Saai Ngô Mạnh Tuấn daok di palei 6, xã Phú Thịnh, huyện Yên Bình, tỉnh Yên Bái brei thau: sarak daong cak rok patagok bruk raong glang tui jalan ngak tabiak pandap panda hữu cơ saong sarak daong cak rok patagok bhum glai pala nguyên liệu tui jalan khang kajap hu daong ka dom baoh sang salih jalan saneng, ba mai kein laba glaong jang: “Hu bruk daong di Kanja yau nan, kol dahlak mboh biak siam kayua phun jien buh tame abih biak rilo, hu daong jeng trun hu manieng.”

Ong Nguyễn Tài Kỷ, daok di palei Thác Cái, xã Đông Cuông, huyện Văn Yên jeng chreih chrai brei thau: Meng paok jien daong 30 triệu đồng tui Sarak HĐND tỉnh, sang ong pabak prein piah patui bruk buh jien tame labaih 200 triệu đồng padang ngak var raong glang, blei veik 10 drei kubau mai piah raong. “Sang dahlak iek tui Sarak 69 di HĐND tỉnh jeng peih bruk raong meteh công nghiệp. Tal tukvak ini kein laba  gah kinh tế meda lac hu tani tanat”.

Jeng meng salih jalan sahneng dalam bruk ngak nong, meng pablei pandap tamo tapa ngak jeng pandap hu daong ka bruk pala kanjik di xã Tân Thịnh, ban Yên Bái paglaong jien mek tame di mangaok sa mblang taneh ngak. Abih di nyu nan lac, urang nong labik ini hu pambuak gauk veik padang HTX saong buh jien blei jamriak, pandap panda piah ngak tapung kanjik mek hu tanut chuan OCOP 3 patuk. Kuhria rah tapa yaok thun, HTX ngak tabiak labaih 6 tấn tapung; yaom pablei tabiak darak pasa meng 300 tal 400 ribau đồng sa kg, daong ka HTX hu jien mek tame labaih 1,5 tỷ đồng yaok thun. Ong Tạ Văn Túc, palei Trấn Ninh, xã Tân Thịnh, ban Yên Bái brei thau: “Hu angan lac pandap OCOP 3 patuk, kol dahlak biak hadah mbaok mata. Hadei di ini pandap di kol dahlak meda hu ba nao tal dom labik, tapa tal dom negar langiu.”

Dalam dua thun tapa, UBND tỉnh Yên Bái hu brei phun jien daong labaih 90 tỷ đồng daong ka dom baoh sang, HTX saong doanh nghiệp cak rok patagok yaok rabau bruk ngak dom janih, meng pala drak, raong athur, manuk ada tal cak rok patagok kaya ikan pandap panda… Gam haong nan, pabak prein ka bruk pambuak gauk ngak tui chuỗi giá trị; peih praong saong paglaong siam mekre dom pandap panda OCOP; tagok prein maraik gauk ka dom pandap panda kaya nong hu pala rilo, patagok hu dom kein lagaih, prein khang di gah ngak nong puk palei. Ong Nguyễn Đức Điển, Phó yam ndok Sở Ngak nong saong patagok palei pala tỉnh Yên Bái brei thau: thun 2023 ini, gah ngak nong daok hu dom jalan ngak piah patagok jang dom prein khang dalam bruk ngak nong. “Gah ngak nong meda pambuak haong dom puk palei padang ngak, pakhang pakajap, khik ramik, khik chat luong di dom pandap panda kaya nong, peih praong darak pasa dak harei dak siam jang.”

Thun 2023, dalam tuk jit ruak oh daok ngak kan kandah praong tal raidiuk, urang nong di Yên Bái saong dom gah ngak bruk pala drak, ngak mbang, pablei salih di gah ngak nong, khang hatai salih jalan saneng meng bruk ngak nong tapa bruk duah jien meng bruk ngak nong; pasiam veik bruk ngak mbang, pala drak sit sot, salih tapa ngak pataom gauk, hu bruk pambuak gauk tui chuỗi giá trị, padang angan je karei di bhum palei, daong jhul kinh te di tỉnh cak rok patagok./.