Uan Bilan ngak ka uranaih 2023, urang vak Kim Thanh hu kadha vak hu angan: "Uranaih njauk hu pabak ilamo daok dalam ia” daa mikva saong taong abih gauk tui pang:

Kuhria meng bilan 5 tal urak ini, dalam taneh ia hu rilo bruk mblung ia di uranaih. Jaik di ini, harei 11/6, 3 kamuan sit daok di ban sit Nghi Sơn (Thanh Hoá) tui ong trun tasik manei, njauk mblung ia, ba tal metai. Harei 8/6, 3 anek saih di Gia Lai jak gauk trun kraong Hòn Cỏ (ban sit An Khê) ma-in saong oh mblung ia metai. Bier harei 5/6, di labik gah ala kraong Đà, ban Hòa Bình, tỉnh Hòa Bình hu bruk mblung ia ngak ka 2 uranaih kumei metai… Daok tui yaok pataom, meng akaok thun tal urak ini, dom bruk mblung ia di uranaih daok tagok di rilo tinh, ban. Abih di nyu nan lac hu rilo bruk mblung ia rilo manuac ngak ka baoh sang sa mbang lahik 2 tal 3 urang anek daok dalam umo thun nao bac.

Tui Yaok pataom di Mintri Lao động-Thương binh saong Xã hội, yaom lac dom uranaih njauk mblung ia tui kuhria mboh trun meng 3-5% sa thun min yaok thun jeng daok labaih 2 ribau uranaih metai kayua mblung ia. Tui bác sĩ Nguyễn Trọng An, dahlau daih ngak Phó akaok Cục Uranaih, rilo bruk mblung ia biak pandik harao rahtabiak dalam dom minit oh caik hatai tal di urang praong thun gam haong bruk nduac nao mai di uranaih, ba tal pandik harao khang: “Urak ini dom uranaih thau caluai ia rilo jang kayua di pak halei jeng hu pato caluai, bac caluai, min pato caluai, bac caluai njauk pato ilamo daok mala ia ka uranaih. Tuk uranaih laik trun ia ye daok yau habar, suak yava habar, dang dalam ia habar piah takik di nyu dalam 90 giây hu dom urang vil val nduac mai daong. Kayua yau nan ye, kol drei pato ilamo pacang mblung ia saong caluai ia haong ilamo daok dalam ia”.

Bhian peih dom tal pato caluai ia oh mek jien ka oranaih di labik Bãi giữa, kraong Hồng, saai Nguyễn Ngọc Khánh, akaok kalup kapul caluai ia Khám phá Hà Nội brei thau lac, bruk pato caluai ia ka uranaih hu makna biak praong min pato ka uranaih dom ilamo piah thau labik ia mbuan hu bala, jalan langyah tuk njauk chuột rút, jalan langyah tuk caluai ia dalam labik ia xoáy daok hu makna glaong jang:“Kol dahlak caong ba mai sa makna yau habar lac thau caluai ia, abih di nyu nan lac dom kamuan sit, dom kamuan thau bruk ini meda oh iek lap. Kol dahlak ba dom ilamo ngak habar piah caluai ia hu salamat di langiu kraong ribaong, tuk dom kamuan thau cambaih, hu khau tin ka salamat ye dahlak jia lac bruk mblung ia dalam tuk hè meda hu trun”

Piah trun manieng bruk uranaih metai kayua mblung ia, urang praong thun oh caik ka anek bhik di drei eng drei nao manei kraong, tasik, ribaong; bhian kakei uranaih ka bruk mbuan mblung ia, cuk aw phao ka uranaih tuk hu mbaok tame dom bruk di mangaok jalan ia. Gah pato magru di dom bhum palei jeng njauk ba jalan ka UBND tỉnh, ban ba tabiak danak dak, jalan ngak, paglaong bruk buh jien tame cơ sở vật chất tani tanat dom kein lagaih pato caluai ia, bac caluai ia, abih di nyu nan lac paglaong hatai sahaneng, salih jalan ngak, pabak dom ilamo salamat ka bruk pacang caga mblung ia.

Ong Đặng Hoa Nam, Akaok Cục uranaih brei thau lac, labik halei, paglaong hatai sahaneng, ilamo ka rahra, abih di nyu nan lac uranah ka bruk salamat dalam ia ye labik nan, dom uranaih njauk mblung ia hu trun cambaih laih: “Dahlak sahaneng lac kol drei njauk pachreih dom bruk main siam makre dalam tuk he di Kapul dam dara ngan haong bruk sa tangin haong gauk sangka, khik caga uranaih dalam tukvak padeih he di dom kapul chính trị xã hội tal dom pakat cơ sở, tal yaok baoh sang, brei ka dom anek bhik di drei sa bilan padeih he salamat siam makre”

Pacang caga mblung ia di uranaih lac sa bruk brei ngak dahlau di Việt Nam piah khik kajap quyen diukrai, salamat ka uranaih, plaih hu bruk pandik harao rahtabiak saong patrun bruk uranaih metai kayua mblung ia tal tanut bier di abih, njauk peih ngak samu gauk dom jalan langyah saong hu bruk pambuak gauk khang kajap di dom jabat chức năng, baoh sang, sang bac saong abih bol bhap rahra./.