Piah trun manieng bruk tok diuk tok pasang tuk ka oh tal umo thun saong tok gauk dalam but pajaih, tỉnh Ninh Thuận hu khik ramik saong peih dom bruk ngak di dom xa, dom huyen saong dom sang bac hu bruk tok diuk tok pasang tuk ka oh tal umo thun saong tok gauk dalam talei pajaih rilo. Meng dom Kalup kapul hu padang tagok di dom xa bhum bangsa takik saong bhum ceik, Mban Bangsa tinh hu pambuak bruk haong dom puk palei daok khik ramik dom bruk ngak piah peih ngak siam bruk pathau khan jak ba. Piah patagok siam lagaih, yaok thun, dom bruk ngak jeng hu pataom iek veik saong patagok khik ramik dom bruk ngak di Kalup kapul gam gam jang dalam tukvak anak tal. Ong Nguyễn Hồng Sơn – Akaok Jabat tư pháp huyện Bác Ái brei thau: " Huyện hu pato tacei brei padang 11 kapup kapul pacang caga bruk tok diuk tok pasang tuk ka oh tal umo thun saong tok gauk dalam  but pajaih, saong abih hệ thống chính trị hu ba tangin tame nan ye bruk tok diuk tok pasang tuk ka oh tal umo thun di dalam huyen mboh trun biak rilo dut saong dahlau deih. Peih ngak Danak dak Bruk ngak negar dalam bhum bangsa takik ye huyen hu ba tabiak jalan ngak 198 peih ngak dom bruk ngak sit ka pacang caga tok diuk tok pasang tuk ka oh tal umo thun, tok gauk dalam talei pajaih di dalam huyen, parabha bruk ngak cambaih laih ka yaok gah, uy mban dom xa peih ngak dom bruk cambaih laih piah trun manieng bruk tok diuk tok pasang tuk ka oh tal umo thun di dalam huyện."

Urak ini, dalam tỉnh Ninh Thuận padang hu 48 Kalup kapul, dalam nan hu rilo kalup kapul kayua urang kumei Cam khik ramik bruk ngak. Yaok thun, dom bruk ngak jeng hu pataom iek veik, taong yaom bruk ngak piah bac magru ilamo piah pakhang pasiam veik Mban dang akaok Kapup kapul.

Gam haong nan, Kapup urang kumei dom pakat di tỉnh Ninh Thuận jeng kham merat peih ngak samu gauk dom jalan langyah jhul khang bruk pathau khan ka Hukum lakhah caga saong baoh sang, peih dom mbang pakacah, parang me-in dom kadha ka bruk pacang caga tok diuk tok pasang tuk ka oh tal umo thun saong tok gauk dalam but pajaih… piah salih jalan sahaneng ka bruk ini dalam hatai di adei saai kumei. Abih di nyu nan lac ngan haong dom kapup kapul “oh manek anek ka 3”, “oh tok diuk tok pasang tuk ka oh tal umo thun”, “baoh sang haniem phul”,… hu pacang caga siam bruk tok diuk tok pasang tuk ka oh tal umo thun saong tok gauk dalam but pajaih dalam rahra. Langiu di nan, Kapul urang kumei dom huyen daok pambuak haong Jabat Bangsa pataom tame jhul khang bruk pathau khan meng rilo jalan ngak. Dalam nan, pataom tame dom anek saih, urang bahrau praong mbuan tok diuk tok pasang tuk ka oh tal umo thun.

Sang bac phổ thông Bangsa gam bac gam daok THCS Thuận Bắc hu labaih 200 anek saih, rilo meng lac anek saih kumei. Dom kalup kapul pacang caga bruk tok diuk tok pasang tuk ka oh tal umo thun di sang bac hu daong ka dom adei bac dom ilamo ka prein yava manek di tuk dam dara, pacang caga bruk tok diuk tok pasang tuk ka oh tal umo thun, tok gauk dalam but pajaih. Hadei di nan, dom urang dalam kapup kapul hu jeng dom urang pathau khan halain hatain peih ngak dom bruk pathau khan di pak sang saong dalam palei, labik dom adei daok. Adei Lượng Dương Ngọc Thiên Hương brei thau: “Anek thau hu dom kanjak jhak di bruk nan, lac bruk mbang ngui takik cak rok, dom urang kumei prein yava oh hu khang kadang, uranaih manek tabiak njauk ruak kik, jaoh jo, oh jak gheih”

Saai Pa Tâu A Xá Sa, daok di  xã Lợi Hải, huyện Thuận Bắc chreih chrai khan lac: meng tuk pang anek kumei di drei khan brei thau, drei hu thau tantu, cambaih laih bruk ini.  “Dahlau deih oh thau, min urak ini meng hu anek nyu bac blaoh mai khan gilac veik ka amaik ame thau saong amaik ame ngak tui”

Urang kumei saong ranaih kumei lac dom urang njauk pathau khan piah salih jalan sahaneng, piah patrun patakik, pamaong tal bruk jhul kadun likuk bruk tok diuk tok pasang tuk ka oh tal umo thun saong tok gauk dalam but pajaih tabiak truh raidiuk di rilo urang bangsa takik. Adei saai thau saong ndem “oh” haong bruk tok diuk tok pasang tuk ka oh tal umo thun saong tok gauk dalam but pajaih – nan lac bruk siam njauk uan tabuan, piah kol drei peih ngak hu siam Danak dak bruk ngak negar cak rok patagok kinh te – xa hoi bhum bangsa takik saong bhum ceik./.