Ông Thạch Sô Phanh, di xã Lương Hoà, huyện Châu Thành, hu 2.000m2 tanah bhian kurang ia di bilan thu, ngak padai oh hu sal ralo, khut khat. Thun 2022, ông Phanh klak ngak padai, tapa pala njam patam. Ông buh prein tame ngak majam pala, hu sang majam pacang, pandar bruk pruh ia otomatik mboh kein lagaih. Mai meng di nan, njam patam di gait mboh siam, njam pablei hu yaom gklaong meng 15 - 20% dut tui njam patam bhian pala.

Khan haong kon hulin, ông Thạch Sô Phanh lac, bruk buh jien tame blei hlam jan pacang papaok, pandar iar pruh tui otomatik mboh kali kalih kein lagaih jang, pandar majam ngak nông brei ka bruk pala njam patam pakurang hu jien padai biak ralo brei bayar ka pah manuac ngak, jru caga phun pala, iar tuh jeng ye caga njam patam klah taik hala bram kanduh atau bruk gha hadei hujan. Gam tui jammaraih barau, yaok thun sang ông duah hu labaih 120 triệu đồng, glaong jang 10 mabng dut tui ngak padai.

Daok di palei Cầu Tre, xã Phú Cần, huyện Tiểu Cần, sang ông Thạch Rene hu jaik 1ha taneh ngak padai pandar công nghệ ieik glang hu taneh thu taneh tasah, atneh mbak taba mai meng ia di ribaong kênh tui telephon jak gam haong ndap nda jamaraik dut dak dalam hamu.

 Ông Thạch Rene lac: “Gam haong ndap nda dut ini, drei ba ia tame hamu lagaih jang haong rup praong di phun padai njauk tui jalan “tasah - thu pablak gauk” gam brei pakurang jien buh tame, gam brei kurang ia ka padai…”

Di huyện Càng Long, ông Nguyễn Văn Hiện, ấp Đầu Giồng, xã Phương Thạnh ngak 1,2ha kruac haong jaik 400 gok phun dan haong 0,3ha baoh madan dalam sang hu majam halam jaik 70 gok. Kayua urang ngak, kurang urang ieik glang, ông Hiện duh tal ilamu jammaraik công nghệ. Tui di nan, ông brei dak 2 labik njuk iar papait, dak jalan raok iar hu tuak pabak pruh iar kakuar. Bien halai hu 2 baoh jammaraih nduac, iar nduac tame raok papait tui hatai, khik hu iar gianap khang, lagaih brei ganap iar ka kruac haong baoh madan, siam ganap brei ka phun pala.

Pandar chuyển đổi số atme ngak nông daong brei patagok phun pala, pasiam hu ndap nda, yaom kaom brei ka ngak nông, luac masa blaoh tapa, Sở ngak Nông patagok bhum palei Trà Vinh chul khang bruk CĐS di taong abih gah dalam bruk ngak.

Muk Lê Thị Linh - Phó Giám đốc Pasak Khuyến nông, Sở NN&PTNT Trà Vinh brei thau lac: Piah ngak siam gah CĐS, Pasak caik hatai pato ilamu ka urang hu bac, kỹ sư hu ilamu glaong, pandar siam dom janih công nghệ 4.0 dalam bruk ngak nông. Taduon mek, jao ba pandar ilamu  - kỹ thuật, công nghệ barau tal dom jabat, yaok urang pandar tame bruk ngak, pandar ndapnda.

Dalam nan, gah pala phun daok pandar haok par oh hu manuac peih brei pruh jru caga ka phun kayau, brei drak khah. Pandar kompute ieik glang halak halin ba ruak, piah ba tabiak bruk thau dalau atah masa, mateh dhua, panak masa panak harei. Khik tui danak mô hình dak halak halin jak thông minh, ieik glang dalau tui Zalo kapul, njuk ia pruh iar etomatik, mô hình sang majam ieik glang nhiệt độ, thu tasak atomatik...

Tui Ông Trần Văn Dũng - Phó Giám đốc Sở NN&PTNT tỉnh Trà Vinh, CĐS urak ini oh lac jalan meng anak bo ieu lac bruk njauk ngak. Di gah ngak nông, CĐS akan mada daong urang ngak mbang, hợp tác xã, cơ sở ngak mbang blei salih gah ngak nông patagok bruk ngak mbang, patagok prein yawa dalam bruk ngak mbang blei salih, daong patagok kinh tế - xã hội./.