Ong Huỳnh Văn Minh, po gilai kapal taong ikan tasik angan BV 90579TS daok di xã Phước Hải, huyện Đất Đỏ brei thau lac, dalau diah, yaok mbang ngak harak tame tabiak tasik tapa pabah lange ralo janih kan ke. Meng di tuk karja nagar brei khan tui eCDT, hu salih barau bruk tui cara kot cih meng tangin, urang ngak mbang tasik mboh biak lagaih.

 Tuk camareip bhap bini oh ka bhian pathau khan di angaok app mbaoh daok gakgan. Tapi min, mai meng pato tacei jalan di urang jakar kaya ikan ia, kapul urang caga jalan nagar haong karja palei, hadei di dom mbang ngak ieik, urang ngak mbang tasik jeng thau ngak taeng bruk brei thau rup drei di angaok app. Tui ong Minh, meng di tuk ngak bruk khan brei thau di angaok jamriak  eCDT, taong abih khau tin yau ye brei ka gah: dom ndapda, janih kaya ikan, labih dhua tasik taong mek, urang blai… taong abih hu mbaok di angaok app:”Hu jamraik ini tut tame, pathau khan mboh biak lagaih, urang ngak mbang tasik oh cang khan mayai meng pabah, pandar nyu oh kan hagait. Ngak mbang taong ikan tame tasik atah plaih nyaih labik pakauk ieu lac hu, hadei di nan khan brei thau dalam app blaoh salah. Kan tui haong urang oh bhian pandar nyu. Ngak mbang taong ikan tasik dalam atah bayah yau kon hulin dahlak njauk khan thau cambac lac, ngak chung njauk taong bhat, ngak yau habar juai chung brei chrau tal nagar”.

Meng bilan 3/2024, Pabah lamnge Cát Lở, Ban Vũng Tàu mada pandar kompute roh duah asal eletrik negar eCDT. Tal ini, taong abih, 100% po gilai kapal mada pak dak app, brei thau dom ndapnda kaya ikan tapa pabah lange tasik, ieik thau asal ndapnda kaya ikan urang pablei tapa pabah lamnge. Ong Trần Văn An, sa urang po gilai kapal taong meng ikan dalam tasik lac, bruk pandar app eCDT di dom urang ngak mbang taong cap mek ikan ieu lac janih njauk ngak: “Akau mboh ngak tui jammariak compute ini lagaih brei ka urang ngak mbang taong ikan tasik, biak sanang mbuan tuk masa tabiak tasik taong mek ikan. Tuk taong mek hu meng 50-70 kg atau 100 kilo jeng tut brei thau, tal tuk gilac mai mbaok ar tasik oh cang khan brei thau yau dalau, biak sanang”.

Di huyện Đất Đỏ, mbiak tal ini hu taong abih 100% po, gilai kapal hu daong brei thau pandar eCDT di telephon tangin. Ong Trần Văn Dũng, Phó akaok Jabat ngak Nong haong Patagok palei pala huyện Đất Đỏ khan lac: “Urang ngak mbang tasik pathau khan rah mai meng tangin mboh bhian, urak ini brei pathau khan meng eletrik jammariak oh ka randap bhian, urang karja, urang jakar huyen pato tacei yaok harei nyu mboh jeng bhian, jeng lagaih, oh cang pathau khan meng harak wak cih meng tangin. Asal hujung di nyu brei thau gok asal janih ndap nda kaya ikan ka cambac lac… daong taoh mek kat ameh thẻ vàng tui tanut di EC caong”.

Tui Sở Nong nghiệp và Phát triển Nong thaong tỉnh Bà Rịa – Vũng Tàu, tal ini 5 pabah lamnge ikan haong 1 pabah labik pakandaok ribuk di tinh hu brei peih abih 100% brei pandar tui eCDT, tui di nan brei cambaih lac dom kaya ikan taong mek hu, yam tal pahacih bruk taong mek ikan hijau, rup drei tanggung javap haong patagok karo.

 Ong Nguyễn Văn Hồ, Phó Yamndoc MBan Ieik glang Pabah lange ikan di tỉnh Bà Rịa – Vũng Tàu brei thau lac, jammariak phần mềm daong pabah lamge ikan, đồn jalan nagar brei thau lac, taong yaom iek kapal gilai tabiak, tame pabah lamnge drah samar, tantu njauk: “Meng bruk ngak mbang taong mek ikan tasik yau mukkei, tui jalan ame jao brei salih tapa bruk taong mek ikan hu ilamu, njauk tui Hukum nagar, hukum adat di dunya, cammareip daok gakgar. Tapi min njauk ngak njauk pandar, oh kandauk oh dauk hu, kan tal halei brei lang tal nan, puac jalan njauk peih hu kat ameh di EC”.

Thau harei harei brei ka bruk taong mek ikan haong thau cambac lac asal gok ndapnda kaya ikan ia tasik ieu lac sa janih drah capat piah thau cambac tantu dom janih ndap nda kaya ikan taong mek hu brei nao tal jalan peih kat ameh IUU mboh Kapul ieik glang Uỷ ban châu âu EC khin caong Việt Nam peih ngak. Mada daok gakgar tuk barau ban gak kyua daok kurang ilamu pandar jammariak... min tapi urang bhap bini urang ngak mbang taong ikan tasik jeng ye dom urang jakar jeng daok kham marat, kapul urang daok ngak daok kham marat./.