Ong Nguyễn Đình Tùng, akaok HĐQT gam Taong Yam ndok Vina T&T Group, brei thau, thun 2024, pablei kaya tapa My mek hu 96 trieu USD, gam tui 58% jien mek tame di kongti. Bahrau di ini, tuk My tatuak drei khin taong jie tapak 46%, labaih 40% janih kaya ndap nda di kongti yau ye gok kandah. Tuk brei padeih taong jie dalam 90 harei ye harak pablei ndap nda jeng dreih mek hu biasa, pablei tabiak langiu tapa My yau ye mboh hadah yau bhian biasa. Urak ini Vina T&T daok chul khang pablei tabiak dom kaya ndap nda baoh kayau that yau baoh kruac bum, durian, baoh darang, la-u, thanh long, pa-ok … tapa Mỹ. Urak ini kong ty jeng daok kham marat hu cara jalan ngka lagaih:

“Rup dom urang ngak mbang pablei salih urak ini daok kham marat khik darak pasar di drei. Urak ini njauk ngak lagaih, lagaih anak lakuk, drei caga njauk ieik hagait tuk Amirik yau habar. Daok gah Rajaei, akau saneng lac njauk brei ka Amirik mboh drei urang ngak mbang njauk jie hatai.”

My ieu lac darak pasar njam patam praong yang ka 2 di Viet Nam, khik hu jalan khang kajap dalam pablei salih jeng ye yaom kaom. Bruk My padeih taong jie 90 ieu lac tuk brei ka urang ngak mbang blei salih jhul khang bruk pablei salih panak harei, duah darak pasar barau jeng ye ginum brei patrun jie. Dalam tuk daok cang, mada dom janih kaya njam patam di Viet Nam kan si pablei tapa My. Urak ini urang ngak mbang pablei salih di Viet Nam daok payeng rup tapa darak pasar karei yau ye: Trung Quoc, Chau Au. Tui ong Đặng Phúc Nguyên, Akaok Taong thu ky Kapul Njam patam baoh karoh Viet Nam, gah baoh karaoh njam patam Viet Nam jeng hu ralo jalan jeng ye uak drei saong janih di dom darak pasar karei.

“Kim ngach pablei tapa My labaih 5% dalam taong abih kim ngạch pablei njam patam di Viet Nam. Dalam nan pablei tapa darak Trung Quoc labaih 65%, Chau Au ye bih 10 %. Ralo urang ngak mbang blei salih gam ngak kaya pablei ka, Trung Quoc, Chau Au gam ngak ndap nda ka Japan, Korea. Kayua yau nan ye mayah lahik darak My atau mayah gaok kan daman di darak pasar ini ye ndap nda kaya mada pablei tapa darak pasar karei)

Daok tui gah kaya amraik kalu, muk Hoàng Thị Liên, Akaok kapul Amriak kalu dan saong Phun gia vi Viet Nam (VPSA) brei thau: njauk caik hatai caga 90 harei daok cang kuria taong jie 46% di Amirik piah jao ndap nda. Gam tui di nan, urang ngak mbang blei salih njauk caga peih darak pasar tapa chau Au, chau A jeng ye Trung Dong piah palaih gam sa tapak darak My, kayua oh lagaih brei ka yaom kaom saong taong jie.

“Dalam tuk My taong jie yau urak ini jeng lac tuk piah drei jhul khang bruk parabha darak pasar. Mayah nyu kan di darak pasar ini ye drei ramik tapa darak pasar karei. Urak ini oh ka cambac yau habar, yau nan ye drei jeng daok khik ayut cuai pablei salih khik darak pasar yau dalau.”

Dom kapul kapol nyaom mboh lac, kaya ngak nong Viet jeng hu kein lagaih brei pablei langiu nagar, ralo di abih ieu lac baoh karaoh. Urang blei salih njauk caik hatai dang ndom biai, pambuak gauk parabha yaom kaom, oh huac patrun yaom piah khik darak pasar mayah My tagok yaom jie./.