nyu, meng  nhật ký điện tử, hu vak meng  phần mềm 4.0. Tuk vak tapa  kapul urang nong  Bình Thuận hu peih dom tal pasram megru, pabak ka urang nong ilamu chuyển đổi số. Meng nan , urang nong salih hatai sahneng, salih jalan sahneng duah, hu mbaok tame bruk  chuyển đổi số tui jalan ka nyu lagaih, ba mai kein laba glong.

Oh lac gah  sản xuất , bo urak ni, rilo sang urang nong , doanh nghiệp, hợp tác xã iek prong bruk pandar  công nghệ số dalam palei pandap, pandar  mạng xã hội atau dom sàn pablei salih điện tử.

Bac tamat sang bac  đại học di ban raya. Hồ Chí Minh, min trak hatai song bruk ngak nong, saai Nguyễn Hữu Nhơn mai veik palei di ban  Võ Xu, huyện Đức Linh padang mbang ngui meng bruk rong baoh bao darang jhuk. Saai  Nhơn khang hatai duah thau, bac megru, pandar  công nghệ  bahrau tame  trang trại di drei, padang blah  web piah yaih khan thaot binguk. Saai  Nhơn brei thau: “Meng tuk jhul khang bruk pathau khan di mangaok  mạng xã hội, bruk ngak mbang, pablei salih di trang trại tani tanat jang. Rilo urang thau tal, pambuak gauk piah blei pandap. Urak ni,  trang trại hu labaih  1.000 tuai di dom  tỉnh jiak tapen  song labik gah Tây Nam Bộ."

Jeng lac bruk ba kaya nong tagok sàn điện tử, dom hợp tác xã thanh long di huyện Hàm Thuận Nam yau Hòa Lệ, Thuận Hòa song Hàm Minh hu tacei pato song ngak iek livestream mangaok Facebook piah yaih khan thanh long Bình Thuận. Tapa dom mbang  livestream , meng bein thanh long tal dây chuyền ngak pandap, dom hợp tác xã hu klah rabha dom thaot binguk  ka boh thanh long that song dom pandap hu ngak meng  thanh long. Gam song nan, brei mboh chất lượng mek hu tanut chuẩn, cambaih laih ka bruk pala drak, ngak tabiak tui tanut  chuẩn VietGAP, GlobalGAP. Jalan ngak nan, taduan hu bruk sangka biak prong di urang blei mbang.

Tui  Sở ngak nong song patagok  palei pala  Bình Thuận, dalam tỉnh,  urak  ni hu  labaih 200 blah  web dalam gah ngak nong . Rilo boh sang urang nong  song  doanh nghiệp dok pandar mạng xã hội yau  Zalo, Facebook… piah  điện tử hóa dom pandap panda kaya nong pablei salih, piah tagok bruk pablei tabiak ka pandap. Meng nan, urang blei jeng pabak hu pandap kaya nong hacih saat song siam mekre.

Yaom lac, mek hu dom siam lagaih, min, chuyển đổi số dalam gah ngak nong tỉnh Bình Thuận oh ka mbak carak, njauk jhul pakhang bruk tacei ba urang nong  hu mbaok tame  chuyển đổi số. Gam tui di nan, brei hu mbaok di dom pakat, dom gah, puk palei, piah rik dong peih ngak jak jeng danak dak chuyển đổi số tong abih gah di tỉnh./.

Urang lang: Hanipha- 22/9