Palei Trăng Nó Kon Blo, xã Đăk Kôi, huyện Kon Rẫy, tỉnh Kon Tum hu abih 120 baoh sang urang bangsa Xơ Đăng. Piah daong rahra urang bangsa pasalih saneng kuria pasalih cara ngak, Chi bộ palei Trăng Nó Kon Blo mboh lac 21 urang nđảng njauk dang ngak akaok ngak dalau. Mai meng dom bruk ngak siam di dalam ekonomi di urang rang nđảng pagap ye: pandar pajaih barau, ngak njauk tu kỹ thuật brei kein laba glaong; salih phun bei tapa kape, katak kasu… urang dalam palei, dalam nan hu 35 baoh sang urang kathaot bac magru ngak tui.

 Nai Y Xanh, Akaok Pahasa Liên hiệp Kumei xã Đăk Kôi khan lac, yaom lac hu dom urang nđảng ba hatai jai daong pato pakei brei ka dom baoh sang urang kan kathaot daong ka mik wa urang biak kan kathaot dalam palei naih hatai jie tui, kham marat hatai buh tame jalan patagok bruk ngak mbang:“Dom urang nđảng bhin trun taom tal dom baoh sang drei njauk brei ieik glang piah lang yah pato padar tal dom jalan sarak karja di NĐảng, Hukum nagar. Pato patacei brei salih akaok saneng jalam cara pala raong daong ka urang bangsa takik, patagok bruk ngak mbang padang ekonomi truh eik patrun kathaot karo kajap”.

Đăk Kôi ieu lac sa baoh xã atah di huyện Kon Rẫy hu labaih jaik 3.400 urang, ralo abih di dalam nan ieu lac urang bangsa Xơ Đăng. Tal hujung thun 2022 xã daok kandaong labaih 285 baoh sang urang kathaot. Piah daong mikva urang kan tathuak kathaot, Đảng ủy xã kham marat chul khang bruk jak ba “Ngak brei ka salih akaok saneng, salih cara ngak di dalam mikwa urang bangsa takik, lbrei ka mik wa urang bangsa patruh eik patrun kathaot karo kajap”. Dalam nan NĐảng ủy pakat xã jao bruk ka 15 Chi bộ dan haong 187 urang nđảng di xã, dalam nan njauk caik hatai tal dom urang dang akaok urang dang nao dalau urang nđảng urang bangsa takik. Ong Trương Hồng Doanh, Akaok pakat Đảng ủy xã Đăk Kôi lac:“Ieu lac sa urang nđảng tuh halei jeng nao dalau, nao akaok, dang akaok dalam bruk jak ba brei salih akaok saneng, cara ngak brei ka mik wa urang bangsa takik kham marat patagok bruk ngak mbang patruh eik patrun kathaot karo kajap di dom urang ndang di dom chi bộ palei, dalam nan njauk ndom mayai tal hu urang nđảng urang bangsa takik dang ngak bruk jak ba dakwah ieu mikwa ba hatai tama ngak siam ngak jeng”.

Di 43 palei urang bangsa takik, dom urang nđảng pataom bruk dakwah jak ba pato pakei baoh sang urang bangsa takik kan kathoat jeng ye dom baoh sang jaik taphia nan pandar njauk pandar siam dom yaom kaom di baoh sang di dom usaha nyim masre piah patagok ekonomi; janih gah kein lagaih piah buh tame bruk ngak mbang raong glang, patabiak ndap nda; khan thau tal dom janih pajaih, anek raong, phun pala njauk lagaih; jak ba dom baoh sang urang bangsa takik rami ramik apuh bein; jum pataom tame kapul tổ hợp tác, hợp tác xã pala phun jru cawao, pala drak ngak nong hacih saat…Ông Nguyễn Văn Thủy, Phó Chủ tịch UBND huyện Kon Rẫy, brei thau lac bruk jak ba dakwah di dom urang ndang ba mai ralo kein lagaih ka bruk patagok ekonomi rahra kinh tế- xã hội di bhum palei:“Tapa tui dom bruk peih ngak dom janih ngak mbang pata biak ndap nda, gam tui haong dom danak dak jalan pakat nagar ka bangsa takik mboh brei pasalih barau ralo janih mboh kein laba siam makre di palei pala urang bangsa takik, salih barau dalam urang bangsa takik thau saneng kuhria thau salih cara brei kein laba siam makre di dalam rai diuk urang bangsa takik hu ralo salih barau cambac lac”.

Paraong paglaong dom janih ngak siam ngak hu di Bruk dakwah jaba “Brei ka bruk pasalih akaok saneng pasalih cara ngak di urang bangsa takik, ngak ka mik wa urang bangsa takik uak rup tagok patruh eik patrun kathaot ka karo ka kajap” dak harei dak dalam, dak khang, dak njauk, njauk siam njauk lagaih di Huyện ủy Kon Rẫy mboh ieu lac sa jalan ngak njauk, ngak siam di urang ndang urang dang akaok pakat ndang di palei pala njauk pok praong pok glaong di urang ndang pakat chi uy, bruk ngak di urang ndang pan dom baoh sang, urang ndang pan ieik kapul dom baoh sang, di urang hu angan di dalam jammaah di dalam palei.