Jaik di ini, bruk urang daoh ranaih umo pambuak haong dom nghệ sĩ hu rilo ilamu gah cải lương oh daok lac bruk kan mboh. Meda ndem tal dom kadha daoh, yau ye “Mai pang amaik ru” di NSND Bạch Tuyết saong urang daoh Hoàng Dũng tabiak mbaok di thun 2022. Bilan 7 meng blaoh, rapper Wowy jeng pambuak haong NSND Bạch Tuyết dalam kadha daoh Tia sáng cuối cùng. Kadha njauk biai nan lac bruk pambuak gauk di pop, rap, world music saong ragam meng kan. Atau NSƯT Thoại Mỹ pambuak haong ca sĩ H-Kray dalam kadha daoh "Phấn hoa màu son". Janih daoh xẩm pambuak haong rap, ragu ragam điện tử dalam “Xẩm Hà Nội” di Hà Myo atau urang daoh Quân AP pambuak haong quan họ Bắc Ninh saong rap, phlieng EDM dalam “Giao duyên - Ngồi tựa mạn thuyền”,... 

Lac sa urang ranaih umo, Bùi Thị Nam Giang, daok di TP.HCM brei thau lac, tuk pang dom kadha daoh hu bruk pambuak gauk di ragu ragam bahrau haong ragu ragam meng kan, cải lương jeng mboh biak tatuak drei, mboh hu bruk duah jalan ngak bahrau di dom nghệ sĩ. Ilamo meng kan haong bahrau pambuak gauk ngak ka urang pang mboh biak takre saong chreih chrai. Nam Giang ndem lac: “Tui hatai sahaneng di dahlak tuk hu pang dom kadha daoh bahrau yau nan mboh biak chreih chrai saong mboh bahrau karei tuk pang dom janih ragu nan. Hu tuk, bruk pambuak gauk di ragu ragam bahrau saong meng kan, ngak ka drei lac sa urang ranaih mboh hu bruk meng kan, gam haong nan, lac mboh bahrau tuk hu pang dom ragu ragam.”

Urang daoh ranaih umi angan Phương Mỹ Chi hu thau tal lac sa urang daoh hu 10 thun kak kajap haong ragu ragam daoh meng kan. Bahrau ini, urang kumei daoh ini hu tabiak mbaok Album saong hu sa var parang me-in hu angan lac Vũ trụ cò bay. Dalam nan, Phương Mỹ Chi hu daoh dom kadha daoh hu sahaneng meng dom kadha văn học yau ye "Vũ trụ cò bay", "Gối gấm" (nyim panuac thơ di thi sĩ Hồ Xuân Hương), "Vũ trụ có anh" (hu ngak tabiak meng dailikan Tấm Cám), "Những ngôi sao xa xôi" (dalikan katut jeg hu angan yau nan di Lê Minh Khuê), "Chiếc lược ngà" (dalikan katut jeng hu angan yau nan di Nguyễn Quang Sáng),… Taphia di nan, bruk parang me-in di Phương Mỹ Chi hu padang ngak biak tani tanat saong hu gam bruk pambuak gauk di dom alat ragam meng kan lac đàn nhị, lak, đàn bầu saong ilamo tamia panyin 

Phương Mỹ Chi brei thau lac, ngan haong anai, bruk hu dom kadha pambuak di ragu ragam bahrau saong meng kan yau ye cải lương, vọng cổ lac sa bruk biak siam. Kayua bruk pambuak ini nyu ngak brei kadha oh daok đơn điệu bo daok gaok tal baoh hatai di urang pang ranaih umo rilo  jang: “Adei atau dom ayut ranaih oh lac dom gen Z atau gen Y,… ye jeng njauk taduan veik saong patagok dom hagait pambuak tal ilamo meng kan di bangsa Việt Nam.”

Tui NSƯT Kim Tử Long, suai lavik, piah ka dua janih ragu ragam ini hu lai tame gauk, brei buh jien padai prein yava tame ngak, pambuak haong gauk biak siam gheih piah ngak habar pang oh daok mboh parabha jeng 2 janih ragam ragu. Dom nghệ sĩ ranaih meda patui veik pambuak di ragu ragam meng kan haong ragu ragam bahrau piah ka urang pang hu jalan duah tal dom bộ môn ilamo meng kan:“Dom urang ranaih hu khang hatai ba cải lương yau ye đờn ca tài tử, điệu lý tame dom kadha daoh bahrau atau kadha daoh bhap bini. Nan lac sa bruk khang hatai saong hu bruk buh jien padai prein yava ka ragu ragam di dua rai, dahlak biak pachreih tui kayua nan lac bruk piah ka urang pang duah thau piah tame pang atau iek. Dahlak caong maong dom urang ranaih hadei di ini hu bruk pambuak biak siam lagaih jang, piah tuk pang ye khol drei daok pang sa kadha, oh njauk dua kadha daoh.”

Ndem ka bruk pambuak gauk  bahra ini haong H-Kray dalam kadha "Phấn hoa màu son", NSƯT Thoại Mỹ brei thau lac, meng dahlau mai rilo menuac bhian lac cải lương lac klak, min nyu oh klak hagait. Kayua yau nan ye nghệ sĩ jeng brei thau lac, tuk urang ranaih caong pambuak haong cải lương ye bruk njauk mayai di abih lac ngak habar lai tame gauk hu ilamo meng kan saong dom ilamo bahrau karei karei./.