Gam hu bein kopi praong 1,1 ha daok mek baoh thuan ka 3, mbang mek baoh thun ini, sang di ong Triệu Văn Phúc, daok di palei 3, xã Cư Suê, huyện Cư Mgar, tỉnh Đắk Lắk peik hu labaih 5 tấn asal cà phê. Ông brei thau lac: baoh asar ini ralo jaik dua mbang dut tui mbang dalau. Oh ka ndo mayai tal dom janih phun pablak tame. Tui haong yaom kaom yau ye ini, yaok thun sang ong duah hu labaih 800 triệu đồng. Tui ông Phúc lac:  "Ngak hu yau ini mai meng thau salih bruk ngak mbnag tui jalan pato di Hợp tác xã ngak Nông haong ngak jirah Bình Minh. Hợp tác xã pato ba urang ngak nông, mikwa ngak tui mbaok ganu di hợp tác xã brei ka gah ieik glang, jru caga phun pala, jaga anek ruak,… Ngak tu hợp tác xã hu ralo kein lagaih, jien mek hu ralo jang. Kayua meng dalau ngak tui hatai yau kan mai baoh karaoh jien ndo mek tame oh hu dom"

          Urang tame hợp tác xã harei akaok meti, nai Triệu Thị Hạnh lac, urang di hoptacxa thei jeng ye brei bac magru ilamu jammaraik. Dom urang daok daok dam daok tukik ilamu daok hu brei daong dak raok brei tuh kein brei tukik iai ka phun pala, jak ba dom adei saai ngak dom janih kein raba ka langik tasik alam môi trường. Hợp tác xã daok daong ka mikwa meng pala drak tal do janih pablei ndap nda ngak tabiak. Nai Hạnh khan : "Meng tuk jeng urang di Hợp tác xã Bình Minh thei jeng hu brei pato tacei. Hadei di bac magru drei jeng salih akaok saneng kuria, ralo mbang ngak oh jeng. Mboh karja jeng hu ralo sarak brei ka hợp tác xã piah daong urang hợp tác xã thau saneng barau, pagap ye ngak cà phê, pala amriak kalu pablak mboh jeng".

          Meng di thun 2016, Hợp tác xã ngak Nông haong ngak jirah Bình Minh taong abih hu 27 urang Dao daok di palei Bình Minh, thôn 3, xã Cư Suê, huyện Cư Mgar. Chị Triệu Thị Châu, Akaok Yamndoc Hợp tác xã lac, 17 urang hu ilamu meng pakat univesiti, pakat glaong, yau nan ye hợp tác xã baralo bruk lagaih, drah. Tal ini hợp tác xã hu mbiah sa bhum labaih 108 ha cà phê pala pablak haong amraik kalu, duriang, bơ…, njauk gam haong janih palei hu di darak pasar: "Tea kandiuk di Hợp tác xã hadei patabiak darak pasar hu ralo urang take. Urak ini hu durian haong tanah tana thu bingi. Mai meng nan drei saneng lac njauk hagait drei oh kuria ngak ka nyu siampura jang. Caong dom janih ndap nda drei tapa langiu tỉnh, hu mbaok bak nagar Việt Nam".

          Thau salih akaok saneg, thau pagam ngak tu jalan karo kajap, rai diuk di mikwa HTX oh padeih glaong. Jien mek tame yaok baoh sang meng 300 - 500 triệu đồng/dalam thun. Ông Nguyễn Công Văn, Phó Chủ tịch UBND huyện Cư Mgar taong yaom lac: "Hợp tac xã Bình Minh ieu lac sa hợp tác xã ngak mbang jeng. Oh lac sa janih cà phê bo gait daok thau brei pambuak piah pablei dom janih ndap nda pala drak, dom kayau mbang baoh gait jeng hu ganap brei ka darak pasar. Hu sa janih kon hulin dalak mboh biak sanang hatai ieu lac adei saai yakyum jumpataom, dah krak di Ban giám đốc urang dang akaok ba jalan siam lagaih brei pachreih hu ka urang hợp tác xã".

          Ba hatai saneng kuhria duh jalan barau, pabak bruk ngak mbang, ngak tabiak ndap nda…, dom urang ngak nông bangsa Dao di palei Bình Minh daong tame bruk salih barau siam lagaih, papraong paglaong jalan ngak mbang pataok ekonomi haong yam kaom ngak nông nghiệp di dalam bhum bangsa urang takik di xã Cư Suê, huyện Cư Mgar, tỉnh Đắk Lắk./.