Hợp tác xã ca cao Suối Cát, huyện Xuân Lộc có 4 ha pala ca cao hu 15 thun. Tal tuk ini, yaok thun bein cacao paik hu yaok rituh tấn, kuhria di thun 2023 paik hu 200 tấn. Sa-ai Trương Trí Thành – Phaok Yam Ndok Hợp tác xã ca cao Suối Cát taduan ngak bein ca cao di sang hadei di tuk tabiak truh Ban raya HCM thun 2021 kayua jit praong Covid-19.

Sa-ai Thành brei thau, urak ini yaom ca cao that labaih 10.000 đồng/kg, haong baoh paik hu tani tanat ye sa thun brei jien tame meng 1-2 tỷ đồng. Ca cao lac phun mbuan pala, oh lahik rilo pren bo tukvak paik baoh hu suai atah nan ye ba bruk ngak ka rilo rahra dalam puk palei. “Biak pachreih ba dom dam dara dalam xã Suối Cát cakrok bruk ngak mbang di puk palei. Kayua huyện Xuân Lộc lac huyện ngak nong, taneh biak rilo, meda pandar taneh salih meng pala pa-aok blait oh hu kein laba”

Sang ong Mỹ Nô (daok di xã Suối Cát, huyện Xuân Lộc) hu bein ca cao praong 1,6 ha. Dahlau daih, bein di ong Nô pala phun pa-aok blait yaok thun paik hu meng 1-2 tấn baoh, min bruk pablei tabiak oh tani tanat. Meng di tuk salih phun pala, ong Nô oh daok duh hatai ka bruk pablei tabiak kayua hu hợp tác xã pataom blei: “Thun blaoh paik hu 10 tấn, jeng hu rilo nan urak ini meng sangka iek glang. Daok thun ini baoh meda hu rilo jang dua, klau mbang”.

Tuk camereip, phun ca cao dalam huyện Xuân Lộc tok hu dom hecta. Hadei di tuk karja palei kham merat pathau khan, peih praong bruk ngak, bhian tacei pato ilamu kỹ thuật, taneh ca cao dalam huyện urak ini hu rilo jang 100 ha.

Bruk pala ca cao di Xuân Lộc hu ngak tui jalan hợp tác xã hu pambuak gauk saong che bien dalam, gam patagok yu lith sinh thái, yu lit trải nghiệm, dui pachreih rilo tuai dalam saong langiu taneh ia mai rivang. Ong Nguyễn Văn Có – Phaok Akaok UB Bhap bini xã Suối Cát, huyện Xuân Lộc brei thau: “Phun ca cao, tal tuk ini hu labik pablei di darak pasar biak khang kajap meng harak pambuak bruk haong Kong Ty Marou piah pablei ca cao suai lavik. Phun ca cao hu meng livik mai min tal tuk ini mikva meng mboh phun hu yaom ngak mbang glaong, nan ka meng pataom tame pala”.

Anak tal, piah ka phun ca cao cakrok khang kajap ye gah ngak nong tỉnh Đồng Nai brei roh duah, hu sarak daong urang ngak nong salih janih phun pala, patagok yaom meng bruk che bien dalam saong padang angan ginup prein meriak gauk./.