Hadei dom harei padeih padei raya Tet, di pabah kraong Kinh Dài, huyen An Biên, tinh Kien Giang hu dom baoh kapal gilai ikan caga srap gap tabiak tasik biak rilo. Bruk tabiak tasik mboh biak chreih chrai, bui sambai ba tui rilo hatai caong takre ka mbang tabiak tasik jak jeng, siam lagaih. Ong Âu Tuấn Khải, Urang Po kapal gilai ikan di huyen Châu Thành brei thau hatai caong khin akaok thun di drei:

        “Caong ka thun bahrau mek hu rilo ikan hadang piah tal abih thun adei sa-ai duah hu ralo brei ka bruk nao tasik, mek hu rilo jien. Drei ngak oh suan hukum di Karja ba tabiak, taong ikan hadang dalam bhum tasik di drei, oh nao tapa bhum tasik negar langiu.”

        Thun ini, ngan haong bruk pathau khan tani tanat di Bol lin Bien phong gam haong dom gah chuc nang karja, mikva urang ngak mbang nao tasik Kien Giang kham merat ngak tui dom adat di hukum nagar Viet Nam saong hukum dunya, ngak siam tui dom tacei ba di gah chuc nang karja tuk tabiak tasik taong ikan mek hadang, kham merat gam haong bhum palei talaih hu kat kanyik IUU, mek mai binguh thaik thaot saong labik dang di gah ndap nda kaya kan tasik Viet Nam di angaok darak pasar dunya. Ong Huỳnh Lê Quang, Doanh nghiệp tàu cá Quang Huy, Ban Rạch Giá brei thau: 

        “Dahlak nao tasik meng tuk daok sit mbiah tal urak ini saong pan ba labaih 10 sruh gilai. Akau Dahlak hulin mboh taong ikan hu siam lagaih di angaok tasik, yang ka sa ieu lac mai meng bruk pathau khan di Bol lin Bien phong daong ka khol dahlak hulin thau, oh taong ikan tame bhum tasik di negar karei, khol akau dahlak hulin ngak mbang tari taring di angaok tasik. Yang Ka dua lac pabak khau tin haong urang dang akaok kapal gilai adei sa-ai nao tasik oh hua jien padai blaoh nao tapa bhum tasik langiu negar taong ikan. Urak ini gilai di khol akau dahlak hulin pagam ginup ndap nda ngak kong glaong piah pasang iek gilai ikan, meng nan khol akau dahlak hulin ngak hu siam lagaih”.

        Ong Đỗ Đức Quyết, Phaok akaok Kapul Ngak ikan Ban Rạch Giá lambaok vakil ka kapul taong ikan dalam Ban tadhau ayuh mikva nao tasik tabiak tasik tasik mek hu rilo ikan hadang, gam haong dom caong takre ka mikva nao tasik ba gauk kham merat ngak tui adat hukum, talaih hu kat kanyik piah gah taong ikan dalam taneh ia hu jak jeng ralo jang.

        “Caong khin ka thun 2025 mikva nao tasik ngak njauk ngak siam, tabiak tasik taong ikan njauk bhum tasik Viet Nam, mek mai angan je siam makre di negar Viet Nam, caong takre talaih hu kat kanyik piah gah bruk taong mek kaya kan tasik dalam negar hu ralo jak jeng jang, gah pablei pandap tasik tabiak negar langiu dak harei dak patagok tabiak langiu negar.”

        Kayua dom kapal gilai tabiak tasik akaok thun hu ralo, urang jakar Bien phong Tây Yên hu ngak dom harak gar ka mikva nao tasik brei samar brei drah lagaih, khik kajap njauk adat hukum. Langiu di nan, kapul bien phong daok payua ka yaok sruh kapal gilai 1 thaot biguk Wa Ho, 1 hala dok taneh ia haong hatai caong 1 mbang tabiak tasik siam karo salamat, mek hu rilo jak jeng, gam haong nan jeng piah brei mboh akaok ngak po tasik kaoh pulao praong glaong di nagar Viet Nam. Thuong ta Bùi Văn Kết, Akaok Balai Bien phong tây yên brei thau veik:

        “Mbang Pato tacei Balai Bien phong Tây Yên jeng peih nyaom biai saong pambuak haong balai piah peih bruk pasang iek catang ka harak gar, dom ndap nda jamariak karo siam piah khik kajap ka mikva taong ikan njauk adat hukum nagar, mek hu jak jeng ralo.”

        Mbang pato tacei labik hu tacei ba ka Balai pasang iek Bien phong Kinh Dài patui pambuak bruk haong dom jabat hu angan ngak jak ba urang nao tasik khik tani tanat dom kapul gilai hu gul pataom, gilai hu salamat di angaok tasik. Peih ngak ka dom po gilai kapal vak cih harak hapah pagun sanya oh nao truh tapa bhum tasik langiu negar piah taong mek ikan. Tuk tabiak tasik brei hu ginup harak gar, hu harak binguk jalan tasik piah thau tapen negar langiu angaok tasik, piah patakik bruk dom kapal gilai ikan ngak chung suan hukum hu pambuak tal IUU saong ngak siam tui hukum nagar Viet Nam saong dom negar karei./.