Kadha vak “Urang ngak nao ngak bruk di negar langiu thun 2023 – mboh lac bruk daok hadah hadai” di urang vak Hà Nam. 

Meng ilamu yaok pluh thun ba menuac ngak bruk, thực tập sinh saong chuyên gia Việt Nam nao ngak bruk di jaik 30 taneh ia saong bhum taneh, Cty Cổ phần Nhân lực Quốc tế Sovilaco daok di quận Tân Bình, ban raya HCM tuk halei jeng lac sa dalam dom labik hu urang ngak sahnang hatai, jia tame. Ndom ka bruk darak pasar thun ini, ong Nguyễn Xuân Trung, Taong Yam ndok Cty cổ phần Nhân lực quốc tế Sovilaco brei thau, urang ngak nao ngak di negar langiu mboh lac bruk daok hadah hadai. Langiu dom darak pasar meng lavik mai yau ye Nhật Bản, Đài Loan (Trung Quốc) saong Hàn Quốc bhian caik ka urang ngak meng tangin takai, ye darak pasar urang ngak chất lượng glaong brei ka urang ngak hu tangin gheih ngak jeng meda hu rilo siam lagaih dalam thun ini, tuk rilo taneh ia ba tabiak rilo jalan ngak piah dui pachreih urang ngak negar langiu:  “Thun 2022, urang ngak di kol drei tapa dom taneh ia ngak bruk mek hu biak rilo jak jeng dalam 3 thun tapa. Saong tui jalan cakrok di thun 2022, ye thun 2023 jeng brei mboh bruk ba urang ngak nao ngak bruk di negar langiu meda hu hadah hadai jang, siam mekre jang. Hu darak pasar Úc saong Canada, dom taneh ia di Trung Đông jeng caong khin taduan urang ngak di Việt Nam kol drei".

Thun 2003, Việt Nam ba tabiak bruk lac ba 110 rabau urang ngak nao ngak bruk di negar langiu tui harak pambuak bruk. Piah ngak hu bruk ba tabiak, Mintri Lao động Thương binh saong Xã hội daok brei ngak dahlau dom jalan ngak piah khik takai dom darak pasar meng kan saong taduan rilo urang ngak yau ye: Nhật Bản, Đài Loan (Trung Quốc) saong Hàn Quốc. Langiu di nan, brei duah dom darak pasar di dom taneh ia châu Âu saong Singapore, ngan saong dom bruk ngak, hu labik ngak siam  saong hu jien mek tame tani tanat ka urang ngak...

Urak ini, langiu di Nhật Bản saong Đài Loan (Trung Quốc) lac 2 darak pasar praong di dom doanh nghiệp ba menuac nao ngak di negar langiu, dom gah chức năng jeng hu peih praong darak pasar di dom taneh ia dalam Châu Âu. Min ini lac dom labik bo bruk chính trị daok rilo srau kadau, adat tame negar urang daok catang saong abih rilo jien padai nan ye urang ngak oh mbak carak. Kayua yau nan ye, anak tal, tui ong Nguyễn Đức Nam, Chủ tịch Hội đồng quản trị Cty Cổ phần pabak menuac ngak dunya saong pablei salih Sona, piah ka bruk ba urang ngak nao ngak bruk di negar langiu tagok hu khang kajap, brei hu dom jalan ngak cambaih laih jang. Dalam nan, brei hu Sarak meng Rajaei, cambaih laih lac dom jabat lambaok ngoại giao ngak bruk haong rajaei taneh ia ayut piah peih tabiak dom bruk ginum biai, taom gaok di dom doanh nghiệp.

Piah ngak hu bruk ba urang ngak nao ngak bruk di negar langiu tui harak pambuak bruk dalam thun ini, langiu dom sarak daong meng dom jabat khik ramik, ong Nguyễn Gia Liêm, Phaok akaok Cục Khik ramik urang ngak negar langiu (Mintri Lao động Thương binh saong Xã hội) ndom lac: Dom doanh nghiệp ba urang ngak nao ngak bruk di negar langiu brei caga dahlau bruk paglaong chất lượng dom menuac ngak: "Nguyễn Gia Liêm: Piah pabak hu bruk di darak pasar urang ngak negar langiu, kol dahlak daok ieu patagok bruk pambuak gauk di pato bruk ngak haong bruk ba urang ngak Việt Nam nao ngak bruk di negar langiu, ngak jeng bruk pambuak gauk khang di dom doanh nghiệp dịch vụ haong dom sang bac, labik pato bruk ngak piah ngak habar hu menuac ngak, pabak hu bruk ba tabiak di dom gah pambuak bruk di negar langiu".

Dom siam lagaih, hadah hadai dalam bruk ba urang ngak Việt Nam nao ngak bruk di negar langiu tui harak pambuak bruk thun 2023 lac bruk hu biak, kayua lac dalam tuk jit ruak hu jhul kadun likuk, dom sarak daong ka urang ngak hu rilo salih bahrau, darak pasar dak harei dak hu peih praong… Caong lac, dom kadha siam lagaih ini meda ba mai ka urang ngak rilo jalan pilih ruah bruk ngak, haong jien mek tame siam jang tuk nao ngak bruk di negar langiu./.